عرفت احبك ونسيت ان الدنيا اقدار♡︎

بارت 26

 
ف المدرسه عند البنات..
كانوا قاعدين ف الكانتين يسولفون الا غزل ف عالم ثاااني..
حور لاحظت ان غزل مب معاهم واشرت لدانه بمعنى شفيها؟
دانة رفعت جتفها وقالت حق غزل: غزول تعالي معاي بروح الصف ابا اخذ لي حلاوه.
غزل: مافيني والله.
ريم: عادي انا بروح معاج.
دانه: لا لا غزول تعالي بلييز.
غزل فهمت ان دانه تبا تقول لها شي ف قامت معاها وطلعوا يمشون برا..

غزل: في شي تبين تقولينه؟
دانه: بصراحه هيه، ابا اعرف عنج شو الي مضايقج وشاغل بالج هالكثر؟
غزل: ما اقدر اتكلم هني.
دانه: اممم تمام تعالي عندي العصر ع اساس ندرس وقوليلي كل شي شرايج؟
غزل تنهدت: اوكي "سكتت شوي وكملت" الا صح منو الي قالج اني ييت بتاكسي؟
كانت بتتكلم بس قاطعها صوت حور وريم..
ريم: وينكم تأخرتوا دق الجرس وانتوا بعدكم.
دانة شهقت: ويي تعالي بسسرعه علينا فيزيا!!
سحبت ريم وراحت صفها.

في المزرعه..
كان ابو خالد يتكلم مع الراعي (سليم) وعزيز راح صوب اسطبل الخيول.. لمح عزيز حفرة عميييقه ولاحظ ان مثل هالحفر عادي تطلع الافاعي والعقارب منها.. وراح عند ابو خالد عشان يخبره.
عزيز: يدي شفت حفرة وايد عميقه صوب الاسطبل قول حق العامل يدفنها.
ابو خالد: زين ماعليه بقوله.
كملوا يشوفون المزرعه وراح عن بالهم موضوع الحفره..

في المستشفى..
كانت نوف قاعده تخلص شغلها بس بالها مشغول مع ميرة.. قطع تفكيرها صوت الدكتور مازن وهو داخل..
مازن: عفواً نوف ممكن شوي تيين؟
قامت نوف معاه وهو مشى قبلها صوب غرفة العلاج..
نوف: هلا دكتور؟
مازن اشر لها عشان تقعد على الكرسي.
نوف: لا شكراً انا مابا اقعد.
مازن: اوكي براحتج يا نوف، ابا منج تكتبين لي تقرير عن حالة المريض ***** .
نوف عقدت حواجبها: بس هذا مب شغلي دكتور هذا شغل ميرة.
مازن: عارف عارف بس انا محتاج التقرير ضروري ف اقرب وقت و ميرة واضح ان مالها مزاج "كمل بتردد" وبصراحه انا احب طريقتج ف الكتابة اكثر.
نوف تنهدت: خلاص اوكي بحاول اخلصه الحين.
راحت عند الباب عشان تطلع بس زقرها مازن..
مازن: نوف صبري..
نوف لفت عليه: في شي بعد دكتور؟
مازن بتردد: امم حسيت ان فيج شي، حابة تتكلمين؟
نوف بأبتسامه بارده: لا شكرا، عن اذنك.
طلعت عنه بدون لا تسمع شي..