#انثى_خلف_اسوار_الحرام
#للكاتب _ محمد_ ابو جود
#البارت_الثامن
#اول_خطوات_الحرام
"كبرنه وما عرفنه المن كبرنه
غير الحزنه ماشفنه بعمرنه
شمحلاهة ونرد لذيج الايام
من جان الضحك تارس فرعنه"
زمرد: ضليت صافنة على ام در هاي المرأة القوية الحق يقال هية غلطت بالسحر لكن ما كان عدها غير حل اشكد اتحملت و اخرتها صارت هية المو زينة
انتبهت للوقت اتأخر
زمرد: راح اروح اني باجر ارجعلج و نكمل حديثنا
ام در: انتظرج الله وياج
زمرد: طلعت من يم ام در لكيت مرة جوارينا بالشارع اجت علية
الجارة: يا خالة شعندج يم ام در ولج هاي مو خوش مرة
زمرد: خالة احنة المو خوش ناس الي خلينة ام در بالزائد بدون ما نعرف ليش هيج سوت بدون ما نحط الذنب براس زوجها المكرن لو حمها النذل لو حماتها الحقيرة
عفتها و مشيت ما انتظرت جوابها دخلت للبيت بديت احمي الغدا و على ما حظرتة اجة خالي و الولد
سودة علية خالي من موتت رغد و سالفتها و هوا دومة مريض و شعرة صاير كلة شيب
كعدنا نتغدا و اني بالكوة اكلتلي لكمتين بس كدام خالي كملو غدا الولد ما يشربون جاي فدخلو لغرفتهم ينامون
و خالي كعد بغرفتة جبتلة الجاي من وصلت الباب الغرفة سمعتة يكول ااااخ يا ليلى وين عفتيني و مشيتي
حطيتلة الجاي ع الطبلة و طلعت بسرعة للحوش و اطلقت سراح دموعي ضليت كاعدة ابجي
زمرد: ااااخ يا عمة وين رحتي محتاجتج حيل عمة راح اضيع نفسي والله اااااخ يا رب
ضليت كاعدة شويا و دخلت الكل نايم اني هم رحت نمت كعدت لكيت الدنيا ليل
زمرد: يبووو اشكد نايمة خلي اكوم اسويلهم عشا
كمت بسرعة نزلت لكيتهم كاعدين بالصالة كلهم
خالي: بوية عشاج بالمطبخ ما حبينة نكعدج جبنة دجاجة شوي من برة احنة تعشينة
زمرد: فدوة لعمرك خالي الف عافية
ثاني يوم نفس الشي خالي و الولد راحو للشغل و اني حظرت غدة و رحت لام در
ام در: كنت منتظرتج
زمرد: فكرتي بكلامي
ام در: اي و مستعدة اساعدج ثقي بالله راح اسويلة عمل الا اخلي يخاف من خيالة بس محتاجة غراض
زمرد: شني الغراض
ام در: اريد قطعة من ملابس داخلية و اريد وجه المخدة مالتة و اريد شعراية منة
زمرد: ماشي احاول ادبرهن الج اشوكت ترديهن
ام در: كون قبل نهاية الشهر حتى اني اخر ليلة بالشهر اسوي ويا ما القمر مكتمل
زمرد: ماشي لعد راح اروح هسة و احاول ادبرهن
أم در: ماشي ولا تنسين اريدهن قبل نهاية الشهر
زمرد: اي رايحة
ام در: الله وياج
زمرد: طلعت من بيت ام در رحت لبيت عمي لكيت بس اسينات بالبيت
زمرد: وينها العائلة المحترمة
اسينات: زمرد شبيج شنو هل كلام
زمرد: تعالي عندي موضوع وياج
اسينات: شكو احجي
زمرد: حجيت كلشي لاسينات بس ما حجيتلها على الي راح اسوي كلتلها بس اشلون ضحك على رغد و اشلون راد يعتدي علية و اشلون رغد أنتحرتت و على عمتي الماتت من قهرها
ضليت اسينات صافنة لا تاخذ ولا تنطي
اسينات: صدك تحجين شنو هل كلااااام
زمرد: اي هاي الحقيقة
زمرد: اسينات من كلتلها ضلت مصدمة و تيهت دربها
زمرد: المهم انسي هل موضوع و كومي كملي تنظيف البيت و خلي اساعدج
كمت بحجة اساعدها بالتنظيف صعذت فوك لغرفة النذل خالد اخذت فانيلة داخلية الة بس احتاريت وين اخليها كون اسينات ما تشوفها
نزعت دشداشتي و لبست الكيمونة مال خالد و رجعت لبست دشداشتي و اخذت وجه مخدمة من الجرباية و خليتة جوة بملابسي
و لكيت فرشة الشعرة مال خالد و بيها شعر بس احتاريت وين اخلي الشعر لذالك اخذت الفرشة كلها و خليتها جوة العباية و نزلت
زمرد: يلة اسونة اني راح اروح
اسينات: الله وياج
زمرد: طلعت ركض من البيت هم يلة الحك على ام در و انوب ارجع للبيت قبل خالي وصلت لبيت ام در دخلت بسرعة نزعت الفانيلة انطيتها الها و الوجة و انطيتها الفرشة
زمرد: هاي الفرشة بيها شعر اخذي منها
ام در: هههههه طلعتي مو هينة بسرعة دبرتيهن
زمرد: مثل ما انتي كنت طفلة بريئة و بيت الكصاب دمروج و صرتي قوية و انتقمتي اني همين خالد دمرني و خلانية انتقم و الي ينتقم ما يخاف من شي
ام در: ابشري والله الا اخلي ما يعرف الليل من النهار
زمرد: المهم اني رايحة و باجر هم امرلج
ام در: ماشي تعالي من وكت باجر
زمرد: أن شاء الله،،، طلعت من ام در رجعت للبيت على ما سبحت و حظرت الغدا اجو خالي و الولد و كالعادة اتغدو و نامو و اني ضليت كاعدة الوب
و كالعادة ثاني يوم وحت لام در و بدت بالعمل...
يتبع...
كلش اعتذر لان البارت قصير و ما بي احداث بس والله كلللش مريض و ما حبيت اخليكم تنتظرون
توقعاتكم للقادم
تحياتي #للكاتب _ محمد_ ابو جود
للتواصل انستا ayham_ab12
