عرفت احبك ونسيت ان الدنيا اقدار♡︎

بارت 13

اليازيه: شما عندي لج شي.
شما : شو قولي؟
اليازيه طلعت باكيت زقارة..
شما: شو يسوي ها معاج لا تستهبلين!
اليازيه: بس صلب واحد جربي ما بتخسرين شي.
شما شلت الزقاره وولعتها.. شفطت اول شفطه وتمت تكح.
اليازيه: عادي اول مرة لازم جي شوي شوي وبتتعودين عليها..

في بريطانيا..
كان سيف يسولف مع نوف ومندمج بالسوالف معاها، لين دخل عليه حمد وخرب عليه..
سيف: ااء انزين نواف برمسك عقب ... هيه عندي التيس هني ... يلا مع السلامه.
حمد: هههههههه نواف عيل هاااا "وغمز له"
سيف فر عليه كرتون الكلينكس وقال: صدق انك تيس يعنى تشوفني ارمس نعم ناشب لي!
حمد: احبك وايد ش اسوي بعد ما اقدر على فراقك ههههههه.
سيف: امممححقق حببب انقلع لا تحبني.
حمد: ههههههه عنبو جبريت محد يروم يسولف وياك شوي، الا صح ما رمست امك؟
سيف: لا مامداني باجر برمسها، والحين يلا اطلع برا خلني ادرس.
حمد: زين ي الدافور.

في بيت غزل..
(غزل يتيمة الام والاب وعندها اخو من ابوها اسمه غيث)

دخلت غزل الصاله وهي شالة صينية الاكل لأخوها..
غيث(بعصبية) :لو بعدج طابخه غوزي كل هذا مجبوس!
غزل تمت ساكته ماقالت شي تعودت ع طبع اخوها..
غزل: امم غيث عادي اروح بيت ربيعتي دانة؟
غيث: ذلفي وين ما تبين بس قبل نظفي البيت وجهزي المكان ربعي بييون ورجعي قبل الساعه 10.
غزل: انت ما تمل من هالسم الي تاخذه!!
غيث قام من مكانه ورفع غزل من ملابسها وقال لها بعين كلها غضب: انـتـي مـا يـخـصـج فـيـنـي فـاهـمـه!!!!!
وعقها على الارض بقوه، رفسها وقال : مالت عليج وعلى بدور فوقج!
وراح عنها..
تمت غزل تصيح وتقول "انا شو ذنبي انا ما اخترت امي منو" وتمت تصيح وتشاهق..

<<قبل 20 سنة..

غيث كان عمره 11 سنة وامه كانت حامل ف الشهر التاسع وابوه متزوج الثانيه (بدور)
طبعا كان العز والدلال كله حق بدور اما ام غيث كان مخليها نفس الخدامة عندهم..
في يوم دخل البيت وبدور معاه راجعه من سوق الذهب..
ام غيث اول ما شافتهم راحت عندهم: وانا يا ابو غيث ما شريت لي شي؟
ابو غيث خزها من فوق لين تحت وقال: لاء
ام غيث ابتسمت بألم ونزلت راسها وقالت: ماعليه اعرفك ما تخلي شي بخاطري وبتاخذ لي انا بعد.
ابو غيث باستهزاء: هيه خير ان شاءالله، حطي لنا الغدا لين انا وبدور نروح نلبس.
لف على بدور وقال: يلا بدوري نروح.
ام غيث حست بالغيره من بدور انتظرت لين وقت العصر ودخلت على بدور وهي نايمه وقصت لها شعرها..
بدور قامت من النوم ولقت شعرها على الارض!
طلعت من غرفتها ولقت ام غيث تضحك عليها راحت بدور لمت شعرها وانتظرت ابو غيث يرجع..
ف الليل دخل ابو غيث غرفة ام غيث بعصبيه وسحبها من شعرها وهي نايمه وغيث معاها ..