#انثى_خلف_اسوار_الحرام
#للكاتب _ محمد_ ابو جود
#البارت_التاسع
#خطوات_الحرام
واجت صدفة وعثرنه وعثرة متيهين
والتيه طريقي اللون بعيونه
الاخذ فكر وتبعثر ويسواد الليل
مشية خيل ماعرفو يسبگونه
ثاني يوم رحت لام در و بدت بالشغل
دخلنا لغرفة بيها اشكال و الوان من الاشياء الغريبة كعدت ان در بالكاع و خلت كدامها لعبة قطن و دنابيس و شحم و خيوط بيضة و خيوط سودة
و ليمون بيه سواد و فلفل حار و طاسة ذهبية بيها ماي اسود و فرشت كدامها فانيلة خالد
شالت اللعابة و ضلت تباوعلها و هية مخنزرة و هية تباوع للعابة كالت شسمها ام خالد
زمرد: حجيت و اني ارجف اسمها مطيعة
ام در و هية تباوع للعابة هز راسها و كالت سمعت اسمة خالد ابن مطيعة انت روحلة و اني منا ادزلك الاوامر لا ترحمهم افتهمت
زمرد: ضليت اتلفت محد بالغرفة غيرنا كلتلها انتي ويامن دا تحجين
باوعتلي و كالت اششششششش صوتج
قسماً بالله اللعابة كان لونها جوزي خلتها فوك الفانيلة مال خالد اللعابة تغير لونها و صار اسود من الخوف كنت واكفة فوراً كعدت
اخذت فرشة الشعر و طلعت شعراية منها يعني شعراية مال ولد تكون قصيرة شالت الشعراية بيدها و خلت ايدها بالطاسة الي بيها ماي اسود
و ضلت تردد كلام و تنادي بأسماء غريبة طلعت ايدها من الماي بيها هواي شعر اني الخوف ضل يقرا عندي الف
رجعت شالت اللعابة و لفت عليها الشعر و الخيوط الاسود و الابيض و عافت بيها دنابيس و رجعتها ع الفانيلة
و شالت الماي الاسود و دارتة ابطل و انطتني البطل و انطتني فلفلة حارة و ورقة بيها كتابة طبكتها و انطتنياهن
ام در: باجر الساعة بـ 3 الفجر ترحين لبيت خالد توكفين اباب الشارع اول شي تحركين الورقة و تشمرينها بعتبت الباب
و هذا الماي ترشينة نص بالعتبة و نص بالشارع مالتهم و هاي الفلفلة تشمرينها على بيتهم للعصر راح يبدي اللعب الحقيقي فترة و ترجعين اسويلج شغلة ثانية
زمرد: ماشي ،، نزعت الكلادة الذهب مالتي و انطيتها لام در
ام در: شنو هاي
زمرد: ما عندي فلوس انطيج و هاي حق تعبج و اذا تردين اكثر كولي و ان شاء الله ادبرلج
ام در: بس اني ما اريد فلوس
زمرد: و اني مستحيل اخذ العمل بدون مقابل ع الاقل اعتبريها هدية مني
ام در: ماشي راح اخذها اعتبرها هدية مشكورة
