وبشر الصابرين

البارت الثالث عشر

مرحبا .

///وبشر الصابرين ///

البارت الثالث عشر ..

بقلم Aseel

....

لافين  :رحنا وطول الطريق على اعصابة عاصر الستيرن عصر بيدة .
واني بداخلي ميتة ضحك .. ميكدر يحاجيني ولا يكدر يعترض .. بابا بظهري شحدة الي يوصلني .

وصلنا نزلت ودكيت الباب ..هوة كبل شحط السيارة وراح .

جنت ابوعلة واضحك وانفتحت الباب ..
انداريت صارت عيوني بعيون جمال .

ضل ساكت وبس يباوع ومبين ضايج .

اهلا جمال .

جمال: اهلا بيج ..

لافين: اكدر اطب .

جمال: ويامن جيتي وتتمضحكين بالشارع .

لافين :شنو تحقيق هوة .

جمال: لا مو تحقيق بس الشارع فارغ وانتي تتمضحكين وحيدج والدنيا ضلمة صارت .

لافين : اخوية احمد جابني وجنت اضحك عليه ..
اكدر افوت هسة .

جمال: هلة بيج فوتي .

لافين :طبيت ورحت سلمت عليهم .وكعد عمي انس يدرسنة اني وكامل ابنة جنا نفس المرحلة

وجمال يطب ويطلع يباوع ويرجع .. ساعة يكعد وساعة يدز بأخو على شغلة .

انس: جمال ترة شلشتنا .. خليني اعرف ادرسهم واجل شغلاتك ويا اخوك لغير وكت .

جمال :يلة طالع .. لافين منو حيرجعج .

لافين :جنت مندمجة اكتب وفزيت من جاب اسمي .
ها؟

جمال :اكول منو حيرجعج .

لافين: اخوية غير

جمال: ها يلة رايح مع السلامة .

لافين :طلع وعمي انس ضحك وكال .

انس :الله يكون بعونك ..

لافين :كملنا الدرس وخابرت على اهلي بالارضي حتة احد يجي ..

ورة تقريبا ربع ساعة يلة اجة محمد .
رجعني للبيت وضليت اسولف لابوية شسويت ..

مر تقريبا شهر واني ادرس يم عمي ..
صرنا اني وكامل ميانة وشقة ..

بس حسيت روحي كمت اضايق لان جمال لازك يمنا .. وبس يخزر بية .

قللت روحاتي وخليتهن كل اسبوع مرة لو مرتين ..

فمرة كاعدين ندرس وعمي انس طلع ضلينا اني وكامل نشخبط ونضحك .

طب جمال خزرني وعاط بكامل .

جمال :شبيك تتمضحك متتأدب .

كامل :وانت شكو ضاحك وياك .

جمال :ترة اكوم افرك حلكك