مهلا حبيبتي

مهلا حبيبتي الحلقه 15

مهلا حبيبتي
الحلقه الخامسه عشر
وصلنا لما علاء الجزمه دخل علي مازن وكان عم جلال بيمسح الارض وحس بالشر ف عين علاء لمازن
فطلع عم جلال ده راجل اروبه راح جري يبلغ سرين ان علاء عند مازن وقلقان منه
اللي حصل بقي بين علاء ومازن قبل وصول سرين
علاء:انت مفكر سرين هتحبك انت دي بس بتحاول تغيظني انما هي بتحبيني انا
مازن:دا باماره ال3 سنين اللي بتجري وراها فيهم ومش معبراك
علاء:امال هتعبرك انت ياابو رجل مقطوعه
فلم يتمالك مازن نفسه الا وضربه واوقعه ارضا وكانت سرين قادمه فشنكله علاء ليقع وتنفك القدم الصناعيه
سرين :انت ايه اللي هببته ده اطلع بره ياعلاء وياريت مالكش دعوه بيا تاني وهم بالرحيل
وجاءت بجانب مازن الذي ابعدها  ابعدي عني مالكيش دعوه بيا  سيبوني لوحدي كلكو
فاغلقت الباب وجلست بجانبه
سرين:مش هسيبك يامازن انا ماصدقت لقيتك
انت اللي قلتلي ماتجوزيش الا اللي تحسي معاه بالشعور ده
وانا محستهوش الا معاك جاي تتخلي عني بعد ماحبيتك
مازن:انا مانفعكيش  انتي دلوقت مش مستوعبه بعد كده هتندمي
سرين:مش ممكن اندم انا لو سيبتك هندم بقيت عمري انا بحبك ومش هتخلي عنك وهفضل جمبك غصب عنك
مازن:دا انتي لازقه بقي
سرين:بغراء
فاحتضنها  بشده انتي طلعتيلي منين بس انا كنت راضي بحالي وساكت
سرين:انت اللي معرفش طلعتلي منين بعد كل عمايلك فيا وبحبك انا نفسي مستغرباني ومش عارفه حبيتك امتي وازاي بس شعور ماحستوش قبل كده ولا عشتوش

واحضرت القدم حاول اخذها ليركبه ولكنها اصرت علي ان تركبها له
مازن:انتي عارفه المحروقه بجاز وسخ سولي خطيبتي اللي قبل كده والله مع انها فرجينيا جميله الجميلات بس عمري ماحسيت معاها بالاحساس اللي حسيته معاكي
فاكره يوم ماتقفل علينا المخروب ده
وجيت قعدت جمبك وحضنتك رغم اني كنت هقتلك قبلها بساعه بس لما حسيت انك ضعيفه ومحتجاني وخدتك ف حضني زي الطفله المستكينه حسيت ان قلبي بيدق بيدق وهيفط مني وانا قاعد اهديه وهو دماغه والف جزمه الا يطلع ويبقي بين ايديكي
ولا لما قلتي انه خطيبك حسيت انك كبيتي عليا مايه بتلج ف عز طوبه كنتي هتجبيلي التهاب رءوي ياجزمه  بس كنت حاسس اني عاوز اخطفك ازاي اسيبك لغيري  ومالقتش غير القبله هي اللي هتحكيلك كل حاجه دون ادني كلمه مني والاخر عم جلال قالي الحقيقه وعرفت واتاكدت انك بتغظيني بس
لكن لما علاء واجهني بالحقيقه اللي بحاول انكرها او انساها  طلعت غضبي واحساسي بعجزي وان ممكن  اخسرك وكل غلبي فيه بقي صعبان عليا والله مالوش ذنب الا انه جه ف التوقيت الغلط
سرين:انا كمان يوم ماتقفل علينا الباب حسيت معاك لما قعدت جمبي باحاسيس كتير مختلطه لدرجه بعدتك عني ف الاول  بس حسيت معاك بالامان والحنان واحاسيس عمري ماحستها من قبل
مازن:تتجوزيني
سرين:انت فاجاءتني الصراحه
مازن:نعم ياختي دا انتي لسه كنتي بتترجيني دلوقت
سرين:ههههه طب سيبني افكر
مازن:قومي يابت يادكتوره انتي انا غيرت رايي خلاص
سرين :طب استني خلاص خلاص فكرت
انا موافقه
مازن:طب خديلي معاد من ابوكي وهاجي انا وسباده اللواء نخطبك
سرين :ماشي
يالهوي النداء الاحير يلا قبل مانتحبس تاني
مازن:يجذبها تصدقي نفسي هفاني ع الحبس تاني
سرين:مازن وسع بلاش تهريج وجرت
مازن:يلا خلصي بسرعه  لتتحبسي لوحدك
....................
ف الفيلا
مازن:انا عاوز اتقدم للدكتوره سرين اللي ماسكه العلاج النفسي ف المركز والدها رجل اعمال معروف ومشارك باسهم ف المركز العلاجي
رفعت :ماشاء الله خلاص حدد معاد
مازن:انا قلت لسرين تحدد معاد وتقولي
رولا:الف مبروك حبيبي
..................
سرين:مازن ابن اللواء رفعت عاوز يتقدملي هو كان رائد ف الشرطه  بس حصلت له حادثه ف مهمه  واتقطعت رجله بس هو رجل اعمال وعنده شركه
فريده:واخرتها هتاخدي واحد رجله مقطوعه دي اخره المركز واللي خدناه منه انا كنت خايفه من كده
ابوها وليه يابنتي تربطي حياتك بانسان يكون حمل وعبء عليكي