مهرة: مشكوره بس انا مابا الحين شلي اكلي ووديه المطبخ وانتي روحي كلي.
ميرة: وانتي مابتاكلين؟
مهرة: بلى بس انتي خلصي قبلي عشان تكونين مع حور وانا اروح اكل.
ميرة: تمام.. خذت اكل مهرة ونزلت تاكل.
بعد ماخلصوا ياكلون..
نوف وميرة وسلامه راحوا عند حور وكانت شيخه بعد هناك تبدل حق ولدها.
ميرة: قولو شو سالفة سنو وايت؟
نوف: امس ونحن راجعين امي سألت فارس عن راسه قال "انا بروح ارقد وخلي نوف تقولج شو سوت سنو وايت ههههههههه"
ميرة حطت ايدها ع خصرها: لاااوااللهه شايف نفسه اخوج هذا!
ضحكوا البنات عليها وهي تمت ساكته..
دخلت ام عزيز عشان تشوف حور.
ام عزيز راحت عند حور: كيف صحتج الحين؟
حور بتعب: الحمدلله احسن شوي.
ام عزيز تقربت منها اكثر وتمت تقرا عليها.
بعد كم دقيقة دخلت دانه وهي تركض وماسكه الفون.
ام عزيز: بسم الله بلاج؟؟
دانه وهي تلهث: سيف سيف يتصل..نوف اول ما سمعت اسمه فز قلبها..
ام عزيز خذت الفون وردت: الو ... هلا هلا امي ... شحالك وشخبارك "بدت تصيح"
سيف: امايه لا تصيحين مافيني شي انا دقيت لج هالوقت لأني ابا اكلمج ف موضوع.
ام عزيز: قول حبيبي شو الموضوع؟
سيف: بس قبل حد عندج؟
ام عزيز: هيه خواتك شيخه ودانه هني وبنات عمك نوف وميرة وسلامه.
نوف كانت تطالع ام عزيز وتلعب بأطراف شيلتها..
سلامه بهمس: بتذوب علينا هاي ههههههه.
سيف اول ماسمع اسم نوف تم سرحان ويفكر فيها..
شيخه: امايه هاتي ابا اسلم عليه.
خذت شيخه الفون وقالت: الو سيييف.
سيف: هلا نووف.
شيخه: بلاك بسم الله انا شيخة مب نوف.
نوف نزلت راسها وضحكت ميرة طالعتها وقالتلها بصوت خفيف: ويي طلعوا الاثنين مب صاحيين.
ضحكت سلامه عليهم وكملت تطالع شيخة.
سيف انتبهه: ها هلا شيخه سوري عبالي نوف اصواتكم تتشابه، المهم شيخة انا داق حق امي اباها ف موضوع ضروري عقب برجع ادق وبنسولف.
شيخه: زين انتبه على عمرك وعطت الفون حق امها.
ام عزيز خذت الفون وقالت حق البنات: بنات نزلوا تحت شوي خلوني بروحي..
طلعوا البنات كلهم من الغرفه ونوف ف عالم ثااني..
سلامه: حوووه نشي نشي من الحلم الي انتي فيه..
نوف: اوهو خلوني اعيش اللحظه ياخي.
ميرة: اثقلي اثقلي.
نزلوا الصالة وكانوا كلهم هناك.
في ميلس الريايل..
هزاع طول الوقت ساكت ويفكر وسلطان يحاول يعرف شوفيه بس ماقدر.
طلع سلطان من الميلس وبالصدفه شاف شما قاعده ف الحديقة وقال ف خاطره "معقولة هاي شما؟ متى كبرت! صارت حلوهه ماشاءالله" عقب استوعب ودخل داخل.
شما شافته بس ماعرفت منو من عيال عمها لأنه كان بعيد والشمس ضاربة ف عينها..
دخلت شما الصالة وقررت تسوي الي ف بالها الحين دامهم كلهم قاعدين.
أنت تقرأ
عرفت احبك ونسيت ان الدنيا اقدار♡︎
Romanceتدور الاحداث حول بنت اسمها نوف و شاب اسمه سيف عيال عم الاثنين حبوا بعض بكل صدق بس يصير شي ويغير حياتهم ف ليله وحدة .. هل يا ترى القدر بيجمعهم؟ ولا ف ليلة راح تتغير مشاعرهم؟ الحساب انستا rwaya.bysh
