#انثى_خلف_اسوار_الحرام
#للكاتب _ محمد_ ابو جود
#البارت_الرابع
عساها ابخت كل ثالث
يخرب عشگ بين اثنين ✨🥀
خالد: زمرد اني احبج
زمرد: ضليت صافنة اجاني شعور حلو گلبي رفرف يمكن لان اول مرة واحد يسمعني كلام حلو فززني من صفنتي خالد
خالد: شبيج وين صفنتي ادريج مستغربة اشوكت حبيتج موو احنة لقائاتنة كلها مشاكل هههه لكن هوا هذا الشي الي جذبني الج انتي متمردة بريئة بداخلج شراسة مال لبوة و عنفوان بيج ميزة و ما اكدر انام الا افكر بعيونج الساحراتني
زمرد: انة ما فهمت نص الكلام الي كلتة بس انت جاي تمدحني مو
خالد: هههههه اموت عليج يا الفطيرة
زمرد: دنكت راسي خجلانة و الابتسامة تارسة وجهي
خالد : ترى ما اتعودنا عليج هادئة ولج وينها زمرد المخبلة
زمرد: هههههه
خالد : من اروح فدوة لهل ضحك
زمرد: عفتة و طلعت من المطبخ رحت كعدت يم الجهال و اني كل شويا اصفن شويا و كمت اريد اغسل شفت خالد يم المغسلة
خالد : زمردت گلبي لا تكولين لأي احد اني احبج حتى لرغد لا تكولين ولا لاسينات خليها بيناتنا فترة بس اجهز نفسي و اجي اخطبج
زمرد: ضليت خجلانة ما اعرف شحجي
خالد : كرص خدي و كال اموت عليج ،، و راح
زمرد: حتى صخنت من خالد كرص خدي
لليل رجعنة للبيت و بالطريق شفنة ام در يعني سبحان الله صدك سماتهم في وجوههم هية وجهة طفولي و حتى ما بي تجاعيد ولا عبالك عجوز لكن عيونها و رفعت حاجبها تبين هية اشكد خبيثة
و لحد الان اضل مستغربة و سؤال اطرحة على نفسي اكثر من مرة ليش ام در ما تروح من بالي ليش افكر بيها هواي
ليش حلمت بيها و شفتها بالحلم قبل لا اشوفها بالحقيقة
ليش رحت و اخذتلها اكل و من رجعت الماعون اشلون اندلت البيت و اني ما كلتلها على بيتنا
كل هاي الافكار اجتني و اني كاعدة و حتى بعدني ما مبدلة
مرتجية ع الحايط و ضليت اقدم راسي و ارجعة بقوة ع الحايط اكثر من مرة بدون وعي لحد ما رغد فززتني من صفنتي
رغد : ولججججج باع الدم
زمرد: خليت ايدي على راسي لكيتة يصب دم من الضرب
راحت رغد صاحت العمتي ضمدتلي الجرح
العلوية: الحمدلله جرح صغير يا عمة شبيج تضربين راسج بالحايط
زمرد: والله عمة ما منتبهة لنفسي
العلوية: يلة الحمدلله عدت سلامات
