جذبني فمك البني

اجابه على اسئلتكم

مساء الخير والعافيه على قلوبكم محبين جذبني فمك البني .

قريت تعليقاتكم حبايب
وهواي عدكم اسئلة اني فتحت بث بالفيس ووضحت للبنات كل اسئلتهم ضليتو انتو حبايبي لازم اجاوبكم هنا..

السؤال الاول ( سيلين ليش ما اخذت رقم ادهم من الاساتذه بالجامعه.)

لان ماخذ اجازه اربع سنوات وانقطع عنهم سنه ونص التهى بعلاج سيلين وزواجهم وهو قليل التواصل ماعنده اصدقاء هواي سوى سامر وتعرفون شلون افترقوا..

ليش ما تواصلت سيلين وياه عن طريق الفيس وغيره..

نزل البرنامج مره وحده شافه تافه ويلهيه عن دراسته وحياته حذفه ، دكتور ادهم يستعمل برنامج الواتسب فقط..

ليش ماراحت لبيت اهله وسألت عن ادهم او رجعتلهم ؟

بيت اهله شالوا بمحافظه بالجديد تبعد عن بغداد ست ساعات هل من المعقول من مره وحده تروح تندل تروح وحدها  مره ثانيه؟ الاجابه يمكم.

ليش ما تواصلت ويه اقاربه عمامه او غيرهم...

ادهم ماعنده علاقات تواصل ويه الاقارب واذا تتذكرون دائما يكول اني ما احب المجاملات العقيمه ...

يتواصل بالموبايل اي بس قليل يروحلهم بسبب انشغالاته وارتباطه ويه البنات يعني نهائيا ما ماخذهم وياه ولا مره ...

عمام ادهم كلهم بنفس المحافظة عدا عمه ابو ضيغم ساكن بغداد من سألتها ليش مرحتيلهم ..

تكول عقلي جان مو بمحله وكلشي ما اتذكر واني رايحه مره وحده بس والطريق كله كضيته سوالف ويه ادهم والبنات ، من راحو بالزفه والمنطقه تبعد عنهم هواي يعني شلون الكرخ والرصافه ....

ادهم من رجع للعراق دور هواي عليها وفتره الانقطاع جان شبه مشلول عن الحركه يعني تمرض لمده ٨ اشهر...

مادخلت بتفاصيل مرضه وشرحتها لان تطول ويصير عدكم ملل...

ليش هيج فهد الكل يخاف منه وماعرف شنو ..

فهد هسه بنظرهم الملاك لا مهددهم ولا مسوي شي يتعامل وياهم بمنتهى العقل والرزانه وهو اكثر واحد وكف ويه ادهم بهاي محنته من مبدأ اكتلك وابجي عليك..

ورجعوا للفديوا النزلته وراجعو صفاته من جديد...

باقي التفاصيل كلها اوضحها بالبارتات القادمه..
اي سؤال عدكم اسألوا وارجع اسوي تعديل يعني تابعوا التعديلات هنا ..