رواية دخان الصقر...
سماح محمود...
الحلقة الرابعه...
------
صقر -استفدتي ايه لما اتجوزتني...
ريهام بستغراب-ازاي يعني؟
صقر- انا تعبان وعارف إن عين مظلومه...وانا السبب في اللي عملته ده كله...انا لسه بحبها
ريهام بصدمه- ايه اللي رجع المواضيع دي! وبعدين دي مقابله تستقبلني بيها وبعدين انت مريض عشان تقولي كده اكيد انت اتجننت ولا عايز تظلمني يعني عشان كنت بحبك وشوفتك تعبان وفضلت جمبك وقبلت اتجوزك تقولي كده.
صقر بتنهيده طويله مسك راسه- اسف ي حبيبتي بس اعصابي تعبانه...وانتي علي طول سفر وشغل دي مش حياه دي.
ريهام- انت لسه بتحب عين بجد؟
صقر بتنهيده - اسمعيني مش نفسك اكيد بحبها يا ريهام انا ظلمتها ...وانتي مثقافه وفاهمه إن مش هقدر اكمل معاك وعقلي في واحده تانيه...
ريهام - يعني تقصد ايه عايز تسيبني...
صقر بصلها وسكت مقدرش يجاوب...
ريهام بتنهيده -عرفت منين انك ظلمتهااا مش يمكن انت مظلمتهاش.
صقر بتنهيده طويله- مستحيل اصدق انا مش عارف ابويا ليه اوهمني ب كده وكمان اناااا ازاي كنت غبي وصدقته وضيعت حب حياتي وغيره ده وده انااا ازاي عملت كده وظلماتها ازاي؟
ريهام بصتله -ابوك اوهمك ب ايه؟
صقر -مش مهم
ريهام -عادي ياصقر عادي بس انا مستعده انسحب من حياتك مش هيرضيني اني ابوظهالك انا مشوفتش منك غير الخير وغير كده انا بحبك بس هضحي انااا ... بس بشرط ومش هكون زعلانه...
صقر -ايه هو؟
ريهام- اكون مراتك لفتره والفتره دي هتعملني قصاد كله علي اننا بتعشق بعض وبينا هنا في بيتنا هيكون الجواز مفيش وزي الإخوات
صقر بستغراب-اشمعنا؟
ريهام- ده طلبي مش معقول هتوجع قلبي كل ده وكمان هتستخسر فيا طلب زي ده...
صقر ابتسم ومسك ايدها باسها- مستحيل وانا بشكرك انك
قدرتني...وغالي والطلب رخيص .
صقر استغرب فنفسه انها معيطش ولا اتعصبت ولا اي حاجه بس كان فرحته إن هيخلص منها من غير اي وجع وإنه مهيظلمهاش بس وينفذ اللي هيا عايزاه...
ريهام - هتعمل ايه دلوقتي؟
صقر- هاخد شاور وهشوف اسلام اخويا اتفقنا النهارده نشوف بعض.
ريهام- تمام سلم عليه
صقر- مش زعلانه مني؟
ريهام ابتسمت بغموض- ابدا لاء طبعا الموضوع مش في دماغي.
صقر بصلها واستغرب اكتر...
---
في بيت بشير الخاص بيه لسهراته...
علا كانت راحه وهيااا تعبانه ومش قادره علي اي حاجه بس تعبها وجعها ووجع قلبهااا من كلام اسلام...
فتحت الباب ودخلت...
بشير كان قاعد ع الكنبه...
بشير اول ما شافها جرا عليهااا...
بشير - وحشتني فينك يا حبيتي مالك واتاخرتي ليه...بتعيطي ليه في حاجه؟
علا بدموع- بشير بيه.
بشير- بشير وبيه؟ مالك ياعلا
علا بدموع - عشان خاطري اسمعني .
بشيرر- قولي ياحبيبتي يابنتي وحبيبتي واختي وصحبتي وكل حاجه حلوه ليا.
علا بدموع- قولي بنتي وبس ارجوك.
بشير بستغراب- مش فاهم .
علا بدموع- انا عندي ٢٧ سنه!
بشير - ايوه عارف
علا- وانت عندك ٥٩ يعني قد ابويااا
بشير - ايه اللي بتقوليه ده مش كان في الاول قولتي ميفرقش معاكي السن!! جايه بعد سنتين صرفت عليكي فيهم وتقوليلي كده .
