مهلا حبيبتي
الحلقه الثالته
ذهبت ميرا للنادي وكانت ساره تنتظرها بالخارج
ميرا:اتاخرت عليكي ياساره معلش اصل ادهم وقفني وقعد يرغي فادتهمله ف وشه ومشيت بدل مااضعف واقعد
ساره:جدعه يابت تربيتي ماتريحوش اصلهم بيتمسكنو لحد مايتمكنو طول مانتي مش مريحاه هيلف حوالين نفسه ويفضل زي الخاتم ف صباعك
ميرا:اه ماانا فهمت القصه وقايمه بالدور تمام وهو لو بكلمه بسهوله كده كان زمانه هيجنن كده وكلم مازن
يلا بقي ندخل النادي زمان العيال جوه مستنيين
ساره:ولو اني مش برتاح معاهم انتي عارفه لولا اني بحبك ماكنتش جيت معاكي
ميرا:وانتي عارفه مابرتاحش غير معاكي ولا بكلم حد عن حاجه ليا الا انتي وباخد رايك
ساره:عارفه ياحبي ربنا يخليكي ليا
ميرا:ويخليكي ليا انتي اختي والله
ساره:ربنا يعلم القلوب عند بعضها
ميرا:انا عاوزه اعملك اشتراك ف النادي بدل مابتستنيني
ساره:وانا باجي اصلا غير عشانك لما بتيجي مالوش لزوم
ميرا:براحتك
ودخلوا النادي
روان:مش عارفه ميرا ايه حبها ف البت البيئه دي
باكي:ولا انا اوف بقي
ميرا:هاااي شيلا
الجميع هاااي ميرا اتاخرتي عاوزين نطلب بيتزا
ميرا:اسفه اتعطلت شويه
ساره:سلام عليكم وجلست بجانب ميرا
روان:انتي مشتركه ف النادي معانا ياساره
ميرا:ساره بتيجي معايا يا ريري
روان :ااااه صحيح نسيت
باكي:هاااي سليم
سليم:هاااي
ازيك ياميرا ويميل عليها لو الواد ادهم اخويا زعلك قوليلي وانا ادبحه
ميرا:ميرسي يا سيمو دا العشم بردو ورايا رجاله اهو هناك مع مازن سيباه
سليم:ياقلبك الواد رايحلك مخصوص تسبيه دا قاعد ساعتين منقوع ف الحمام قبل مايجيلك وساعتين يجيب شعره كده كده لحد ماكنت هحلقهوله ع الزيرو
ميرا:هههههههه مانا شوفته وانا ماشيه
سليم:طب كويس ان مجهوده ماراحش من غير فايده كانت جاتله جلطه
ميرا:بعد الشر عليه
سليم :اطلع انا منها يعني
ميرا :خليك ف حالك
روان:ماتيجي تقعد معانا واقف ليه
سليم:معلش معايا اصدقاء السوء
روان:هاتهم وتعالي
سليم:انتي عاوزه ادهم ينفخني وينظر لميرا
ساره:لوحد جه انا همشي
ميرا :ماتخافيش لو حد.جه هناخذ ترابيزه لوحدنا
براحتكو انا هاخد ساره واروح ترابيزه تانيه هنكلم شويه
سليم:طب مش تعرفينا
ميرا:دي ساره صحبتي
سليم :اول مره اخد بالي منها منين
ساره:من الوراق
سليم:اجدع ناس دا احمد صاحبي من الوراق بردو
معايا ف رابعه تجاره E
انتو لسه بقي ف اولي
باكي:اوك هات اصحابك وهم هينقلو
سليم ذهب لاصدقاءه: البنات بيقولو ننضم ليهم
ماجد:ماشي يامعلم بس مين الموزه الجديده دي
سليم:دي صاحبه ميرا من الوراق يااحمد عندكو
ماجد:طب وانسحبو ليه كده اموت ف البلدي
احمد:ماتحترم نفسك يلا
ماجد:انت مالك انت
احمد:مش بنت حتتي بس ده انت ماتفهموش
انا ماشي ياسليم
سليم:ماتروق يااحمد بقي انت عارف ماجد
لا خلاص انت عارف انت غصبت عليا وورايا مذاكره
ماجد:ماشي ياعم الدحيح
فنظر اليه احمد ومشي
وجلست ساره مع ميرا يتحدثان
اماالباقي جلسوا سويا يضحكون
...........................
ذهبت ساره لبيتها فهي تسكن في نفس منزل احمد ولكن هو ف التالت وهي ف التاني
فكان ينزل ع السلم وهي تطلع
احمد:سلام عليكم
ساره:وعليكم السلام
احمد :انسه ساره ياريت بلاش تروحي الاماكن دي لانهم مش مستوانا خالص
ساره:وانت مالك انت دخلك ايه ثم ماتقول لنفسك
انا مابعملش حاجه غلط وانت عارف
احمد:انا بقولك نصيحه اخويه من اخ انتي زينهي اختي ماتنسيش انها ادك ومعاكي ف نفس السنه والكليه
نظرت له وطلعت دون كلمه
ونزل هو
أنت تقرأ
مهلا حبيبتي
General Fictionضابط شرطه يترك وظيفته بسبب اصابه ليذهب لنادي لتأهيل المعاقين ويتقابل هناك مع الطبيبه النفسيه والمفروض تؤهله ليتقبل اعاقته ولكن علي العكس يصطدم بها و.....
