مهلا حبيبتي
الحلقه الخامسه
ذهب مازن للواء كمال ومعه ادهم
مازن:تمام سعاتك يافندم
احنا كده هنفضل زي القط والفار انا عاوز ادخل وسط العصابه دي مش هينفع غير كده بس تبقي بينا احنا التلاته انا وحضرتك وادهم وسياده الوزير
الواء كمال:انا مقدرش اتخطي مساعدين الوزير هخليها ف اضيق نطاق ونعمل اجتماع ونشوف فيه وهقولكو بالموعد
ادهم ومازن:تمام يافندم
بعد يومين اتصل بهم اللواء في اجتماع سري عاوزكو حالا
مازن:تمام يافندم هجيب ادهم واجي
ذهبو سويا للاجتماع
مازن :انا عندي خطه في واحد تبعهم ف السجن ومايعرفنيش كان ظابط غيري المسؤل انا وادهم جداد ف الاداره فماحدش يعرفنا
فعاوز ادخل علي اني السالك واحد بيسلك الامور يعني كلها وهو هيكلم عصابته وابقي لما اخرج من السجن اقابلهم وادهم دراعي اليمين هيبقي حلقه الوصل بيني وبينكو دي الفكره وسيبو الباقي علينا
مساعد الوزير:هي كويسه بس لو كشفوك بموتك
مازن:عارف يافندم بس هنعمل ايه ماباليد حيله ماهو بيموتو ملايين الشباب لو هنضحي بنفسنا مقابل الملايين يبقي ارواحنا فداهم
اللواء:ونعم الرجال انتم
مازن:بس الاداره لا تخلو من الفساد وزي مافي ناس كويسه في عيون لهم عندنا والدليل اللي بيحصل كل تسليم ومش عارفين مين فياريت الموضوع يبقي بينا فقط واكننا ماجزين وناس تانيه تمسك بدلنا بس استاذن سعاتك تبقي المهمه بعد خطوبه ادهم علي اختي عشان نبقي فاضيين هي كمان اسبوعين تقريبا او تلاته علي مانجهز اوراقنا وبطايق بالاسامي وكل شيء مش عاوزين غلطه
كمال:واحنا علينا الكلام ده علي ماتفرحو ف الخطوبه
مازن وادهم بعد التحيه تمام يافندم
...............
ادهم:انا خايف عليك اوي يامازن انت اللي ف وش المدفع
مازن:سلمها لله العمر واحد والرب واحد
امال داخلين الشرطه نهرج مااحنا عارفين اللي فيها ديتنا رصاصه
ادهم:ماتقولش كده وتخضني عليك اكتر
مازن:ماتنشف ياد في ايه
ادهم:انت عارف لو كنت انا مش هسال بس انت عارف دي صحوبيه العمر باجدع
مازن:طالما ف سريه يبقي كله تمام
..................
انتهت الامتحانات
ميرا:ساره عوزاكي معايا ننقي الفستان والاكسيسورس
ساره:عنيا
وجاءت لها بالسواق ليصطحبها للفيلا كما يفعل عندما تريدها
كان يقف احمد وبعض زملاءه
محمد:اللي علي علي هو ايه النظام احنا قراطيس ف الحته
احمد:والله عيب عليكو اوي لما تنهشو ف لحم بنت حتتكو
محمد:جرا ايه ياعم الحبيب هو في حاجه ولا ايه
احمد:هو لازم عشان ادافع عن عرض واحده زي اختي يبقي في حاجه تذكر انه داين تدان وانا ليا اخت ومااحبش حد يخوض ف عرضها عن اذنكو
محمد:هو ماله قلبها دراما كده ليه
محمود:انت عارف احمد مابيحبش يتكلم علي حد
وذهبت ساره مع ميرا حيث اشترت ميرا لها فستان للخطوبه وايضا اشترت فستان سواريه لساره التي لم ترد اخذه ولكن ميرا اصرت لانهم اتفقو ستكون معها منذ الصباح ف الكوافير وتلبس معها هناك
وفعلا يوم الفرح جاء السواق لاصطحابها ونفس التعليقات السخيفه من ابناء المنطقه ونفس حمقه احمد من الكلام
وكان احمد معزوم ع الفرح لان سليم عزمه فارتدي هو ايضا بدلته ليذهب
اما ساره ارتدت فستانها الذي كان تحفه عليها فهي بيضاء ذات عيون سوداء واسعه وشعر ناعم اسود تخفيه بحجابها ووضعت بعض المكياج يزيد جمالها