علا بدموع- غصب عني والله العظيم غصب عني بس انا مش هينفع اكمل في السكه الغلط دي تاني.
بشير جه يقرب منها ...بس هيا بعدت.
علا- قولتلك مينفعش.
بشير- انا مقدرش اعيش من غيرك؟
علا - سؤال لو كان في الحلال كنت ممكن تتجوزني.
بشير بتنهيده- انا مش بتاع جواز
علا - اومال بتاع ايه؟
بشير- انا عندي مراتي وعندي عيال مينفعش اتجوز...
علا- انا اساسا مش هتجوزك بس لازم ابعد عن اللي بعمله ده.
بشير بتنهيده- اهدي بقي وبطلي جنان مستحيل احنا حلوين مع بعض...
علا بدموع- انا قولتلك اللي عندي ولو هشتغل في شركتك سكرتيره مش اكتر مش هيكون اكتر من كده اعتبرني من النهارده بنتك وبس...
سابت علا مفتاح الشقه...وراحت تفتح الباب عشان تخرج.
بشير- اخرجي ! بس انتي اللي اخترتي
علا سمعته ومشيت نزلت تجري...
علا لنفسها -يارب توب عليا بقي من اللي انا فيه.
----
في بيت فريد ...
كان قاعد هو ونوال علي العشااا...ومعاهم عين
عين ببتسامه- بابا .
فريد- ياعيون بابا .
نوال بضحكه خبيثه - علي كده بقي انا مليش في العيون.
فريد بضحك- انتي العين التانيه ي حبيبتي .
عين بغموض وابتسامه خبيثه- ربنا يخليكم ل بعض.
فريد- انا مخلف بنت عسل حبيبه قلبي ياعيوني
عين - حبيبي انت يا بابا.
نوال بخبث- والله نفسي افرح بيكي يا عين.
عين بربع ابتسامه- إن شاء الله.
نوال - باذن الله هقوم اطلع انا ارتاح انا شبعت هتيجي يا فريد .
فريد- هخلص ووراكي ياحبيبتي .
نوال- تمام ماشي.
عين استنت لما هيااا طلعت.
عين - بابا عايزه احكيلك موضوع مهم!
فريد - موضوع ايه يا عين؟
عين -هحكيلك يا بابا بس اسمعني كويس ياريت قوم نروح اوضتي.
فريد- في ايه قلقتني ...
عين - فهمك تعالي.
-----
صقر قاعد مع إسلام يتكلمووو...ويهزرو.
اسلام بضحك-ييييييه هيا ريهام رجعت.
صقر-مش فاهم يا اخي مبتحبهاش ليه دي حتي مرات اخوك.
اسلام- في نظره يا ابو الاصقار مش عارف...مش ببلعها يا اخي.
صقر بضحك- اهو بكري اخلص منها.
إسلام-ازاي؟
صقر بصله وضحك- زي السكر في الشاي.
اسلام- انت مخسرتش غير عين قولتلك يومها بلاش مسمعتش الكلام .
صقر بتنهيده- شوفتها يا اسلام شوفتها.
اسلام-شوفتها فين؟
صقر- بعدين احكيلك شوفتها فين وليه.
اسلام- وبعدين! صقر اوعي تكون وجعتها.
صقر بتنهيده- ووجعتها يا اسلام تاني.
اسلام- ليه كده ياصقر كفايه بقي اللي انت عملته فيها زمان هتعمل فيها ايه تاني انت كنت بتحبها اكتر من حياتك بكفياك بقي يا صقر انت لو هتقسي متقسي علي اللي كان روحك فيها ومتقسي علي اللي اضعف منك وكمان سؤال انا مبصدقش ابوك في حاجه ليه انت بتصدقه اساسااا...
صقر -يعني رايك انا غلطت لما صدقته.
اسلام- انت دمرتهااا.
صقر غمض عنيه- لو جبت اخري صدقني دخاني هيوجع اوي...انا كله بيلعب من تحتي وانا في حاجات كتير مش فاهمها.
اسلام-انت عارف انا ليه طلبت من خالتك تقول انها تعبانه عشان امك تقعد بيها.
صقر- ليه،؟
اسلام-عشان ابوك ده ديل الكلب عمره ما هينعدل.
