رواية دخان صقر...
سماح محمود...
الحلقة العاشره...
----
علا كانت ماشيه ..مشيت كتير جداا لحد ما لاقيت نفسها مقربه من قصاد مركز الشرطه ...
فضلت بصله كتير جدااا
علا لنفسها -ادخل اشوف امي حتي لو هيا في مكان ميشرفش بس ذنبها ايه اكيد اتظلمت زيي فضلت واقفه ...لحد ما دخلت جوه...
العسكري- عايزه مين؟
علا بتنهيده- ظابط القسم .
العسكري - عايزاه ليه!
علا بتعب وتنهيده وطويله- قريبي.
العسكري في صدقها وفتح الباب ...
العسكري - يافندم في واحده قريبتك بره.
الظابط بستغراب- قريبتي؟مين خليها تدخل..
دخلت علا والعسكري قفل الباب.
الظابط- ايوه مين انتي؟
علا بصتله وسكتت.
الظابط-....؟ انتي مين!.
علا بتنهيده-مش عارفه
الظابط بصلها وضحك ربع ضحكه.
الظابط-طب انا اللي اعرف ؟ دي فزوره ولا اي.
علا دموعها جريت...
الظابط- طب تعالي اقعدي واهدي بتعيطي ليه حد كلمك اصلا...
علا قعدت وبصتله - انا مش عارفه انا مين فعلا ولا انا ليه هنا بس عايزه اشوفك امي...
الظابط-امك؟ امك مين...
علا-امي سناء ابراهيم محمد كامل...محبوسه عندكم .
الظابط- محبوسه ليه؟
علا غمضت عنيها ودموعها نزلت بحرقه- اداب...محبوسه في قضيه اداب...بس انا مليش ذنب انها امي
الظابط ابتسم- اسمك ايه؟
علا- اسمي علا...
الظابط- انتي دموعك دي ليه ...
علا بدموع- علشان اهلي ميشرفوش وعشان الناس بتوجع اوي
الظابط- محدش فينا بيختار اهله ولا حد فينا بيختار هو مين ولا هو ايه ولا عايش ازاي ..الإنسان فيناا بيكون مولود...يارب كما خلقتني والله لو البيئه اللي نشأ فيها حلوة بيطلع الإنسان كويس ولو البيئه العكس هو ملوش اي ذنب ليه نحاسب الناس علي وضع مش بي ايدها...
علا بصتله بعنين حزينه -معرفش ليه وليه الناس تحكم...طب لو البنت اتولدت وعاشت عمرها كويسه ل حد ما لاقيت ابوها بيهددها ب اختها وبيهددها إن امها محبوسه ولو مشتغلتش نفس شغله امها هيعرف اختها الصغيره وتشتغل هيا...
الظابط فهمها ورد بكل طريقه تحاول متجرحهاش...
الظابط-تاخد اختها وتهرب ...تاخد اختها وتيجي ل الشرطه والشرطه هتعرف تحميها كويس.
علا بدموع- بس هيا معملتش كده هيا سمعت كلامه بس والله والله ما فرطت في شرفها ويوم ما جت تحب ...اللي حبيته قال مينفعش عشان العيله متشرفش وهانهااا يا حضره الظابط كده يبقي قانون...
الظابط- اسمي مراد علي فكره...
علا بتنهيده- تمام يا مراد بيه.
مراد-اللي بيحب حد مبيبصش هو ايه ولا هو مين ولا هو ابن مين ولا حتي بيعمل ايه اللي بيحب حد بيحبه زي ما هو...
علا اخدت نفس طويل وغمضت عينيها...
علا ابتسمت-شكرا علي كلامك بحد ارتاحت لما اتكلمت شويه...متحطيش كلام الناس في دماغك ودموعك دي مينفعش تنزل علي طول انا اتاثرت ي عيونك والله...
علا ابتسمت بأحراج...
علا- ممكن اشوف امي.
مراد بضحك- هو لازم عشان محبوسه تبقي هنا يا علا هانم...
علا بضحك- علا هانم لاء طبعا انا علا وبس يا مراد بيه
مراد بضحك- لا انا مراد وبس.
علا - طب اوصل ل امي ازاي؟
مراد سبيلي يومين وهوصل ل الاسم بتاعها ده وهقولك فين طريقها
علا- تمام.
مراد -رقمك ؟
علا بستغراب- رقمي ليه؟
مراد- عشان اقولك طريقها فين لما اعرف
علا ابتسمت-عيوني الاتنين.
مراد ابتسم- لو علي عيونك فا انا مستعد يا ستي اعملك اللي نفسك فيه.
علا بضحك- ماشي انا همشي بقي.
مراد- علي فين؟
علا - علي اي فندق...انام فيه.
مراد -تمام.
