عرفت احبك ونسيت ان الدنيا اقدار♡︎

بارت 3

في بيت ابو عزيز الساعه 8 الصبح،
ينزل عزيز من الدرج بسرعه وتناديه دانه من طاولة الاكل
دانه: عزووز ويتت.
عزيز يوقف ويطالعها : هلا دندن بغيتي شي؟
دانة: هيه اباك توصلني المدرسه.
عزيز بستغراب: ليش وينه الدريول؟
دانة : امايه قالت يشلني انا وشمو مع بعض بس انا ابا اروح قبلها.
عزيز: سمعي كلام امج ي الحلوه وتريي اختج.
قرص خدها وطلع من البيت
طلعت شيخه من المطبخ وشافت دانه تأفف
شيخة: دندن شفيج ؟
دانة: ابا اروح المدرسه الحين والعبيطة هاي للحيـ "قاطعتها شما وهي نازله من الدرج صوب دانة": منو منو عبيطة ؟؟
دانة خافت وركضت عند شيخه
شما: عيدي الي قلتيه ليش خايفة وركضت صوبها
تمو يركضون حول طاولة الاكل لين بالغلط شما طيحت صحن
لحظة صمتت الا وفجأه يسمعون صراخ امهم من فوق: ويهههد يهدج انتي وياها
دانة سحبت شما وطلعوا بسرعه من البيت وهم يضحكون وركبوا السياره
نزلت ام عزيز بالعصا: وينهن مسودات الويه
شيخه وهي ماسكه ضحكتها: راحن المدرسه امايه
ام عزيز: ماعليه بيلقنه خل يرجعن بس
قربت منها شيخه وباست راسها وقعدت عدالها
شيخه : امايه انا شوي وبطلع تأمرين ع شي؟
ام عزيز: لا حبيبتي ربي يحفظج
شيخه: ما اوصيج على خالد حطيت له اكله ف المطبخ وملابـ "قاطعتها ام عزيز" : اعرف ي امي لا تحاتين شي ولدج ف عيوني
شيخة بأبتسامة: لا خلا ولا عدم منج ي الغالية
ام عزيز: ولا منج حبيبتي
شيخة: يلا عيل امايه انا بترخص، ف امان الله.
ام عزيز: ف امان الكريم.
وطلعت شيخه حق دوامها .