صقر -عيب يا جدع ده ابوك متقولش عليه كده.
اسلام- انت لو شوفت اللي ماشي معاها انسانه قذره.
صقر بربع ضحكه-تقصد علا
اسلام - ما انت عارف اهو
صقر-عارف
إسلام-وساكت !
صقر- هو شايف اللي بيعمله صح لو نصحته هتبقي عدوه سيبه ل حد ما يكشفها علي حقيقتها.
اسلام بتنهيده- انا مش عارف من غيرك هعمل ايه انا عايش عشانك انت وامنا وبس.
صقر حضنه - نفسي افرح بيك ياسلوم.
اسلام بمكر-انا اول ما اطب اكيد هعزمك.
صقر انفجر من الضحك...
صقر بص ل اسلام- بقولك اي يا اسلام؟
اسلام- ايه!
صقر- ما تلعب علي علا دي يمكن تتعلق فيك وتسيب ابوك
اسلام بستغراب- ازاي يعني تقصد اضحك عليها؟
صقر -بالظبط كده
اسلام بحيره- بس انا بكرها وبقرف منها ومن لبسها.
صقر- عشان خاطر امناااا وعشان نلحق ابوك قبل ما يلبسنا مصايب اكتر
اسلام بتنهيده -مش عارف هفكر بقولك انا همشي هروح انام عندي شغل بدري.
صقر-وانا عندي مشوار ضروري.
اسلام-بس بقينا نص الليل! خليك بكري
صقر - وهو كذلك....هروح معاك.
اسلام- مش هتروح بيتك.
صقر- بعدين هحكيلك...
----
في بيت فريد.
فريد بعد ما سمع كلام عين كله وقاعد مصدوم من اللي سمعه.
عين- مش لازم تبين ليها يابابا
فريد- انا ازاي اتخدعت كده؟
عين- والله يا بابا انا مصدومه اكتر ...بس عايزه اقولك إن صقر هيرجع في وسطنا تاني.
فريد بضيق- علي قد ما كرهته من اللي عملوه فيكي بس اكيد مش هنسي إللي عمله ده.
فريد بحزن- يعني نوال عايزه تموتني.
عين اخدته فحضنها- بعد الشر عليك ياحبيبي انت...مش عايزه يابابا تعرف نوال انك تعرف حاجه ولا تعرف صقر لازم الموضوع يعدي علي خير .
فريد هز دماغه والحزن نزل عليه ...
فريد عملت كده- عشان ايه؟
عين- عشان فلوسك يابابا عشان سلطتك عايزين يخلصو منك...منها لله بقي انا حقيقي بكرها.
فريد بغموض- وانا كمان كرهتها ياقلبي بس هنعمل ايه هعملها علي انها انسانه كويسه لحد ما اشوف نهايتها...
عين - هطلع انام بقي تصبح علي خير
فريد - وانتي من اهل الخير ياحبيبتي...
-
طلعت اوضتهااا ومسكت الموبايل واتصلت ب صقر وهيا بتتنهد...بس صقر في الوقت ده مردش علي موبايله ..
عين لنفسها- اكيد دلوقتي نايم فحضن الست ريهام ربنا ياخدك انت وهيا ويخلصني منكم بكرهك.
لاقت الموبايل بيرن ...وكان صقر .
عين لنفسها - والله ما رده عليك ...قفلت عين التلفون ونامت ...
.
عند صقر حاول يرن عليها ...
صقر لنفسه - انسانه غبيه والله البت دي وهيا بترن ليه بدل هتقفل الموبايل عايزه تحرق دمي وخلاص والله ما انا عارف اربيكي ولا اصلح اللي هببته زمان...
----
نهار جديد ...
في بيت طهران...
طهران - راحين فين؟
علا- راحين الشغل .
طهران - شغل ايه ومها خليتها تشتغل معاك؟
علا - طبعا
طهران فهم كلامها علي انها شغلتها شغلتها.
طهران ضحك- جدعه يا بت بنت ابوكي روحي .
علا- يلا يامهااا.
طهران- استني معاكي فلوس؟
علا- سيبتلك جوه بس بعد كده الفلوس هتبقي كل اول شهر.
طهران- وهو كذلك بس مالك النهارده كده لبسك متغير وشكلك .
