في بيت ابو عزيز..
دخل سيف الصاله وهو معصب وراح عند امه..
سيف: امايه عزيز وين راح مع نوف؟
ام عزيز: الناس تسلم اول، راح يوصلها المستشفى دقولها يبونها ضروري..
سيف راح باس راس امه: السموحه منج بس كنت اسأل ونسيت اسلم..
ام عزيز كانت بترد بس قاطعها دخول البنات..
دانه ركضت وحضنتها: شحاالج امايه؟
ام عزيز ابتسمت: بخير حبيبتي "لفت على ريم" ها ريم كيف الامتحان؟
ريم: الحمدلله خالتي كان سهل.
دانه مدت البوز: وانا ما تسألين عني؟؟
ام عزيز: ههههه يالله ي الغيره انتي بعد، ولا تزعلين اخت دانه كيف كان امتحانج ؟
دانه ابتسمت: الحمدلله حليت عدل وريماني ساعدتني.
ام عزيز: زين زين ربي يوفقكم "سكتت شوي وكملت" الا شما وينها؟
دانه رفعت جتوفها بمعنى ما ادري..
ام عزيز: زين روحوا فوق وانا بحط الغدا.
دخلت شما غرفتها وبسرعه راحت شافت الفون ولقت مسجات من ذياب..
"بصراحه انتي وايد حلوهه يعني جد ماتوقعتج جي حتى صوتج، اسف اذا ضايقج كلامي بس من امس افكر فيج ماطلعتي من بالي ولا دقيقه"
شما قرت الكلام وانشق ويهها من الوناسه..
كانت بترد بس دخلت عليها دانه ووراها ريم .. سكرت الفون وحاولت انها تكون طبيعيه عشان محد يشك .. محد لاحظ توترها لأنهم كانوا يسولفون..
وصل ابو عزيز وكانوا كلهم قاعدين على السفره ياكلون..
دخل عليهم عزيز وقعد معاهم..
ام عزيز: وينها نوف؟
عزيز: ف دوامها قالت بترجع مع ميره..
خذ سيف فونه وكتب حق نوف "انا بيي اخذج من الدوام"
ثواني وردت عليه نوف "اوكي حبي"
سيف ابتسم وكمل اكله .. عزيز كان يطالعه وياه فضول اخوه يحب منو..
في المستشفى..
دخلوا سلامه الغرفه وكانوا نوف وميره معاها..
خليفه دخل عليهم: بعدها ماقامت؟
ميره: لا بعدها بس ما اتوقع تطول يعني..
سلامه فتحت عيونها ونوف شافتها وراحت عندها مسحت على راسها..
سلامه بتعب: انا وين؟
خليفه وميره انتبوا لها وراحوا..
نوف: انتي ف المستشفى يقولون اغمى عليج ف حمام الجامعه.
سلامه تحاول تقوم: سوري تعبتكم معاي.
ميره: لا ارتاحي ماتعبتينا ولا شي "اشرت على نوف" الاخت من وصل حبيب القلب وهي مختفيه.
نوف ضربتها ع جتفها بالخفيف وشافت خليفه الي ماكان منتبهه..
ضحكوا عليها البنات وهي ويهها قفط..
نوف: الا صح ش صار لج عشان تتعبين هالكثر؟
سلامه تذكرت شو صار معاها وبدت تصيح..
سلامه: عادي تخلوني بروحي شوي وبليز لا تقولون حق امي اني هني..
نوف: الي يريحج حبيبتي.
طلعوا عنها وخلوها براحتها.
نوف وهي تشوف فونها: سيف وصل لازم اطلع الحين.
ميره: وانا بعد مابقى شي ويخلص الدوام لازم اروح اشوف شغلي..
خليفه: لا تحاتون انا بتم هني.
راحوا البنات وخليفه دخل على سلامه..
أنت تقرأ
عرفت احبك ونسيت ان الدنيا اقدار♡︎
Romanceتدور الاحداث حول بنت اسمها نوف و شاب اسمه سيف عيال عم الاثنين حبوا بعض بكل صدق بس يصير شي ويغير حياتهم ف ليله وحدة .. هل يا ترى القدر بيجمعهم؟ ولا ف ليلة راح تتغير مشاعرهم؟ الحساب انستا rwaya.bysh
