رواية دخان الصقر...
سماح محمود...
الحلقة السابعه...
------
بشير بصدمه-فريد انت اتجننت انت جاي هنا تهبب ايه.
فريد بغموض -هتعرف انا جاي هنا ليه يا بشير وبدل مبتردش وبتطلع روحي اجيلك انا...
بشير-مها اطلعي بره انتي دلوقتي واقفلي الباب.
مها خرجت وقفلت الباب وراهااا ...
فريد قعد وحط رجل علي رجل وولع سيجارته...
فريد - ريهام عايزه تبعد عن صقر
بشير - ما تبعد وانا مالي
فريد- لو بعدت هيرجع ل عين تاني وانا علي جثتي لو فضل معاها ثانيه واحده...
بشير - شوف انت خلتني كسرت ابني وقولت ان شوفتها بتخون صقر ودخلتها في دماغه وبعدتهم عن بعض.
فريد- اخدت تمن اللي عملته شركتك االاسهم بتاعتها متضربتش وممكن امسحهالك في لحظه..
بشير- نفسي افهم انت كارهه صقر ليه ...
فريد بتنهيده مخيفه- فين ام عين؟
بشير - ماتت .
فريد ضرب ايده علي المكتب .
فريد بشر- اتقتلت
بشير بصدمه- اتقتلت ومين قتلها.
فريد انفجر من الضحك- انااا .
بشير - بس محدش قال اتقتلت ؟
فريد- ب الفلوس تمشي الطب الشرعي وتمشي كل حاجه.
بشير- وقتلتها ليه؟
فريد بغل- عشان المحروص ابنك.
بشير- وابني ماله!
فريد- كانت بتحبه...
بشير بصدمه- ايه؟
فريد- وانا كان ممكن اموته ومحدش هيعرف بس انا حبيت اشوف حرقه قلبه علي حبه اللي ضاع منو.
بشير - بس هو مالوش ذنب.
فريد- اسكت خالص انت اخدت تمن اللي عملته انا بقولك مش خوف منك بقولك عشان لو مكملتش ل الاخر هتخسر قبل صقر... اسلام
بشير بحزن- اعمل ايه تاني اشوف ابني وهو منهار انت اتجننت.
فريد- ايوه وهتدبرلي خطه قبل ما امشي وإذا كان عاجبك.
بشير بتنهيده ضيق وعصبيه- اعمل ايه تاني
فريد وهو بينفخ سجارته- اتفضل قولي هتعمل ايه علي ما اخلص سجارتي ...والله ولا هنحزن علي اسلام سوا ...
بشير غمض عنيه بوجع وضيق ...عشان عارف ان ممكن يعملها.
.
بشير - الإنسان اللي قولنا عليه عين بتخون صقر معاه..
فريد -ماله؟
بشير- ادعيله فلوس وفهم بنتك انها ترجع ل صقر ويوم الخطوبه تقول خطوبتها علي التاني واكيد بنتك نفسها توجعه وتردله القلم كده هيكرها علي الاخر.
فريد ضحك بخبث- حلوه اللعبه دي تعجبني دماغك ياشيطان...همشي بقي
بشير بحزن-- ليه ما تشرب حاجه.
فريد- يوم ما احب اشرب مش هشرب حاجه بسيطه عشايا تقيل سلام ياحبيبي .
سابه فريد ومشي خرج.
بشير بضيق -داهيه لا ترجعك بيتك غير متكسر.
----
اسلام فتح الباب بتاع الشقه.
اسلام بص لعلا وابتسم..
اسلام- هتدخلي؟ولا خايفه؟
علا ابتسمت- هدخل مش خايفه منك انا مطمنه ووثقه فيك...
اسلام ابتسم ومدلها ايده ...هاتي ايدك؟
علا مدت ايدها ليه ...
اسلام اخد ايدها باسها وقرب باس راسها ..
اسلام - سامحني علي اللي عملته معاكي هتفضلي اختي العمر كله
علا بمكر- هسامحك بس بشرط.
اسلام- ايه الشرط؟
علا-تدخلني عشان جعانه بصراحه وكمان مش هننام قصاد الباب يعني.
اسلام ضحك وخبطها علي راسها...
اسلام- ده اللي همك ياختي.
علا بضحك-اه ياخويا محتاجه اتغزي اوي انا.
اسلام- ياربي يوم ما ترزقني بي اخت ترزقني بي واحده همها علي بطنها هو البنات تقريبا كلها همها علي بطنها صح؟
علا- حاجه تفتح النفس كده ياخي وطبيخي قمر ..
اسلام طب ادخلي وهقولك...دخلت علا ولاقيت الشقه صغير بس ذوقها حلو ومترتبه.
