رواية دخان الصقر...
سماح محمود...
الحلقة التاسعة...
------
بشير وقف قصاد عماره اللي فيها شقته الخاصه.
بشير جه يحط ايده علي خدها بس هيا بعدتت ايده...
بشير بتنهيده -طب هتنزلي ياحبيبي؟
مهااا بصتله ورفعت حاجبها-اكيد هنزل !
بشير بضحك- وبعد ما تنزلي!!
مها بتكشيره- هروح اومال انت فاكر ايه هطلع معاك وانام انت اتجننت ؟
بشير-اتجننت!
مها-ما اللي زيك راجل شمال فاكرني هطلع اعمل معاك ايه وخد بالك عايزه اقولك حاجه...انا مش علا.
بشير بصدمه- وانتي تعرفي علا منين.
مها-انا اختها يا حدق لو فاكر هتلعب عليا دانا ممكن اضيعلك حياتك كلها انا مش سهله انت هتاخد بعضك وهتختفي من خلقتي خالص لان لو حطيتك في دماغي مش هتلوم غير نفسك.
بشير بعصبية-انتي اتجننتي انتي مش عارفه انا مين.
مها-راجل بيريل علي اي بنت وست فوق بدل ما اضيعك وانا عشوائية اكتر ما تتخيل .
بشير بصلها بقرف-وانتي عيله زيك متسواش ربع جينه فاكره نفسك يعني هتفرقي معايا اللي زيك رخيص يابت...
مها- طب بص انا مش هبله ولا عبيطه عشان اصدق واحد زيك ماشي وانا مش علا قولتلك وقبل ما انزل امشي لو فكرت تغلط متلومش غير نفسك...
بشير-بتهدديني؟
مها-احسبها زي ما تحسبها وخد بالك معنديش اللي ابكي عليه سلام ياكبير.
نزلت مهااا من العربيه ...
بشير لنفسه -وحيات امك ما هسيبك...
لاقي موبايله بيرن.
بشير بتنرفزه -خير يا اسلام.
---
في بيت فريد ...
مي طلعت تجري علي اوضه عين كانت نايمه بتعيط...
عين بخضه- في ايه؟
مي -شوفتي اللي حصل.
عين بخوف- في ايه؟
مي-صقر خبطته عربيه..وبين الحيا والموت
عين بصدمه- ايه؛؛!! صقر ازاي
مي- زي ما بقولك ..في مستشفي العهد بيموت.
عين قامت فتحت الباب ونزلت تجري....
مي لنفسها بضحكه - كده حلو نلعب بقي حبه.
اتصلت مي بي الشرطه.
مي - الو
الشرطه- ؟
مي - انا اسمي ريهام طلعت متجوزه واحد اسمه صقر بشير ابوه صاحب شركه **********
الشرطه - مالنا ب كل ده.
مي بخبث- راح حب عليا واحده اسمها عين وانا اجرت عليه ناس يموتو وهو دلوقتي مرمي في مستشفي العهد وانا هربت بس انا ندمانه ...
الشرطه - سلمي نفسك ولو سلمتي نفسك العقوبه هتتخفف...
بس كانت مي قفلت السكه...
مي بضحك لنفسها- خلصت منك ي ريهام...
فريد بخبث- بس انا سمعتك يا ميويا
-
بالمستشفي ...
علا ماسكه ايدين اسلام.
علا- اكيد هيكون كويس اهدي عشان خاطري مش عايزه اشوفك كده.
اسلام بصلها بعيون حزينه- معنديش غيره اقرب حد ليا لو حصله حاجه ممكن اموت فيها.
علا- مش هيحصله حاجه هو عنده احلي واحن واعظم اخ في الدنيا عشان كده هيقوم وهيعيش عشانك...
اسلام بتنهيده- هضيع من بعده...
اسلام ابتسم بحزن- .كان نفسي افرح بيه اول والبسه بدله فرحه بي ايدي ونفسي وافرح بيه وارقص بيه...واقوله انت فرحت عمري...هو كان رايح يخطب ليه يحصل فيه كده ليه...
قطعته علا واخدته فحضنه ...وفي الوقت ده اسلام حضنهااا وعيط وهيا عيطت في حضنه.
علا بعدت ومسكت وشه-اسلام؟
اسلام بصلها ودموعه نازله ...
علا قربت ايدها بي صوابعها وتمسح عنيه...
علا- انا بحبك .
اسلام سمع منها الكلمه وسكت...بس حط ايده علي وشه وقام ل بعيد ولع سجاره.
علا بلعت ريقها- اسفه
اسلام هز دماغه وبعد مشي راح يسال علي اخوه الدكتور....
لاقي عين جايه تجري علي اسلام.
وعلا دموعها نازله بحرقه...
علا لنفسها-انا غبيه ازاي قولت كده يمكن عشان اتاثرت ب كلامه ولا عشان ايه وكمان مردش اكيد قرفان مني وهو قالها قبل كده يوم ما اتجوز مش هتجوز واحده متشرفش زيي انا لازم اطمن علي صقر وانسحب من حياتهم...انسحب من.حياتهم خالص
عين بدموع- صقر يا اسلام صقر عامل ايه...
