رواية دخان الصقر...
سماح محمود...
الحلقة الثالثه...
------
صقر بغموض- ايه علي كده انت تعرف مراته.
خالدون بتوتر- اكيد لاء بس يعني انا عارف كل حاجه عنو.
صقر- اتاكد فالوقت ده إن نوال دي مرات منصور.
صقر بغموض- - تمام
خالدون - هتعمل ايه .
صقر بتنهيده-هتقرب من البنت وهقولك .
خالدون بخبث -وريني شطرتك وهيكون مكفئتك عندي كبيره.
صقر بغموض- اكيد....همشي انا بقي.
فتح صقر الباب وخرج...
وطلع تلفونه وطلع رقم عين...
صقر لنفسه- معقول لسه نفس الرقم شغال !
جرب يتصل بس لاقه بيرن ومحدش بيرد...
.
عند عين!
عين ماسكه الموبايل ورقمه ظهر علي موبايلها من سنين محصلش ده وقلبها هيقف وحاطه جمبها صورهم وبتعيط وبتتفكر الذكرياات.
فلااااااااااااااش باك.
صقر بفرحه- ايه رايك ب الفستان يابت
عين بفرحه ضربته - قولتلك متقوليش ي بت دي تاني.
صقر لف ايده حولين وسطها- انتي العين والنن ي بت قلبي
عين بمكر- اسمها علي فكره بنت قلبي .
صقر- طب هاتي بوسه يا اول حب ليا.
عين قربت من شفايفه وطبعت بوسه.
عين بضحك- احلا بوسه من شفايفي ل شفايفك يا عريسي .
صقر بضحك- عضها من رقبتها .
عين بضحك صوتت- ابعد اتلم مبقاش كتير ع فرحنا.
صقر- هموت واكلك.
عين- اوعدني انك مش هتسبني مهما يحصل.
صقر- اوعدك ياعمري كله اسيب مين يا عبيطه انتي ...ده انتي حب السنين كلها.
عين بحب-يااااا ربنا يااا ناس اشهدو الراجل ده بيحب فيا وبيتحرش بيا بس انا سمحالو عادي.
صقر-ما هو عشانك قليله الادب
عين بضحك-والله
صقر بضحك- - والله
عين بمكر- - والله ايه يا ولا انت.
صقر- ولا يخربيت ام رومانسيتك.
عين بضحك-ههههههههه طب والله ايه؟
صقر- والله بحبك ي بت بحبك اوي كمان وابعدي بقي لا الشيطان بيقولي علي حاجات في الممنوعات.
عين بضحك وغمزه- ده شيطان ده عسل اوي
صقر بضحك- والله انك سافله بس بحبك معرفش علي ايه.
عين بمكر- عشان جمال عيوني.
صقر- انا عامل زي اسمي ممكن اخطفهم
عين- اهون عليك
صقر بصلها- ابعدي يابت استغفر الله انتي هتخليني ارتكب حرمنيه.
عين- ههههههههه بحبك اوي ي صقورتي.
بااااااااااك
عين بدموع- انا لسه بحبك ليه نفسي افهم بحبك اوي كده ليه وبعشق كل حاجه فيك ليه مش بكرهك بعد اللي عملته فيا نفسي افهم ليه ...نفسي افهم.
رن الموبايل اكتر من مره ...عين مسحت دموعها واخدت نفس طويل.
عين بصوت مبحوح- الو
صقر-رقمك معايا ممسحتوش.
عين-عادي عايز حاجه
صقر-صوتك ماله
عين -مفيش حاجه من الشبكه اكيد عايز حاجه بقولك.
صقر-عايز اشوفك ضروري.
عين- ليه !
صقر - هحكيلك لما اشوفك بس ياريت دلوقتي.
عين- تمام انت فين؟
صقر- في مكانا يا عين لسه فاكراه .
عين فهمت هو يقصد ايه بس حاولت تتملك اعصابها.
صقر- روحتي فين؟
عين- مش فاكره حاجه.
صقر- ماشي يا عين هستناك في كافيه ريحانه.
عين- يكون احسن بردو نص ساعه وهكون موجوده سلام...
قفلت عين.
صقر لنفسه بوجع- حقك تعملي اكتر ي حبيبه عمري.