مها- فعلا ياعلا لبسك غريب النهارده بس حلو .
طهران- تلبس تقلع اهم حاجه تشتغلو.
علا بصتله بقرف- ربنا يخلصني ...امشي يا بنتي.
مها خرجت مع علا ...
مها - علا ؟
علا بتنهيده-ايوه.
مها-ايه اللي غيرك كده؟
علا - مفيش انا عايزه ابقي نضيفه فيها ايه دي !
مها- تمام ماشي
علا - ايه رايك في الشركه.
مها- حبيتها وإسلام بيه طيب اوي...وانسان ذوق
علا- عادي ملناش دعوه بيه هنركز في الشغل بس.
مها - تمام ماشي ..يلا بينا.
علا-يلا
----
في بيت فريد ...
عين كانت قاعده مع مي صحبتهااا.
مي بستغراب- صقر تاني يوووه يا ستي ما تفكينا منو بقي.
عين- مش قادره يا مي مش قادره التفكير هيموتني ومت اكتر لما شوفته .
مي- انسان غبي ومستحملاه ازاي لو مكانك كنت موته من بدري لسه ليه عين تاني...
عين جت ترد عليها...سمعت جرس الباب.
عين - استني هفتح اشوف مين واجيلك.
عين راحت تفتح الباب لان الجرس بيرن علي طول.
عين اتعصبت من الجرس اللي بيرن علي طول...
فتحت الباب واتصدمت.
صقر بنرفزه-انتي يابت قافله تلفونك ليه
عين- انت ايه اللي جابك هنا...وبعدين انت مالك اقفل ولا افتح .
صقر شدها من ايدها خرجها بره.
صقر-اثبتي هنا احنا في بينا اتفاق مش عايز لعب العيال ده ومتنرفزنيش .
عين-انت تعبان ب عقلك انرفز ايه ومنرفزش مين انت اساسا مش تعنيلي .
صقر بغيظ-اعنيلك ومش بمزاجك غصب عنك.
عين-بجد والله وده عند مين!
صقر- عندي ياعين عندي انااا ...انا بحبك ولسه بحبك افهمي بقي متتعبنيش لازم نخلص الموضوع ده ونفكر في نفسنا.
عين بهدوء- مش هينفع ياصقر حبنا مات يوم ما انت موتني في يوم فرحتي ب ايدك كفايه بقي لان انا عمري ما هسامحك وجعي برد وقلبي مات من نحيتك.
لسه هيرد عليها...بس فريد خرج عليهم.
فريد- صقر! انت هنا ايه اللي جابك.
صقر بتنهيده- ازيك يا عمي عامل ايه.
فريد- انا مش عمك دلوقتي بقيت فريد بيه عين حكيتلي اللي هتعمله واشكرك ان جيت حذرتنااا بس مش هسامحك علي اللي عملته زمان ...وكمان مش هقدر اقولك اتفضل ...اي حاجه هتعملها وصلها ل عين وانا هسمع منها بس مش عايزك تيجي هنا.
صقر بتنهيده ضيق من كلامه حب يحرق دمه.
صقر- بس لازم اجي مش عشان بنتك ...بنتك مبقتش تعنيلي اساسا حتي لو لسه بحبها او منستهاش ف دي ذكريات ماتت انا عشان اساعدك واساعد انسان برئ ده جازتي...
سابه صقر ومشي ...
وعين سمعت كلمه مبقتش تعنيلي اتصدمت...
عين فسرهاا ودموعها مكتومه- يعني بيقولي كده عشان اساعده في الموضوع بس ...
-
صقر ماشي بيبرطم والغيظ هيطير منو ازاي هو عشان ينرفز ابوه بيجي عليها تاني وتالت ورابع ...ليه ليه...
-
في بيت ريهام ...
ريهام بتتصل ب مي صحبه عين ...
ريهام- ايوه يا مي ازيك!
مي- ريهام اخبارك؟
ريهام-تمام... انتي فين؟
مي- انتي جيتي من السفر؟
ريهام-من بدري.
مي-حمدلله ع سلامتك.
ريهام- الله يسلمك بقولك انتي فين.
مي- في مشوار.
ريهام- عند عين صح؟
مي بتوتر- ايوه.
