خليفه: منو هذا الي نزلتي من سيارته وانتي جي منهاره؟
سلامه انصدمتت وتمت ساكته..!
خليفه قعد ف اقرب كرسي وشبك ايده ف بعضهم ونزل راسه..
خليفه: انا من اسبوع اراقبج واشوفج دايما تنزلين من نفس السياره وانتي منهاره.. واعرف انه يطلب منج فلوس "رفع راسه وطالع ف عيونها" قوليلي منو هذا ؟ وشو يبا منج؟ لا تنسين اني محامي واقدر اوقف معاج ف كل شي ي سلامه بس تكلمي!!
سلامه: ما اقدر اقول..
خليفه بعصبيه: ليييش؟؟؟؟
سلامه بلعت ريقها: اخاف..!
خليفه هدى شوي: سلامه ترا الموضوع مابيطلع عند حد وانا هني بساعدج ف كل شي..
سلامه بتعب: بقولك كل شي بس وعد مايطلع الموضوع عند حد..
خليفه تقرب اكثر: والله وعدد.
سلامه خذت نفس: قبل 3 شهور يتني ربيعتي منى تصيح سألتها شفيج قالت ان حبيبها يهددها بصورها والصور موجوده ف البيت وتباني اروح معاها بيتهم وناخذ الصور ولأني وايد اعزها وافقت .. شردت الساعه 11 من البيت ورحت معاها، وصلنا هناك و قالت لي انها بتدور تحت وانا ادور فوق سمعت كلامها ورحت غرفه غرفه .. دخلت اخر غرفه وانا انبش انقفل الباب علي "غمضت عينها وكملت" كان يحاول يعتدي علي وانا عشان احافظ على عمري مسكت اقرب مزهريه قدامي وضربتها على راسه ..
خليفه: وشو صار بعدها؟؟
سلامه وهي تصيح: طلعت منى مخططه مع حبيبها ان ربيعه يعتدي علي ويصورون عشان يبتزوني .. كانت الغرفه مراقبه بكاميرات ف بعد ماضربته على راسه صار له نزيف ومات بعد كم يوم ف العنايه .. خذوا التسجيل وقالوا انهم بيعطونه الشرطه وبنسجن بس اذا عطيتهم فلوس بيسكتون .. وانا من شهر على هالحال عطيته تقريباً 60 الف من قبل والحين يبا 50 الف "صاحت اكثر وقالت" اخاف خليفه اخاف..!
خليفه تم ساكت ومصدووم..
سلامه: قولل شيي بتقدر تساعدني..؟
خليفه: هيه اكيد اقدر، بس لازم تسمعين كلامي..
سلامه: معاك ف اي شي تقوله..
خليفه: متى بييج مرة ثانيه؟
سلامه: يوم الثلاثاء..
خليفه: خلاص عيل ريحي عمرج انتي الحين واعتبري الموضوع خالص.
سلامه ابتسمت: شكراً.
خليفه ابتسم لا شعوريا: مابينا ولو "سكت شوي وكمل" انا بروح اقعد برا اذا احتجتي شي ناديني.
سلامه: اوكي.
ف السياره عند سيف ونوف..
ركبت نوف وسيف كان معصب.
نوف: شفيك؟
سيف: ماشي.
نوف حطت عينها ب عينه: قلت لك شفيك؟
سيف بعصبيه: ليش قلتي حق عزيز يوصلج وانا موجود؟
نوف: انت كنت نايم وكان صاير شي مهم ف الدوام "لفت صوب الجامه" تشك فيني يعني؟؟
سيف: خلاص اسف ما كان قصدي..
نوف ماترد وماده البوز.
سيف: اعرفها هالزعله انا .. وين تبين اعزمج؟
نوف حاولت تخفي ابتسامتها: اصلا مازعلت..
سيف: واضح واضح المهم قولي يلا وين تبين؟
نوف: همم مدري ع ذوقك.
أنت تقرأ
عرفت احبك ونسيت ان الدنيا اقدار♡︎
Storie d'amoreتدور الاحداث حول بنت اسمها نوف و شاب اسمه سيف عيال عم الاثنين حبوا بعض بكل صدق بس يصير شي ويغير حياتهم ف ليله وحدة .. هل يا ترى القدر بيجمعهم؟ ولا ف ليلة راح تتغير مشاعرهم؟ الحساب انستا rwaya.bysh
