وبشر الصابرين

البارت الواحد والعشرون .

مرحبا ..

/// وبشر الصابرين ///

البارت الواحد والعشرون...

بقلم Aseel...

..........

أطلِقْ سِهامَكَ ، سَهْمًا تِلْوَهُ الثاني
يا داعِجَ العَيْنِ ، كُحْلُ الرِّمْشِ أعيانِي

ما أجْمَلَ النَّصْلَ في عَيْنَيكَ ، يذْبَحُني
كأنَّهُ البَرْدُ في نيرانِ وِجْدانِــــي

يا نَاعِسَ اللَّحْظِ ، فَتَّانٌ به غَنَجٌ
للهِ ، كيفَ بريءُ الطَّرْفِ أضْنانِي ?!

عَيْناكَ ، تَسْكُبُ في روحي مفاتِنَها
و فَوْقَها ، استلَّ صُبْحُ الوَجْهِ سيفانِ..

يُناوِشُ القلْبَ في خَدَّيكَ وَرْدُهُما
بِحُمْرَةٍ مِنْ أزاهِيْرٍ و رُمَّــــانِ

على بَيَاضِ حرِيْرٍ ناعِمٍ ، نُقِشَتْ
في صَحْنِهِ آيةٌ ، و الحُسْنُ رَبَّانيْ

تَنَفَّسَ الوَجْهُ عِطْرًا ، عِنْدَما بزَغَتْ
شَمْسي بِطَلْعَتِهِ ، حتى تغَشَّاني..

فانْهالَ شِعْرِيَ يجْنِيْ مِنْ محَاسِنِهِ
كأنَّنِي واقِفٌ في أرضِ بُسْتَانِي...!
......

........

لافين :بعد ما اخذنا محسن ووصلنا لبيت لاحظت نظرات اخوية مو راكزة احسة يباوع لشي بس يحاول يخفيهن ..

هنا تأكدت من شكي ..

اكول محسن تعبناك هليام ..

محسن: لا تعب ولا شي على طريق دوامي ..

سوز: صدك محسن انت صرت ضابط يعني بعد متتحاجة .

محسن :ههههاااي وليش يابة مااتحاجة ..

سوز: مو اني اشوف الضباط نفسية ومينجرعون .

لافين :يجوز باقي الضباط بس اخوية مينكر ناسة .

محسن :مو بس اني ترة وياي هواي ضباط حبابين ومن ضمنهم امير اخو سرى .. بس هلشي ميمنع اكو بيهم نفسيات وشايلين خشمهم ماعرف ليش .

لافين: احس سرى من محسن كال اسمها فزت مثل الجافلة ..

بس سويت روحي ماانتبهت ..

ايفان :اي صح كلامك جلال الله يرحمه رغم صار ضابط بس ما تغير علينا . سودة علية مالحك يتهنة بالوظيفة جان مكيف مستلم واجب .

لافين :شفت ايفان دمعت وراح ترجع لحالتها حتة اغير المود الصار غمزت لمحسن هوة انتبهلي ..

محسن: عمي راح اوديكم اوكلكم موطا تخبل ..
مفتح محل جديد وكلت نجربة كلنا .

سوز :موطا بهلبرد صدك جذب .

محسن :صدك ليش جذب هياني لفت عليه .

سرى :العفو بس اخاف نتاخر ..