-----
في مكتبه اسلام...
مها قاعده حطه وشها في الارض خايفه علي متوتره ومش عارفه تعمل ايه.
اسلام-متوتره ليه يا انسه مها؟ انتي اتقبلتي في الشغل خلاص.
مها بتوتر- عايزه اقولك حاجه قبل ما اكون شغاله عندك
اسلام ابتسم- قولي بس انتي مش شغاله عندي انتي موظفه وهتبقي سكرتيره محترمه ب اسمك وشغلك.
مها ابتسمت - الله يكرمك يارب..
مها بتوتر- بص يا استاذ اسلام انا مش بعرف اكدب ولا الف ولا ادور حتي لو هتمشيني من الشغل...
اسلام- اتكلمي سمعك.
مها- اولا اوعدني االكلام يفضل بينا.
اسلام- واحد متقلقيش من غير وعد كلمتي واحده.
مها- انا والدتي مش مريضه والدتي متوفيه
اسلام بصلها- كملي متقلقيش
مها بتوتر جامد-وانا وعلا مش اصحاب احنا...احنا بصراحه اخوات.
اسلام-علا اختك؟
مها بتوتر - ارجوك متقولهاش اني عرفتك ده بس انا مكدبتش عليك في حاجه هيا والله طيبه بس معرفش بتعمل كده ليه...
اسلام بتنهيده طويله وهو باصصلها وساكت.
مها- اسفه اني نزلت من نظرك.
اسلام ابتسم- بالعكس زدتي ف نظري ووثقت فيك كده .
مها ببتسامه- الله يخليك يارب.
اسلام بصلها-هيا ليه علا بتعمل كده!
مها-مش عارفه والله نفسي اعرف.
اسلام-انا بكرها علي فكره.
مها بصتله وحطت وشها في الارض.
مها -حسيت إن حضرتك بتكرها.
اسلام- ارفعي راسك انتي مش زيها انتي انسانه نضيفه وجميله هيا لاء دي انسانه ملوثه ياريت مكنتش تبقي اختك حقيقي بكرها اوي...اسف انتي بردو اختها بس انا بشمئز منها.
مها بحزن - ربنا يهديها...يارب ولا يهمك عادي...
اسلام- ليه هيا مش زيك؟
مها بتوتر- مش عارفه بردو ...
اسلام رن موبايله...
اسلام - طب اتفضلي انتي معلش استني بره وانا عندي شويه شغل بس وهرد علي المكالمه وهبقي افهمك تعملي ايه ولا اقولك روحي وبكري من اول اليوم هقولك تعملي اي .
مها- تمام ماشي ...بعد اذنك وفرصه سعيده
اسلام ابتسم- انا اسعد.
خرجت مها...بصت علي علا بس ملاقتهاش.
مها لنفسها - اكيد مشيت هيا كده طول عمرها كذابه ومبتسالش في حد ...وافضل اسمع كلام من اللي يسوي واللي ميسواش يسم البدن بسببها.
-
عند اسلام رد علي موبايله.
اسلام-حبيبي
صقر - انت يا واد انت لو متصلش عليك مش هتسال ولا ملكش اخ يعني هجي اقطم رقبتك.
اسلام بضحك- انت عارف اني ندل طول عمري وانت طول عمرك رجوله يا ابو الاصقار انت.
صقر- كول ب عقلي حلاوه يا منيل انت.
اسلام- بتقول ل الاستاذ اسلام منيل مخصوم منك راتب اخر الشهر.
صقر انفجر من الضحك- يخرب عقلك وحشني يا ابني تعالي نسهر النهارده مخنوق ومحتاج اتكلم معاك.
اسلام- لاء معلش انا السهره معايا بتتحجز قبلها ب شهرين تالته.
صقر بضحك- يا سلام يا سلام من تواضع لله رفعه يا سلوم.
اسلام بضحك- حبيبي يا ابو الاصقار والله وحشني وما فكيت من الصبح غيرر لما كلمتك .
صقر- مالك!
اسلام - لما اخلص شغل اكيد هشوفك واقولك.
صقر- تمام معايا حاجه كده هخلصها بسرعه واروح اخد شاور وبعدين اشوفك .