اسلام بص ل الدكتور اللي خارج عليهم.
اسلام - اي ي دكتور
الدكتور-الحمدلله لحقنا النزيف بسعنده كسر في رجليه والحوض بتاع ضهره ده هيقصر علي رجليه فتره.
عين بدموع -مش هيمشي تاني؟
الدكتور -الحمدلله علي قد كده شفاه الله وعفا وكويس ان لحقوه بدري ولما يفوق نشوف والطب اتطور وخير باذن الله
عين بدموع- ممكن اشوفه.
الدكتور- مش فايق لسه...
عين بدموع- ابوس ايدك ٥ دقايق بس اشوفه...
الدكتور-تمام بعد اذنكم...
عين بدموع- اسلام انا هدخل انا.
اسلام -استني ي عين.
عين بصتله وسكتت ودموعها نازله.
اسلام بتنهيده-صقر بيحبك ! ومحبش حد قدك كان مجبور ...
عين -مجبور علي ايه؟
اسلام- راحو قالوله قبل فرحك انتي وهو انك بتخونيه كان مصدوم مجروح عقله مشوش ازاي حب حياته خانو؟
عين بدموع بحرقه-طب ليه صدق فيااا يا اسلام ليه !انت اكتر واحد عارف اني محبتش قده بل صدقت فيا واحنا كنا اصحاب
.
اسلام بندم- مصدقتش فيكي.
عين بعصبيه- صدقت فيا يا اسلام صدقت فيا انت صدقت فيا لانك بعد كده قطعتني ليه موقفتش جمبي.
اسلام-اللي قالنا كده في الاول كان لازم نصدقه! مكنش ينفع ميتصدقش ده اقرب حد .
عين بضحك وهيا بتعيط
عين- بجد مين واحد صاحبه جه قالو بتخونك ده لو صاحبه قالو نايمه مع حد وانا شايفها ب عيني لو هو بيثق فيا مش هيصدق.
اسلام- طب لو مش صاحبه واللي قالوه ابوه؟
عين بصدمه- اونكل بشير .
اسلام- ايوه يا عين...
عين - ليه قال فيا كده انا عملتلو ايه عشان يضيع حياتي ليه يظلمني شاف مني ايه!
اسلام - الكلام ده ميطلعش ل حد ...وعايز اقولك إن صقر النهارده كان جاي يخطبك وهو فرحان اوي وعلي فكره محصلش بينه وبين ريهام علاقه جواز.
عين - ازاي؟ لا متجوزين انا شوفتهم الاتنين مع بعض.
اسلام- ثقي فيا وانتي عارفه اني عمري ما كدبت.
عين عيطت وسابته ودخلت تجري علي اوضه صقررر...
-
اسلام بص ل علا لاقها قاعده في جمب.
اسلام- مش هتروحي !
علا بصوت مبحوح -هطمن علي صقر اول
اسلام- مالك بتعيطي ليه.
علا بربع ابتسامه- عشان صقر.
اسلام- علا
علا- نعم
اسلام- انا لو اخدتك بيتي وخليتك اخت او خليتك حد غالي ... ونسيت ماضيكي وهو مش في دماغك ومش عايز اجرحك ...بس مش مد الايد والمعاملة الطيبه مني تديلك الحق انك ممكن تاخدي عليا لدرجه انك تحبيني مثلا؟...وبعد شويه نتجوز...مش بجرحك بس هسالك سؤال حتي لو انتي احسن حد ف الدنيا...
تقدري تقوليلي لو اتجوزتك وخلفت مثلا منك عيال ...مين جدهم؟ طب بلاش جدهم مين ياستهم...
ستهم واحده محبوسه في قضيه اداب !
وجدهم مين اللي كان مشغلهاا طب والام طلعت من بين العيله دي شريفه وحفظت علي شرفها اوك بس هيا كانت ماشيه في نفس السكه حتي لو مش بي ايدها بس الاهل متشرفش ماضيكي مش هيشفعلك وغير كده...وبعدين انتي كنتي مع ابويا ولا نسيتي....قال الكلمه واتصدمت علا...
علا كاتمه عياطها...
علا بقهر- كفايه يا اسلام كفايه معلش كفايه اسكت متكملش انا كنت لما قولتلك بحبك كنت بقولك بحبك زي اخويا مكنتش بقولك عشان توجعني كده ياريت ما نطقت واديك قولت ماضيه مش هيشفعلي ...وحته انا وانت مينفعش نكون اخوات انا يوم ما قبلت اكون اختك يمكن كنت مبسوطه عشان انا في بيت كويس وصدقت نفسي فعلا لما كنت معاكم وفي بيت ناس محترمين بس المشكله اني حبيتكم بجد انت وصقر ...
علا دموعها نزلت-بلاش اشوفك تاني وانا من النهارده انسحبت من حياتكم ربنا يشفي صقر...
سابته علا ومشيت وهيا بتعيط ...
اسلام بوجع لنفسه - الله ياخدني انا ايه اللي هببته ده ... كده خسرتهااا
----
في بيت فريد...
