مهلا حبيبتي
الحلقه السادسه
دخل مازن السجن مع عطوه احد افراد العصابه
مازن جاء سريره جمب عطوه
مازن:تدخن يازومل
عطوه:تدوم المحبه
وانت جاي ف ايه
مازن:انت ماتعرفنيش ولا ايه انت مش من هنا
عطوه:لا والله ماحصليش الشرف
مازن:انا السالك اللي بيسلك كل الامور والبضايع اللي مابتتسلكش
وبيسموني المايسترو عشان بعزف علي كل الاوتار
عطوه:ولك ف تسليك ايه بقي
مازن:كل حاجه تتخيلها سلاح تلاقي اثار تلاقي مخدرات تلاقي
عطوه:يا راااجل يعني لو حته معقربه والبوليس مدبقها تلاقيلها سكه
مازن :ولابوها واللي خلفوها كمان
عطوه:حلوتك يامايسترو
امال انت جاي ف ايه
مازن:لا دا شيك بدون رصيد كنت كاتبه وسحبت الرصيد ف عمليه وكان ع المكشوف هو كلها يومين والحساب هيتحط فيه الفلوس واطلع يعني نضيف انا مش مهروش عند الحكومه ف الحاجات دي
وانت بقي جاي ف ايه
عطوه:بعيد عنك مخدرات حته معقربه كل مانيجي نسلكها يجلنا ان الحكومه عرفت
نقوم نلغيها
طب طالما لسه جاي ليه
عطوه:اهو لفقولي تهمه كان معايا حته حشيش للمزاج
مازن:داانت دني بشكل رايح تسلم بضاعه وواخد حته حشيش ف جيبك ياغشيم ههههه
عطوه:اهو اللي حصل
بص انا يمكن احتاجك هكلم الناس بره انا ارتاختلك اوي
مازن:م القلب للقلب اخويا
.....................
وفعلا كلمهم عطوه ف الخارج عن السالك ورتب معاد يرحلهم لانه فعلا خرج كما قال بعد يومين
.............................
احمد:اتا عاوزك تاخدي بالك من ساره هي باصه لفوق وانا خايف عليها فعلا
نهي :طب وانت مالك
احمد:هو في ايه هي الرجوله والشهامه خلصت من البلد هي زيك يانهي واللي مارضهوش ليكي مارضهوش لغيرك
نهي:ماشي ياعم المعيد عديت انت وهتبقي معيد علينا بقي وتتامر
احمد:نقي فيها ياام عين مدوره
بدات الدراسه وانتظم الجميع
نهي:الو بت ياساره ماتطلعي تذاكري معايا لقيت مذكره تحفه كانت عند الواد احمد هتنفعنا
ساره:طب ماتيجي انتي
نهي:يابت امي وابويا راحو لخالي واحمد مش هنا تعالي زي مانتي
ساره:انتي هبله هطلع بقميص جل حمالات هلبس عبايه واجي
نهي:بسرعه
ساره :خلاص انا جايه يازنانه
طلعت ساره لنهي
يخربيت الحر اللي عندك دا انا اوضتي بتاعه خالد عشان مسافر اللي اوضه احمد لكن دي فرن
نهي:خلاص اقلعي عبايتك محدش هنا ولما حد يجي البسيها
وخلعت عباءتها وظلت بقميصها الحمالات
نهي:يخربيت جمالك داانتي موزه يابت الرجاله انتصت ف نظرها ولا شعرك ايه ده انا بطلعه ينزل
ساره:بس يابت بطلي لعب
والله لو مشينا ملط ماحد هيعبرنا ناس لها بخت وناس لها الحاره لو شوفتي ادهم خطيب ميرا ظابط ولا مازن اخوها ظابط وخاطب حته موزه صاروخ
مش احنا اسكتي ماتحسرناش علي حالنا
ودي ايه بقي دي بخط مين دي المذكره
نهي:بخط احمد ماهو كان بيعمل مذكرات بدل الكتب ويبعها عن طريق المكتبه وله نسبه كان بيجيب مصريفه يعني عشان يساعد بابا ماكانش يحب يطلب من بابا ويحمله فوق طاقته خصوصا لما كنت ف الثانويه والدروس وكده
ساره:طيب يااوختي ابقي ادهاني اصورها وبداو يتصفحوها ودخل احمد حجرته دون ان يدرو
احمد:فين الاقلام بتاعتي ماشي ياجزمه ياحرميه الاقلام
وذهب مستشيط من نهي وفتح الباب فين اقلامي ياجزمه فكانت امامه ساره بهذا الشكل وبجانبها نهي فصوتت ساره فاعتذر واغلق الباب
ساره:دا جه امتي ده
نهي:والله ماحسيت بيه والله اسفه هو اصلا ماخدش باله ووطي راسه واعتذر ومشي
ساره:بس شافني يافالحه
انتي بعد كده تجيلي انتي مش طالعالك تاني انتي فاهمه
نهي:طب اقعدي بقي ماهو شافك خلاص ومشي
ساره:انتي تخرسي خالص انتي واخوكي ف يوم واحد
أنت تقرأ
مهلا حبيبتي
Ficción Generalضابط شرطه يترك وظيفته بسبب اصابه ليذهب لنادي لتأهيل المعاقين ويتقابل هناك مع الطبيبه النفسيه والمفروض تؤهله ليتقبل اعاقته ولكن علي العكس يصطدم بها و.....