اسلام- في البيت؟
صقر- لاء لاء في اي مكان بره انا مخنوق او نطلع علي البحر نتكلم ونشم شويه هوه..
اسلام - تمام ماشي...
صقر- ماشي سلام
-
علا شافت بشير خارج من الشركه يركب عربيته...
وقفت بعيد واتصلت بيه
بشير -ثواني ياحبيبي بركب العربيه اهو وهجيلك علي طول اسف اتاخرت
علا-معلش يا بشير انا بس. روحت البيت لان تعبانه اوي.
بشير- تعبانه مالك فيكي حاجه!
علا- لما اشوفك هحكيلك...
بشير- امته طيب!
علا- انا ممكن اجيلك.
بشير- بس انتي تعبانه ؟ وروحتي.
علا بتنهيده- مش مشكله.
بشير -تمام هستناك.
علا- تمام مش هتاخر عليك.
بشير - طيب ياحبيبتي سلام.
قفلت علا وقعدت مكانها في الجنينه اللي قصاد الشركه...
وقعدت تعيط...وتفتكر...
فلاااااش باااكك
طهران-يلا اطلعي متخافيش...
علا بدموع- مستحيل هتعمل فيا كده انا بنتك...
طهران بخبث- بنتي ستي هتطلعي ولا اعرف اختك امها المايته فين وبعدين هتخسر حياتها واشغلها مكانك ومكان امها بدل انت مش موفقه
علا بدموع -لاء لاء خلاص هطلع انا متخافش .
طهران - اهم حاجه هتجيبي وانتي نازله قرشين حلوين
علا وقلبها بيتعصر- ماشي.
طهران -هروح انا وهستناك في البيت واياك تغدري هغدر قبلك.
علا بدموع- تمام خلاص طلعت علا وهيا بتموت وبتقرب من الباب ...وبترفع ايدها عشان تدق الباب وقلبها هيطلع من الوجع.
علا مسحت دموعها ودقت علي الباب...فتحلها واحد كبير في السن...
_ بصلها بفرحه وزغليلت في عنيه لانها حلوه بجد...
سعد- تعالي يا حلوه انا اسمي سعد ادخلي خايفه ليه ... ايه ده الجمال ده طهران المره دي الصنف اللي جايبه يستاهل عليه فلوس حلوه.
علا دخلت وهيا حاسه ان قلبها هيقف من الخوف والوجع.
علا بخوف وتوتر-ازي حضرتك.
سعد بضحك- ايه الادب ده دانت جميل وطعم وكمان مودب يا عسل انت...سعد جه يقرب منها.
علا بصتله بخوف والتوتر ذاد اكتر وبتترعش
علا بتوتر -ممكن... ممكن ادخل الحمام ؟
سعد بضيق- يووووه ده وقته
علا-معلش اسفه.
سعد - ادخلي علي ايدك اليمين علي ما احضر نفسي...
علا دخلت الحمام تعيط وفتحت الميه تغسل وشها ومش عارفه تعمل ايه...فتحت شنطتها وطلعت حبوب هلاوسه وحبه منوم كانو جايبهم معاها...
وخرجت دورت علي المطبخ وهيا بتترعش وفتحت التلاجه جابت عصير ... وحطت في الحبوب ودوبتها ...
لاقيت اللي جاي وراها ...
سعد- بتعملي اي
علا بخوف- انا...انا كنت بجيب عصير نشربه عشان القعده تحلي.
سعد بضحك- ياجميل انت ياطعم ما في شامبانيا جوه .
علاا-خمره لاءلاء لاء.
سعد - انتي مش بتشربي ولا اي؟
علا- لاء بشرب عادي بس عشان كمان احنا اول مره نتعرف بلاش عشان خاطري اشرب العصير
سعد- لعيونك ياقمر القمرات انتي اشرب العصير....
سعد اخد االعصير وشربو مره واحده...
سعد - مش بتشربي ليه؟
علا-اخدت العصير وشربت ...وهو اخدهاا ودخلوه جوه وبدا يبوس فيها وهيا بين ايديه مرعوبه ودموعها بتجري ونايمها علي السرير وبدا يبوس فيها ...
بعد شويه راسه تتقل وفجاه بدا ينام وهو بيهلوس.