علا- متقنعنيش إن الشقه دي مفيش حد بيرتبها يوميا.
اسلام- ولا اي حد والله لان انا اساسا مش بعمل اي حاجه غير بغير وبنام وبس مش ببهدل اوضتي ..
علا - ايوه طب فين المطبخ عشان اعمل اكل بس بشرط تاكل معايا .
اسلام- اشطا يلا ياقمر هاكل معاك...اعملي اكل يلا وغني وعيشي كفاياكي حزن ياشيخه.
علا بضحك-اغني وانا بعمل اكل.
اسلام- اه يلا علي ما اغير وعيشي بقي كفايه دموع يا ورده .
علا - مين ورده.
اسلام- انتي ورده ولو معملتيش الاكل بسرعه هحطك في المزهريه دي .
علا بضحك- خلاص خلاص حالا...
سابها اسلام ودخل يغير ...وعلا دخلت غسلت ايديها وفتحت التلاجه لاقيت فراخ بانيه...وجابت بطاطس وجابت مكرونه...
وبدات تعمل الاكل...
_ولا شفت راحة قلبى الا وانا فى بيتك.
------
في بيت فريد ...قاعد مع عين في المكتب.
عين - مش فاهمه يابابا.
فريد بخبث- عارف انك بتحبي صقر لسه ومن غير ما ترجعيلي كلمه...اسمعي ياحبيبتي مش عايز كرامتك تروح غير لما توجعيه عشان لو فكرتي ترجعيلو في يوم يبقي داق نفس وجعك.
عين - اعمل ايه؟
فريد- ناجر واحد ...
عين بستغراب- واحد مين وبعدين نأجر واحد ليه؟
فريد- هتقولي ل صقر إن يجي يكلمني عليكي عشان يخطبك تاني وفرحيه في اليوم ده هيكون خطوبتك علي التاني اكيد مش هيكون علي طول لفتره ياحبيبتي بس وتوجعيه نفس وجعك عشان يعرف قيمتك بعد كده ولا هتقبلي علي نفسك يبقي مع مراته ويهين فيكي كل شويه يهين فيكي ويكسرك ويتجوزك غيرك تقبلي علي نفسك كده يا حبيبه عين ابوكي......
عين بوجع اتفكرت اللي حصلها واتفكرت كلام مي ...
عين بوجع- مستحيل يابابا انا معاك شوف الراجل ده واعمل اللي نفسك فيه .
فريد- حبي فيه وشوفيه وحسسيه انه ملكك تاني وفهميه اني سامحته وخليه يجي يطلب ايدك مني.
عين بوجع- بس ده صعب اوي يابابا.
فريد- بس انتي مصعبتيش عليه لما اتجوز ريهام وانتي مكسوره ؟ وسابك يوم فرحك وكسرك.
عين بوجع -معاك حق يابابااا...
----
صقر بيفتح الباب وهو مبسوط إن كان مع عين خففت وجعه شويه ...شم ريحه اكل حلوه.
صقر قعد يرتاح علي الكنبه...ويفك في قميصه.
صقر بصوت عالي- يا سلوم ايه الراويح الحلوه دي بقيت ست بيت ياعسل.
خرج عليه اسلام وهو بيضحك.
اسلام- والله انت اللي ست بيت مش انا .
صقر بمكر- انا الصقر ميبقاش ست بيت الصقر بيخطف وبس.
اسلام- ياجامد يا قوي انت...داخل قوي علي طول ياعسل انت.
خرج علا- اسلام الاكل جاهز وكمان ....
سكتت لما شافت صقر.
صقر بص ل اسلام- مش دي..
لحقه اسلام بضحك-دي علا اختنا ...اختنا وبس ياصقر وهتعيش معانا احنا معندناش اخت بس دي اختنا .
صقر فهم إن اسلام عايزه ميضايقهاش.
صقر ابتسم- واحلا اخت حد يطول يعيش معاه حد قمر كده.
علا بفرحه-بجد يعني انت مش زعلان
صقر- لا طبعا دانا مبسوط علي الاقل حد هياخد بي حس البيت بدل ما اسلام مش بيوريني وشه غير علي النوم وبصراحه زهقت من الخلقه العكره دي.
اسلام بضحك-والله يا علا ده هو بي عينه بغباوته بشكله العكر ده صقر اخويا.
علا ضحكت وكان اول مره تضحك من قلبها ...
علا بفرحه-انا بحبكم اوي ربنا يخليكم ليا اوعو تسيبوني انا هعيش خدامه بس متبعدوش عني.
صقر- خدامه ايه يابت البت دي مالها يا اسلام.
اسلام-محتاجه قفا يعدلها.
