مهلا حبيبتي

مهلا حبيبتي الحلقة الأولى

مهلا حبيبتي
الحلقه الاولي
عائله اللواء رفعت
الاب  اللواء رفعت
الام رولا
الابن مازن ظابط شرطه
الابنه ميرا
عائله اللواء سعد
الاب اللواء سعد
الام سعاد
الابن ادهم
الابن سليم
عائله فهمي
الاب فهمي رجل اعمال
الام فريده
الابنه سيرين
عائله نبيل
الاب نبيل موظف
الام ناهد ربه منزل
الابنه ساره
الابن خالد مسافر للخليخ ويرسل مساعدات لوالده
عائله جمال
الاب جمال موظف
الام جميله موظفه
الابن احمد
الابنه نهله
هؤلاء الابطال الاساسيين والباقي ادوار ثانويه
طبعا يتضح من الوظائف ان ساره واحمد من مناطق شعبيه اما مازن واخته وسرين وادهم يسكنون الفلل
.........................
ادهم :بصراحه يامازن انا عاوز اصارحك من زمان وحاسس اني مخنوق
مازن:خير قول وبطل مقدمات ماليش فيها
ادهم :من الاخر بقي عشان جبت اخري انا بحب اختك  وش كده

مازن :اختي! اختي مين؟
ادهم:انت هتستهبل هو انت ليك 100 اخت دا هي واحده ميرا
مازن:وانا اللي استامنتك علي بيتي تخني
ادهم:ولا انت هتسوق فيها
مازن:هههههه طب مانا عارف فاكرني كروديا مش دريان وانا لو مش واثق فيك وفيها كنت سيبتك عايش لدلوقت
ادهم:بصراحه هي مش مدياني وش لدرجه مش عارف بحبها علي ايه دا انتو خلتوها شبه العسكري الاخضر
مازن:ياد تكونش فاكرها سايبه احنا بناتنا متربيه
ادهم:كل ما احاول افاتحها واقولها تقولي انا ماليش دعوه ماتكلمنيش عندك مازن وبابا
لما جننتني مش عارف عوزاني ولا رفضاني
مازن :ياهبل يامتخلف لما البت تقول كده معناها افهم ياكروديا وانطق واتحرك وروح كلم اهلي وانا موافقه
ادهم:يااااراجل
مازن:اه والله
ادهم:وانا اللي بقالي سنه ومستنيها ترد.
مازن:شوفت لو ماجتليش كان زمانك مستني العمر كله
ادهم:اه والله العلم نور
العلم اتقدم اليومين دول سحيح
مازن:انت لسه جاهل زي ماانت
ادهم:سيبنالك الخبره ياباشا
مازن:اما تستعصي عليك حاجه تيجي لاخوك ماتكسفش انا زي والدك
ادهم:ماشي ياعمو
حاكم ان اللي يجوز امي اقولو ياعمي
يلا ياد هتعملي فيها خبره ورانا مهمه
مازن:امن مسدسك
ادهم:كل حاجه السطه وميه ميه يا زوق
مازن:طب يلا يامعلم
ادهم:وانت مش ناوي تخطب
مازن:طب اركب اركب
والله الست الوالده جيبالي عروسه بتقول زي القمر اما نروح نشوف القمر ده يارب مانتكعبل ف صخره من صخوره
ادهم:طب اوعي تقع علي بوزك
مازن:ماتخافش دا انا ركبي حديد
ادهم:ماشي ياعم الجامد
مازن:انت واثق من الاخبايه المره دي الواحد زهق كل مره علي اخر الوقت ولاد الكلب يغيرو معاد التسليم
اكيد في عيون لهم عندنا مش صدفه ابدا
ادهم؛ وانا شاكك ف كده بس مش قادر امسك غلطه علي حد
مازن:ربنا يسهل المره دي ونمسكهم بدل مابيدمرو الشباب بالمخدرات  دي ويدمرو البلد
ادهم:يارب
..................
بعد فتره
مازن:شوفت مش قلتلك اهو هنرجع قفانا يامر عيش تاني والله بقيت اكسف من رؤساءي وانا داخلهم بخيبه الامل راكبه جمل
ادهم:واحنا هنعمل ايه يعني هنصربهم علي ايدهم عشان يسلمو ف المعاد
احنا بنعمل اللي علينا وخلاص
مازن :انا بفكر ف فكره مجنونه اننا نزرع حد منا جواهم
ادهم:ياعم دي اتهرشت ف مليون فيلم قبل كده
مازن:تصدق انك محبط ياد طب اضحك عليا طااا مش ف وشي كده
ادهم:انت مابتجيش الا بكده اما تصهم ف وشك عشان تفوق
مازن:ماشي ياجزمه واعتبر جوازتك من اختي اتلغت
ادهم:لا الا ده دا انت جميل وطعم ونايتي
مازن:بعد ايه ابقي قابلني ماعندناش بنات للجواز المقابله انتهت
ادهم:هههههه هو انا ف بيتكو دا احنا ف ملك الحكومه دي عربيه شرطه هتطردني منها
مازن :والله اصلي اندمجت ف الدور ههههههه
.........................
رولا :يلا يا مازن اجهز هنتاخر علي خطيبتك
مازن:خلاص ياماما انا جاهز خلصي انتي
واالبت ميرا فين مش جايه
رولا :عندها مذاكره وبتقول صاحبتها جيالها
مازن:طب هبص عليها واحصلك
..........
مازن:بتعملي غراميات من ورايا دا انا لما اجي هنفخك
ميرا:والله يا زيزو ماعملت حاجه
هو اللي كل شويه لما يجيلك يكلمني وانا مش مريحاه
مازن:جدعه يابت طالعه لاخوكي ماتريحوش ابدا دا مجنني
ميرا :دا غلبان والله
مازن:نعم ياختي هنحن

ميرا :فشر كلا البتا
مازن :فشر وكلا البتا دونت ميكس حبيبتي
لغتك بقت بيءه كده ليه انتي بتقعدي مع الواد ادهم كتير
ميرا:لا والله دي البت ساره صحبتي
مازن:البت دي تبعدي عنها خالص هتبوظلك اللغه
ميرا :لا دي طيبه خالص وانا بحبها بس متوسطه مش غنيه
مازن:الفقر مش عيب حبيبتي المهم الانسان نفسه
ميرا:عشان كده هي اكتر صاحبه ليا هي الانتيخ
مازن:يخرب بيت لغتك دا الواد هيرجع ف كلامه
ميرا:يقدر دا بيموت فيا
مازن:ماتتلمي يابت ايه الوش المكشوف ده بتكلمي ابن اختك دا انا اخوكي الكبير احترمي نفسك قدامي
ميرا:حاضر حاضر اسفه
مازن:بلا باي ياقمر  وسلمي علي صحبتك البيءه اللي جايه
ترميه بالمخده اخس عليك ماتقولش عليها كده
مازن:كده طب مافيش جواز من ادهم
ميرا:خلاص خلاص بقي انا اسفه