قامت علا قلعته هدومه وقلعت وخليت نفسها بي الهدوم الداخليه ونامت جمبه وبدات تحط روج علي شفايفها تبوس رقبته ووشه ...وفضلت تستناه لحد ما النهار يطلع وهيا بين نارين من العياط والتفكير والخوف...
بعد ساعات طويله.
صحي سعد- وبصلها وهيا جمبه ودماغه تقيله.
علا باسته من شفايفه- حبيبي انت قضينا ليله متتخيلهاش.
سعد - مش فاكر حاجه.
علا بصطناع حزن- معقول نسيت كل اللي عملناه زعلانه منك.
سعد- لاء متزعليش دانا حاسس براحه اكيد من اللي حصل بالليل بس يمكن عشان نمنا .
علا - ممكن هقوم البس بقي واروح عشان اتاخرت
سعد-مش هشوفك تاني؟
علا بغمزه-هتشوفني كتير يا عمري
سعد قام فضل يبوس فيها- خدي الفلوس دي كلها حلال عليكي.
علا اخدت الفلوس وضحكت -كل الفلوس دي عشاني
سعد- تستاهليها...هدخل الحمام واجي
علا بدموع لنفسها-ياخساره اخري بقي شويه فلوس..بقيت انسانه رخيصه هفضل في احضان الرجاله عشان شويه ورق اسمهم فلوس...
اخدت علا الفلوس وقبل ما يخرج كانت مشيت
بااااااااااااااك.
فضلت في الجنينه تفتكر وتعيط ...ومسحت دموعهااا.
اسلام كان نازل يركب عربيته لمحها في الجنينه - فضل يبصلها وهيا تبصله وعنيهم في عنين بعض ...
راح مشي ل عندها وقرب منهااا.
اسلام بتريقه- شايفك قاعده بتستني صحبتك؟
علا بتعب- مش صحبتي دي اختي.
اسلام ضحك بتريقه- وليه قولتي انها صحبتك اساسا عايزه تنصبي عليا ولا ايه طب وامها التعبانه تبقي امك
علا بتعب اكتر ورد تلقائي - امي متوفيه.
اسلام بصلها - مش فاهم كذبتي من ساعه وايه بتردي الكذبه هفضل اشوفك احقر انسانه علي وجه الارض.
علا بصتله ودموعها بتجري وتعبهاا بيزيد.
اسلام -همشي احسن ما يتحسب عليا ان اقف مع انسانه زيك...
سابها ومشي بس سمع حاجه اترزعت ورا ..بيلفت وشه لاقها مرميه في الارض.
اسلام رجع يجري عليها ومسكها-فوقي انتي يابنتي فوقي حصلك ايه...
-----
في كافيه ريحانه ...
عين بتنهيده- ياريت تقول اللي عايز تقوله ياصقر خليني امشي.
صقر- تمشي ليه؟ ليه الدرجه دي كرهتيني؟
عين- لو سمحت هتتكلم في الموضوع اللي عايزني فيه ولا امشي.
صقر - عايز اخطبك.
عين بندفاع اول ما سمعت الكلمه ما قدرت تتحمل وفجاه بدات توجع فيه- تخطب مين؟ تاني ياصقر تاني تحبني وتخطبني وتظلمني وتسيبني في يوم فرحي الفستان وتفضحني وتقولي اخطبك انت انسان اناني انت عايز مني ايه انا بكرهك وبكرهه الساعه اللي عرفتك فيها انت مريض اكيد انت مريض عشان ترجع تقولي كده انت معندكش احساس انت ضيعت حياتي وجاي تقضي عليها تاني.
صقر كان مغمض عينيه وبيسمعها بوجع ...
صقر بوجع- اهدي مش قصدي اخطبك اللي في دماغك خالدون طلب مني كده ...اسف اني وجعتك اوي كده اسف.
عين غمضت عينها واخدت تنهيده طويله ...وهيا ماسكه عياطها إن كمان سمعت عكس اللي هيا كانت نفسها تسمعه تاني حتي لو كدب...
صقر-وعلي فكره انا اتاكدت إنه عارف مرات ابوك يعني لازم تفهمي ابوك الحقيقه .
عين-بابا مش هيطيق يشوفك بعد اللي عملته معايا
صقر- لازم ياعين انا مش عارف هقوله الكلام ده ازاي بس لازم عشان ميخسرش حياته...