اما ميرا ارتدت ايضا ثيابها وكانت جميله جدا
واتت روان وباقي الشله
ميرا:عوزاكي تركبي ساره معاكي
روان مغتاظه من ساره بس انا جايه مع اصحابي ومافيش مكان
ميرا لوالدتها:اتصرفي البنت معايا من الصبح ركبيها ف اي عربيه
والدتها :طب وعربيتك
ساره:سليم هيسوق معرفش جايب حد معاه ولا ايه
امها:طيب هكلم سليم لو كده تقعد جمبه وتبقي معاكي مكانش هقول لادهم لو عنده مكان معاه خطيبته وانا وووالدتها اعتقد
ماتقلقيش انتي
وفعلا جاء ادهم ليطبع قبله علي يد محبوبته
ادهم:انا مقدرش ع الجمال ده
امها:خد ياسليم ساره جمبك
سليم:هاتيها ياطنط ركب ادهم وميرا
وركبت ساره بجانب سليم
سليم:ايه القمرده وانا هركز ف السواقه ولا ف القمر ده
ساره:ميرسي
ادهم:يلا ياد ركز وانا جايبك تسوق ولا تعاكس
سليم:ماشي ياباشا اي اوامر تانيه احنا ف الخدمه بدل ماتطلع عين اللي جابوني
ووصل الجميع للحفل
وجلست ساره علي ترابيزه مع البنات
وسليم واحمد ف ترابيزه مع الشباب
روان:فستانك شيك اوي ياتري جبتيه مع ميرا
اصلي شوفت زيه ف مول غالي اوي
ساره:بعد اذنكو وذهبت تتواري بعيدا ف الحديقه ولمحها ماجد وايضا احمد فاستاذن ماجد
وذهب وراءها وبعده احمد بقليل
ماجد:القمر ماله واقف لوحده ليه
ساره:مافيش وانت مالك
ماجد:احب البلدي واموت ف البلدي ياعيني ع البلدي
ساره:بعد اذنك
فامسك بذراعها
باقي الخامسه
ماجد :انتي بتضربيني يابنت ال..... وامسكها بعنف من خسرها وحاول تقبيلها ولكن احمد كان يري الاحداث وعندما وجد ماجد يزيد ف عنفه اقترب وابعدها وراءه
احمد:انت انسان ندل وخسيس وضربه بوكس
ماجد:وانت مال اهلك كنت واصي عليهة هي مبسوطه كده
ساره خلف احمد:اخرس ياحيوان
احمد:انت اصلا لا تعرف ف الشرف ولا انك تصون عرض بنت حتتك دي حاجات عمرك ماهتتعلمها بعيشتك الزباله دي
احمد:روحي علي ترابيزتك وماتتحركيش منها
فاسرعت ساره الي هناك وكان لاحظ سليم مايحدث
سليم:جرا ايه ياشباب مش كده احنا اصحاب هنخسر بعض عشان بت
احمد:سليم ماتقولش بت دي زي اختي تمام وجارتي وهو الي واطي واتهجم عليها
سليم:خلاص ياحمد حقك عليا عشان مانبوظش الفرح
بعد فتره ذهب احمد لساره مش يلا بقي الساعه بقت 12
ساره:وانا اعملك ايه
احمد قومها من ذراعها قلت يلا كفايه كده فمن احراجها لم تعقب الي ان تخرج بعيدا
وبعد ان ابتعدت عن الناس
ساره:انت ايه اللي هببته ده ازاي تعمل كده
احمد:مش كفايه كده ولا ناويه ترجعي وش الصبح
ساره:وانت دخلك ايه انا مستاذنه من اهلي وعارفين
احمد:وهترجعي ازاي يبقي ماجد.ولا سليم يوصلوكي انتي هتبوظي سمعتك
ساره:اخرس وماتنطقش بكلمه
احمد:طب يلا اما نشوف تاكس
ساره:ومين قالك هركب معاك
احمد:لا اسيبك لوحدك دلوقت بالمنظر ده عشان السواق يطمع فيكي احنا هننزل قبل المنطقه بشويه تمشي قدامي بشويه عشان لو حد عملك حاجه اتصرف وماحدش يشوفنا سوا
ساره:متشكره ليك اوي مالكش دعوه بيا
احمد :بشخط قلت يلا قدامي ووقف تاكس وادخلها وقفل
ونزلا قبل المنطقه وتركها تسير امامه ببضع مترات حتي وصلو وطلعت قبله للمنزل
أنت تقرأ
مهلا حبيبتي
Ficción Generalضابط شرطه يترك وظيفته بسبب اصابه ليذهب لنادي لتأهيل المعاقين ويتقابل هناك مع الطبيبه النفسيه والمفروض تؤهله ليتقبل اعاقته ولكن علي العكس يصطدم بها و.....