علا بضحك- طب ماشي خلاص.
صقر-اكلوني الاكل اللي انا شامم ريحته والا هرتكب جنايه هنا.
علا بضحك-فوار هجهز الاكل وناكل كلنا .
مشيت علا.
صقر بص ل اسلام - ازاي ده حصل.
اسلام بتنهيده- من غير ما تسال بس حط في بالك انها نضيفه وعلي ضمانتي وعايزك تعملها زيي علي ان اختك.
صقر- شكلها غلبانه؟
اسلام- جدا بس اللي يتلزق في ابوها وابوك لازم يتفهم غلط .
صقر- يعني انا ناقصاك انت اخ منيل هيبقي عندي اتنين.
اسلام بضحك-اتنين اخوات هيطلعو عينك
صقر بضحك- ماشي يامنيل.
علا بفرحه سامعه كلامهم ..
علا لنفسها- الحمدلله يارب الحمدلله انك خليتني هنااا...
-
علا خرجت الاكل جاهز ياحلوين.
صقر - والله انتي الحلوه يلا ناكل يالوزه.
علا بضحك بصوت مسموع- يلا يا اسلام ...
اسلام رد عليهم بصوت مسموع.
اسلام-انا باكل اساسا تعالو.
صقر خبطه علي راسه -مبتستناش حد انت.
اسلام- ابدا جعان واول مره اكل ...اكل في البيت.
صقر بدا ياكل وعلا بتاكل.
صقر- يسلم ايدك الاكل حلو
اسلام- ولو سيبتو الاكل هيبقي احلي.
علا وصقر ضحكو...بعد دقايق وهما بياكلووو
صقر رن موبايله.
صقر - عن اذنكم.
علا- اذنك معاك.
صقر قام يرد علي الموبايل.
اسلام- قومي انتي كمان وسيبي الاكل اكله انا .
علاا بضحك-طفس خد نصه .
اسلام- لاء ياختي هكمل بتاع صقر علشان الدايت بس.
علا - واضح ههههه دانت داخل علي طبقين
اسلام بمكر- بتعدي عليا؟
علا- تو بالهنا كله علي قلبك ياسمسم.
اسلام- سمسم ؟
علا- مش انا ورده وبعدين مسموح ليا ادلع اخواتي.
اسلام ابتسم- مسموح ياوردتي
علا بفرحه- عايزه اطمن علي مها اوي.
اسلام-هبقي اطمنك عليها وقوليلها انك سافرتي في اي شغل لما تكلميها عشان انتي مش هترجعي هناك تاني
علا-تمام ماشي.
-
صقر - حبيبتي
عين-عايزه اشوفك.
صقر- دلوقتي؟ ليه خير
عين بخبث- خير ياروحي بس وحشتني وعايزه افرحك في حاجه.
صقر- بالله محتاج افرح.
عين- بحبك .
صقر ابتسم- قوليها تاني.
عين - وآلله بحبك متتاخرش بقي.
صقر - طب قولي هنا..والله تعبان وعايز انام فرحيني ونايميني فرحان.
عين- نفسي احضنك؟
صقر-كل حضني ليكي ياعين من عيوني...انت حبيبي يا واد...
عين بتنهيده- طب مش هاخد الحضن ده المره دي غير في الحلال.
صقر بستغراب- يعني؟
عين- يعني انا قولت ل بابا اني بحبك لسه وفضلت ساعه افهم فيه لحد ما اقنعته وقالي خليه يجي بكري عشان يتقدم ليكي من جديد.
صقر بفرحه- مستحيل اكيد بتهزري.
عين -هههه مش بهزر خلينا نعيش بقي يومين يا واد بقي...
صقر بتنهيده - ياريت.
عين- مالك؟
صقر-مش عارف بس قلبي وجعني خايف اخسرك تاني
عين بحزن- مستحيل هتخسرني تاني...
وبعدين لو حسرتني يبقي منك بقي هههه.
صقر - مستحيل هحاول اخسرك انا بحبك ...بحبك اوي.
.
علا بصوت مسموع-صقر تعالي اسلام هياكل الاكل كله.
عين فكرتها ريهام...
عين بوجع وغل- صقر.
صقر بتنهيده- ايه ياروحي.
عين- لازم تيجي لبابا بكري مش هستني اكتر من كتر ياحبيبي بحبك اوي.
صقر ابتسم بحب- بحبك اكتر بحب والله يابت اوي يلا اقفلي بقي.
عين ببتسامه-نام ياحبيبي تصبح من اهلي.
صقر بحب-استني.
عين -ايه تاني؟
صقر- مغرم انا مغرم بيك علي طول وانا صابر وصبري في هوايا دليل...