عين بخوف- يخسر حياته ليه؟
صقر-خالدون طلب مني اقتله.
عين بصدمه- ايه قتل وبابا ازاي لازم نبلغ عنو
صقر-اهدي مش دلوقتي هنبلغ بي ايه لازم نلبسه في حيطه عشان عم فكري كمان يخرج ومتقلقيش اكيد يعني انا مش قاتل انا بساعد عم فكري مش اكتر.
عين بصتله وسكت - تمام.
صقر بصلها بوجع-السنين جمعتنا تاني ياعين انا عمري ما نسيتك...والله العظيم ولا عمري فكرت اوجعك ...
عين بصتله وبتسمعه بشتياق ووجع.
فجاه موبايل صقر رن...ورقم غريب.
صقر - يوووه ده وقته ..معلش ثواني.
صقر - ايوه.
- بيبي وحشتني .
صقر برد تلقائي- ريهام؟
عين بصتله وعنيها مليانه دموع متجمعه.
صقر بلع ريقه-انتي فين يا ريهام.
عين بتبصله والوجع هيموتها.
-
ريهام - انا جيت من السفر ياحبيبي مستناك فالبيت اهو موحشتكش؟
صقر غمض عنيه بوجع بس لازم يرد عليها.
صقر- اكيد وحشتني .
فالوقت ده دموع عين نزلت وقامت اخدت نفسها وجريت.
وصقر شافها وهيا بتجري رزع الموبايل في الارض.
صقر بوجع - خربت اكتر ما هيا خربانه.
-
عين ماشيه تجري وهيا بتعيط.
عين بدموع لنفسها- تاني راجع ل وجعي تاني راجع عشان يموتني تاني.
.
_كان نفسي اهرب من كلامهم ...
خوفت امشي لا ياخده بالهم ولو مشيت هيبان علياا.
واخاف لا ضعفي يبان في عيني يا ارض انشقي وابلعيني قبل ما يبان اللي فيااااا...
----
----
في المستشفي اسلام واقف مع الدكتور .
اسلام- فاقت؟
الدكتور- ايوه فاقت الحمدلله ضغطها عالي 158/100 ونفسيتها تعبانه ومحتاجه تغذيه.
اسلام -ممكن اشوفها .
الدكتور-شوفها هيا هتخلص المحلول وتمشي عادي الف سلامه عليها بعد اذنك.
اسلام -الله يسلمك..
دخل اسلام ...لاقها نايمه بتاخد المحلول
اسلام بتنهيده-الف سلامه عليكي .
علا بتعب-الله يسلمك شكرا علي اللي عملته معايا
اسلام-لاء عادي متشغليش بالك.
علا-مش هنسالك اللي عملته معايا
اسلام-حاجه بسيطه اساعدك في حاجه بعد المحلول اوصلك بيتك.
علا بتوتر-لاء عندي مشوار عند واحده قريبتي.
اسلام- بس انتي تعبانه ؟
علا - بس لازم اخلص من المشوار ده بي اي طريقه.
اسلام طلع من جيبه تلفونها .
اسلام - تلفونك كان واقع لما اغمي عليكي...
وفجاه والتلفون في ايده جه رساله من ابوه
بشير( انتي فين يا حبيبتي بقالي اكتر من ساعه مستنيكي في البيت )
اسلام بصلها بقرف - ربنا ما يقومك من اللي فيه ياريت تعبك يخلص عليكي هتفضلي في نظري مقذذه اللي زيك ميصعبش علي حد...
رمي عليها الموبايل وخرج.
وهيا مسكت الموبايل وشافت الرساله وغمضت عينيها ودموعها نازله.
علا لنفسها بدموع- ولسه هيحصلي ايه يا دنيا تاني.
----
ريهام كانت في بيتها بتغير وبترتب هدومها.
وصقر فتح الباب ودخل.
ريهام اول ما شافته جريت عليه حضنته
ريهام باسته من خده-قلبي وحشتني.
صقر بتنهيده-وانتي اكتر عامله ايه.
ريهام - حلوه جدا رحله مفيش منها.
صقر- ريهام
ريهام - نعم؟
صقر بغموض- استفدتي ايه لما اتجوزتني.
----
توقعات
