وبشر الصابرين

البارت الرابع والعشرون

مرحباااا...

/// وبشر الصابرين ///...

البارت الرابع والعشرون

بقلمي ... Aseel

.........

محبتنه جذب مو كالو تموت

ولتصدّكهم الكالو لك نسيتك

لأن أنت شراكة بالنّفس ويّاي

وما أتنفّس أني بغير ريتــــك

تدري أنت شكثر بيك أنّي محظوظ

وأحسّ بختي كعد لمن لكيتك

وإذا فكّرت أعوفك وأنسى ذكراك

ياخذني الكلب كوّة على بيتك

حجولي شكد عليك وكلت عذال

عاندت الحجو عنّك وجيتــــــك

كالو صعب دربه يتعبك هواي

ورغم هذا التّعب كله اعتنيتك

كالو بس أذيه وعوفه وأرتاح

عفت الرّاحة أنا وميّت آب ذيتك

........

ايفان: لعد وكلبي ... وكلبي اني مو يطفي نارة ويعالج كسرتي .. من اعتدة علية مثل حيوان بري .. وفوك كل هذا شارب وريحتة تكتل . اتوسل بي حتة يرحمني .. حتة يعوفني ماهمة الوجع وصرخاتي ..

مكفاه الي سواه عافني متمددة وغركانة بدمي ... ودار وجه وراح .. تعرفين شحيست حسيت روحي بنت شارع .. اخذ حاجتة وشمرني ماهمة شصار وياي ..

جنان :... كافي بنتي كافي لا تحركين دمج بعدك مو زينة ..

ابو غيث :بنتي اهدي والي تريدي يصير..

ايفان :اني اريد تطلكوني منة مثل ما زوجتوني الة ... غصب بكيفة اني ماريدة بعد ومستحيل اتقبل شخص همجي مثلة بحياتي......

ام ايفان :وشيكولون علينا العالم اتطلكت من اول اسبوع  مراح يكولون رجلها مو زين راح يكولون شو شنو شاف بيها وطلكها وهية ممكملة اسبوع

ايفان: ميهمني اي احد يحجي الي يهمني كرامتي الي انداست ..

ابو غيث: شوفي بنتي خلينا نتفاهم بهدوء ... اعرف ابني غلطان..بس ماريد اصلح الغلط بغلط اكبر منة ..

ايفان: ما فهمت .. يعني شلون ..

ابو غيث: بنتي غلط تنفصلون هسة الكلام حيصير غليج انتي ... ليش تنظلمين اكثر.. اني اكول لو تتحملين فترة منا ل5 اشهر لو 6 ... واني اوعدج محد الة شغلة بيج لا غيث ولا غيرة تكعدين ابيتي حالج حال بنتي...

ايفان : مستحيل اكدر اشوف وجهة ... مااطيقة .. ماريد اعيد الصار وياي ..

ابو غيث: يمي السالفة اوعدك ميجي يمج ..

ام ايفان :يعني هوة لهدرجة ماكو احساس ما اجة كال شبيها مرتي ... يعني اني مجنت اعرف بي بهلحقارة هاي .. حرامات انطيتة بنتي