عين بربع ضحكه- وايه كمان؟
صقر- ليل ورا ليل ولا دوقت النوم.
عين - وبعدين؟
صقر - شوق وغرام لا عتاب ولا لوم داري انا داري حيرتي ومراري وانت ولا داري ي عين يا ليل.
عين بربع ضحكه- والله طب يلا اقفل بقي عشان متتاخرش بكري ومتخلنيش احبك اكتر سلام ياحلو.
صقر بضحكه- سلام ياروح قلب الحلو...
قفلت عين ودموعها نزلت- انت اللي اخترت ب ايدك اني اوجعك انت كله منك انت.
-----
مها قاعده مع ابوها...
طهران بوجع- وبعدين..انتي بتروحي فين وسايبني في وجعي بموت.
مها- اهدي يابابا والله انا ...انا علا شغلتني في شركه.
طهران-علا شغلتك.
مها-ايوه وصاحب الشركه اللي كانت معاه علا بيحبني ورحب بيا اوي.
طهران- ما اختك اللي عملت فيا كده.. وهربت
مها بصدمه- يعني هيا اللي ضربتك كده وهربت...انت قولتلي واحد اللي ضربك
طهران بدموع خدعه- سرقتني وهربت يامها مش قادر اخبي عنك يابنتي انتي مبقاش ليا غيرك.
مها- مستحيل هتسرق وتعمل فيك كده انا عارفها كويس
طهران-يعني بحالتي دي وضربت السكينه ايه اللي هيخليني اكذب...
مها بتبلع ريقها بذهول -طب وعملت كده ليه؟ وتسرقك ليه هيا مش محتاجه.
طهران بخبث- اتجننت يا بنتي ياحبيبتي وكمان عايزه تمشيك في سكتها قولتلها لا انا من بعد عمك الله يرحمه وانا خايف ومش عايز اخسر بناتي ضربتني وسرقتني وقالتلي همشيها في سكتي غصب عنها.
مها بذهول-معقول علا بتعمل كده !
طهران- انتي نسيتي كانت بتعمل ايه وانتي كنتي بتقرفي منها.
مها-بس هيا اتغيرت.
طهران-بتكدب عليكي عشان تضيعك زي ما ضيعت نفسها...
مها-بس انت اللي عملت فيها كده
طهران- وتوبه وتوبت وربنا بيقبل التوبه بس اختك دي منها لله...
مها-مش عارفه والله
طهران- مش عايز اقولك السبب الاكبر حافظي علي صاحب الشركه اللي بيعملك حلو ده عشان اختك بتغير منك ولو عرفت هتستكتر ده عليكي وهتضيعك...وحاولي تحافظي عليه اختك اللي وحشه انا عارفها كويس.
مها بتنهيده- انا حزينه اوي معقول علا يطلع منها كل ده..
طهران بخبث-منها لله ربنا ينتقم منها انتي اللي بقيتي ليا
-----
اسلام قاعد وعلا عامله فشار وجايبه عصير...
اسلام-هو انا لسه هاكل تاني ياوردتي...مبقتش قادر اتنفس .
علا-هننقنق كده وحاجه بسيطه مش جايلي نوم ونسهر نشوف اي فليم.
اسلام-تعرفي إن الاخت في حياه الانسان حاجه حلوه انا اول مره احس اني مبسوط.
علا بفرحه-بجد؟
اسلام غمض عنيه وابتسم-بجد...
علا- كنت عايزه ارجع البيت .
اسلام بصلها ووشه اتقلب.
علا لحقته- مش علي حاجه بس معنديش لبس هنا ومعيش اي حاجه.
اسلام-خدي اي ترنج من عندي نامي فيه وبكري هاخدك اجبلك اللي انتي عايزاه.
علا بمكر-والله ؟ووعلي حساب مين!
اسلام رفع حاجبه-علي حسابك طبعا انا غلبان.
علا بضحك-عليا بردو.
اسلام-محافظه ليك ياورده بس كوني مرتاحه ومتزعلنيش منك واوعي تضيعي الثقه دي في يوم لان لو ضاعت مش هترجع تاني الثقه مره بس.
علا ابتسمت-حاضر متقلقش انا مصدقت لاقيت عيله حقيقيه يوم ما الاقيها هضيعها
اسلام بضحك- ياتي والنبي عسل مع اني كنت بكرهك اوي ونفسي اقتلك.
علا-ما تضرب في ايدك والله وشي لسه بيوجعني من الضرب.
اسلام-احسن عشان مش تستفزيني تاني بعد كده هعمل منك سلطه هقطعك .
علا بمكر-اهون عليك
ابتسم اسلام-عمرك ما تهوني ياغاليه والله
----
توقعات
