#انثى_خلف_اسوار_الحرام
#للكاتب _ محمد_ ابو جود
#البارت_الثاني
• شحلاتك من تعاتبني😔
• وتكلي شعجب ما ، مشتاك🍃
#لك مشتــآگلك گــِّد #النفــس🌺
لٱ و •اللّـہ̣̥ مــو گــِّد النفــس 🍂
گــد الهــُّوى اليخنگــْنِي م̷ــن #أشتاگ💔💔✨
.
زمرد: بعد ما خلصت الحفلة رجعنا للبيت ثاني يوم رحنة اني و عمتي للسوك بالطريق و لاكتنة مرة جارتنة
المرة:اشلونج خية علوية عساكم بخير
العلوية:الله يسلمج حبيبة ربي يحفظلج راعي بيتج
المرة: دريتي منو اشترة بيت جاسمية الله يرحمها
العلوية:الله يرحمها منو اشترى
المرة: ام در مرت جسام الكصاب
العلوية لطمت على خدها: ياااااا شرجعها فلك صابها اشكد عينها گوية
المرة: خية رجعت و صايرة احوال
العلوية:خية كلة مال حرام و الحرام ما يدوم لا والله
المرة:اي والله خية صح السانج
زمرد: راحت المرة و كملنا طريقنا للسوك اتسوكنة و رجعنا لليل و اتذكرت كلام جارتنا على ام در و نزلت لعمتي
زمرد:اكلج عمة منو ام در و شنو فلوس الحرام العدها
العلوية: يمة عوفينا ما نريد نحجي ع العالم
زمرد:لا عمة والله ما نحجي بس اريد اعرف منو هية ام در و ليش انصدمتي من عرفتي بيها
العلوية: هاي سالفة كلش قديمة قبل تقريبا اكثر من عشرين سنة يجوز ام در هسة عمرها بالخمسين سنة
جانت ام در بنية شابة و حلوة اتزوجت من بيت الكصاب جانت عائلة كلش زينة و معروفين و عائلة جبيرة من اتزوجت ام در جسام الكصاب عبالك لعنة و صابت هل عائلة صارت مشاكل بين الاخوان حتى اسلحة واحد رفع الثاني و اخت جسام اتخبلت و ضلت تطلع بالشارع و تشكك ملابسها
جابو سيد معروف للبيت قرالهم ع البيت السيد طلعلهم سحورة يا ابو سحورة و طلعت ام در هية مسوية السحورة اطلكت و بيت الكصاب عافو الكوت كلها
و ام در شردت من اهلها و اختفت و اهلها كلهم ماتو و هسة رجعت بعد كل هاي السنين
زمرد: عمة السحر شيسوي
العلوية: ااااخ يا عمة السحر مثل المرض الخبيث ياكل الواحد اكل المسحور يضل يتعب و يشوف اشياء مو زينة لو يتصرف تصرفات مو بوعية و اخرتها لو يتخبل لو يموت لوووو اهلة يتلاحكون يعالجونة بس شنو من يتعالج هم يبقى تعبان لان الي شافة مو شويا
و الساحر الله يعذبة دنيا و اخرة و اخرتة لجهنم و بئس المصير لان السحر حرام الله يبعدنا من هل افعال الشنيعة والله اني اعتبر السحر جريمة مثلها مثل القتل الله لا يوفق كل واحد يسوي سحر و يدمر حياة الناس