ريهام بتنهيده-حلو تقدري تجيبها وتيجي كافيه ريحانه بعد ساعه؟
مي- ده ليه؟
ريهام-الحساب يجمع .
مي بربع ابتسامه-ماشي تمام.
-
قفلت ريهام معاها واتصلت بي صقر.
صقر بعد دقايق رد عليها.
صقر- ايوه يا ريهام؟
ريهام- شوفني في كافيه ريحانه.
صقر بستغراب- اشمعنا ؟
ريهام بخبث- مخنوقه من امبارح وقاعده اعيط وعشان مخنوقه هنتقابل برده نشرب حاجه ما هو خلاص بقينا متجوزين علي ورق بس وقصاد الناس يعني مينفعش اقولك تعالي البيت
صقر بتنهيده - تمام هجيلك .
ريهام ببتسامه- تمام باي
صقر لنفسه- يووووه انا ناقص .
-----
في شركه بشيررر...
اسلام واقف بيبص ل علا من فوق ل تحت علي شكلها ولبسها المختلف .
علا بتتسامه - حلو كده لبسي.
اسلام عض علي شفايفه- استري نفسك من جوه قبل بره.
علا بغضب -تقصد ايه؟؟
اتجاهل كلامها اسلام وبص لمها...
اسلام-انسه مها ممكن انتي تشتغلي سكريتره بشيرر بيه والانسه علا هتبقي معايا
علاا خافت علي اختها...
علا برد تلقائي- لاء مستحيل...
اسلام بصلها بنظره مش مفهومه...
اسلام- والله انتي ينولك الشرف لو كنتي من الاصل سكرتيره ليا بس هقولك ايه عمرك ما هتنضفي.
علا بصتله بصدمه- ايه كلامك ده !
سابها اسلام وتجاهل كلامها ومشي راح مكتبه.
علا ل مها- خليك هنا هشوف يقصد ايه ده.
مها- بلاش يا علا سيبك منو.
علا مستحيل علي جثتي...سابتها علا وراحت ل اسلام فتحت الباب.
علا بنرفزه - انت ايه تلمحاتك اللي زي الزفت دي؟
اسلام ببرود- واللهي انا حر انا صاحب شركه اقول كل اللي نفسي فيه واقدر اقيم الناس اللي قصادي ...يعني لو جيت اقيمك مش هتكوني في نظري بجينه واحد الرخيص ميتشريش.
علا دموعها مره واحده نزلت ...
وإسلام حس إنه ذودها ...
اسلام بتنهيده - اسف.
علا مسحت دموعهاا- وايه كمان؟
اسلام بعصبية- انتي بتعيطي ليه ما انت اللي عامله في نفسك كده مع واحد مخلف اكبر منك...
علا - انت مش فاهم اي حاجه..
اسلام- مش فاهم ايه !
علا بدموع- مش فاهم اي حاجه بي اي حاجه ...تعرف تسكت انت اساسا فاكر نفسك مفيش منك انت همجي وانت اساسا انت والمكتب ده واحد الخشب بيفهم عنكك...
اقولك حاجه كمان انا امبارح خرجت من المستشفى وروحت نمت في حضن ابوك عايز ايه تاني عارف يعني ايه يعني كل يوم بنام معاه.
اسلام رفع ايده مره واحده وهو في قمه غضبه وراح ضربها ب القلم وراح زققها مره واحده راسها خبطت في الحيطه.
اسلام بعصبيه - انتي متستاهليش غير تكوني تحت سقف بيتي انا سقف يربيكي من اول وجديد سقف يحطمك وبس ...
علا انفجرت من الضحك ودموعها- بتضربني؟ مش بقولك همجي...
اسلام بغضب - اخرسي خالص مسمعش صوتك... امشي قصادي .
علا بغضب- ابعد عني .
اسلام بعصبيه - بقولك امشي بدل ما افرج عليكي الشركه كلها.
علا بخوف- هتوديني فين
اسلام شدها من ايدها- امشي بقولك.
-----
في المطعم ...
عين دخله مع مي.
عين بضيق- يستي مخنوقه مش عايزه اخرج في حته .
مي - يووووه تفكير عن نفسك.
عين- ومجبتنيش غير المطعم ده ...انا وصقر كنا بنتقابل فيه.
مي -ممكن تنسي سي زفت ده وتدخلي...
عين دخلت...!!!
----------
توقعات