نوال لاقيت فريد قاعد بيقلب في موبايله...
نوال - بقالي اسبوع بحاول اكلمك وبتتهرب مني...
فريد- قولي يا نوال عايزه ايه خير.
نوال- خير دي طريقه تكلم بيها مراتك.
فريد- بكلمك ازاي انتي ناقصك حاجه!
نوال -ناقصني زوج !
فريد- نعم؟
نوال - بقولك ناقصني زوج انا من يوم ما اتجوزتك دي مش حياه متجوزين .
فريد- ولما انا معجبش كده ! عايشه معايا ليه؟
نوال- عشان بخاف منك عرفت انا عايشه معاك ليه؟بس دلوقتي انا مش خايفه انا عايزه اطلق وان شالله الدنيا تخرب.
فريد- هيكون موتك علي ايدي لو نطقتي الكلمه دي تاني ...نسيتي منصوره عضو مجلس شعب جوزك السابق اللي قتلتيه انتي وخالدون
نوال بصدمه- ايه.
فريد - مفيش ايه كل ده معايا ومتسجل اومال انا متجوزك ليه عشان هتتنزلي عن كل اللي منصور سابهولك قبل ما يموتك وبعدين عايزه تغوري غوري بس انتي اللي سابقتي علي نفسك ...
نوال - انت مفيش في قلبك رحمه انا بكرهك.
فريد بضحك-وانتي مرحمتيش منصور ليه!. وخدي بالك انا القتل عندي مفيش اسهل منو وكمان ياحلوه انتي انا معنديش غالي ...اللي اغلي منك دمها كان في ايدي.
نوال بخوف- مين دي!
فريد- ام عين بردو كانت زيك كده ساذجه ومش عارفه متجوزه مين بس ماخدتش في ايدي دقيقه واحده...
نوال انت قتلت ام بنتك قتلتها.
فريد بضحك-ولو معشتيش تحت رجلي هنايمك جنبها...
.
مش كانت بتصور من ورا الباب لان مكنتش مشيت وبعد الكلام اللي قالهولها فريد وبعد ما هدد ده اللي هيكسرو...
مي لنفسها-هدفع تمن الكلام اللي قولتهولي بس في الوقت اللي انا عايزاه.
----
علا قاعده جمب جنينه تعيط ... معقول يوم ما حاولت تفرح وحسيت إن ربنا خلاص عوضها تتكسر كده ...
علا لنفسها بقهر-ياريت كنت سيبتني في اللي انا فيه ولا انك تديني السعاده يوم كلها وتاخد بس اخدتها ب اكل وجع عيشته في حياتي انا عمري ما هسامحك وعمري ما هخليك تطول مني حرف بعد كده ...يارب بعد ما اتغيرت...
علا بقهر-بايدك انت اللي خلتني ارجع اسوء انت اللي كسرت ايدي بعد ما اتمديتلك وكسرتها ب القوي...
اروح فين ل ابويا تاني واشتغل شغلتي...والله انا ما رخيصه انت اللي رخيص يا اسلام وارخص من كل حاجه ربنا يوجعك زي ما وجعتني...
-
جرح تاني هوا قلبي لسّه طاب من الأولاني
أروحلو تاني هوا قلبي ينسى جرحو الأولاني
غلطت مره وقلت على الرخيص غالي
جرحت قلبي وجرح القلوب غالي
___
في المستشفي
عين قاعده ماسكه ايد صقر وبتبوس في ايديه ووشه ...
عين بدموع - قوم عشاني انا قوم عشان انا بحبك ومليش غيرك عملت كل ده عشان ارجع كرامتي عشان اوجعك زي ما وجعتني مفيش عريس ولا نيله قوم عشان انا مسامحك حتي بعد ما عيرتني ووجعتني ليه يا غبي مقولتليش الحقيقه ليه ...ليه انا مش قادره اشوفك وانت نايم كده قوم عشان اكسرك بي ايدي علي اللي عملتلو معايا وبعدين اموتك وبعدين احضنك واقولك متسبنيش تاني اقولك مفيش حاجه هتفرقنا اتجوزك نخلف نعيش مع بعض في بيتنا قوم ...
فضلت عين تعيط ...وصقر مغمض عينيه وسامع كلامها مش قادر يفتح ولا قادر يعمل حاجه بيفوق ويروح تاني ....
عين لنفسها -قوم ياصقر قوم ليا عشان اعوضك عن كل اللي اتحرمنا منو نفسي اسمع منك بحبك نفسي احضنك نفسي اعمل حاجات كتير. مش عارفه ابدأ منين....
الممرضه - خلاص كفايه كده اخرجي.
عين- سيبني حبه كمان ربنا يخليك.
الممرضه-اسفه مش هينفع ...
عين قربت منو تبوسه ودموعها نازله ...بس شافت صقر وهو بيحرك شفايفه وبيقولها بحبك...
عين غمضت عنيها وضحكت ودموعها نازله وقربت من شفايفه طبعت بوسه .
عين بهمس-بحبك قوملي عشان وحشتني ...
-----
توقعات
