انثى خلف اسوار الحرام

البارت الاخير

#انثى_خلف_اسوار_الحرام
#للكاتب _ محمد_ ابو جود
#البارت_الحادي_عشر_و_الاخير
#انطفاء_نار_الانتقام

نور الهدى: مرحبا اني نور الهدى بنت اسينات و وائل اني مواليد 2004

عايشين اني و امي و ابوية و اخوية ايمن التوأم مالتي

اني تفكيري واسع يعني حتى تعتبرني اكبر من عمري بسبب تفكيري دائما اسئل امي عن اقاربنا

كان جوابها واحد انتي ما عندج لا خوال و لا خالات و لا عمام و لا عمات و اجدادج ميتين

و كل مرة تتهرب من الموضوع و مرة كنت دا الم بالملابس المشرورة و ارجعهن للكنتور و كان اكو ملابس لامي رحت لكنتورها دا ارجع الملابس

وكعت صورتين قديمات لامي و وياها 2 بنات شابات امي كانت ابدلة العرس و صورة ثاني هم بالعرس امي و الشابات الاثنين و مرة جبيرة اول مرة اشوفها

اخذت الصور لامي كانت بالمطبخ

نور الهدى: ماما هاي منو البنات و هاي المرة منو

اسينات: ولج انتي كاعدة تفتشين بكنتوري

نور الهدى: لا ماما والله كنت دا أرجع الملابس و هنة وكعن

عافتني امي ما جاوبتني و اخذت الصور و دخلت لغرفتها اكثر من نص ساعة و طلعت كانت عيونهة حمر مبينة باجية

و اني موتني الفضول اريد اعرف هاي النسوان الي ويا امي منو و ليش هيج ضاجت و ليش بجت هواي تسائلات بعقلي و اخيراً لكيت الي يجاوبني عليهن

بيوم نزلت من غرفتي لكيت ابوية كاعد بالصالة و امي طالعة للسوك حبيت استفسر من ابوية

نور الهدى: بابا اكدر اكعد اسولف وياك اذا ما عندك شي

وائل: أيي باباتي احجي

نور الهدى: صدك اني ما عندي لا عمام ولا عمات ولا خوال ولا خالات معقولة هيج انت وحيد و امي وحيدة

وائل: شلج بهاي السالفة عوفيها بابا سالفة طويلة

نور الهدى: فدوة بابا احجي ما عدنا شي

وائل: تعالي وياي

نور الهدى: كمت ويا بابا دخلنا للغرفة طلع البوم مال صور اول مرة اشوفة

طلع صورة هوا و ويا ولد شاب و اثنين كبار بالعمر

وائل: هذا جدج ابوية و هذا خال امج و هوا الي رباها لان امج اهلها ماتو و هية صغيرة و هذا اااااااخ هذا اخوية خالد مات بسبب زمرد

نور الهدى: و منو زمرد

وائل: هسة تعرفين ،،، طلع صورة ثاني امي و ابوية و وياهم اثنين نسوان و كال هاي بيبيتج امي و هاي مرت خال امج