علا - يلا سلام
مراد- علا؟
علا - نعم
مراد - خدي الفلوس دي خليها معاكي.
علا بأحراج- معايا
مراد ابتسم-خدي يا علا وعايز اشوفك بكري ...
علا ابتسمت وهيا مرتاحه -موافقه...شكرا يا مراد..
مراد بصلها وابتسم- تتغدي معايا؟
----
في بيت فريد.
فريد - شايفك رجعتي يا مي نسيت اللي قولتهولك ولا اي.
مي- لا منستش يا عسل.
فريد-.وجايه ليه.
مي - عادي يعني جايه اشوف صحبتي..
فريد-مش عايزك تيجي هنا كتير عشان انتي عارفه كويس هعمل فيك ايه ومتنسيش موضوع صقر.
مي بضحك- هددني كمان حبه اصلا بحب اتهدد
فريد- انتي بتتحديني بقي.
مي- لاء بس مش انا اللي يتكسر دارعي يا عسل
فريد- بس انا اقدر اكسرك كلك مش دارعك بس
مي- ولا تقدر تعمل اي حاجه... وهات اخرك وخد بالك انت لو كنت بتلعب بي كل الخطر فا انا الخطر نفسه ابعد عني يا عسل بدل ما تلاقي نفسك بتقول ياريت...
ضحكت مي ومشيت ... وفريد قعد هيموت من الغيظ
.
نوال واقفه بهمس بتنادي علي مي ...
نوال- مي!! يامي.
مي بضحكه- اهلا يا طنط يا زوجه عمو اللي مش كيوت ...
نوال-عايزه اتكلم معاك بعيد عن هنا
مي -خدي رقمي وكلميني.
----
اسلام كان ركب عربيته وراحت ل بيت طهران يشوف علا..ويلحقهاا لانه مش عارف قال كده ازاي ولا ليه...
فتحت مهااا- اسلام بيه؟
اسلام - فين علا يا مها؟
مها بربع ضحكه- بجد علي اساس هيا مش معاك
اسلام- مش معايا واللهي هيا فين
مهاا-بقولك ايه بطل كذبك ده وبعدين لو مش معاك يبقي راحت تدور علي غيرك ما انت مش مالي عينهااا...
اسلام بضيق- لم نفسك يا بت انتي فاهمه ولا لاء بدل ما ادهسك تحت رجلي .
مها -انت جاي ل حد بيتي وبتهددني.
اسلام بتنهيده-اوووووف اللهم طولك يا روح جيت اسالك هيا فين؟
مها بتنهيده- مشوفتهاش اعملك ايه يعني معرفش مكانهاااا...
اسلام- طب انا اساسا غلطان اني جيت ووقفت مع واحده زيك مشوفش خلقه في الشركه فاهمه.
مها- روح بس لم ابوك اللي ماشي يريل علي نفسه...
اسلام بصلها بقرف - مقرفه كل العيله كده مقرفه ...سابها اسلام ومشي...
مها بضيق لنفسها- هيا معاه وجاي يعمل فليم ماشي هوريك...
---
في مستشفي...
عين واقفه مبسوطه إن عرفت الحقيقه علي قد ما انجرحت منو علي قد ما هيا مبسوطه إن هتفضل معاه ...
بشير- عين؟ انتي هنا ...صقر ماله
عين بصتله ولفتت وشها.
بشير- بكلمك في ايه يا عين ما تردي.
عين -ارد عليك ليه فهمني ليه ارد عليك يا عمو بشير ياللي كنت بعتبرك ابويا التاني لحد ما جيت عليا ودمرتني يوم فرحتي وكدبت علي ابنك وقولتلو إن يخونها اذيتك في ايه انا ...طب اعرف ان في ربنا ليه تظلم بنت وتيجي عليها مكنتش خايف من ربنا ان ممكن تكون في لحظه نتقابل ربنا ازاي؟؟
بشير بتنهيده- عارف اني غلطت انتي مين قالك الكلام ده
عين - مش مهم مين قالي ...بس المهم اني عمري ما هفكر اسامحك...بس ليه عملت فيا كده؟
بشير- اسالي فريد السؤال ده.
عين - فريد مين؟
بشير بضحك- ابوك يا قطه اساليه ليه بقي انا عملت كده.
عين بضحك- بابا بجد والله كمان عايز توقعني في ابويا .
بشير- اسكتي بدل مش فاهمه حاجه يبقي اسكتي بقي خالص ومتعتبنيش قبل ما تعاتبي روحي عاتبي ابوك...
عين-هه مش عايزه اسمع منك حاجه دلوقتي ولا عايزه اعرف حاجه اهم حاجه عندي صقر وهتجوزه وهفضل معاه وهتشوف .
بشير - مش هتفضلي معاه.
عين بضحك- هفضل وهتشوف وبعدين انا مش هسال في كلامك اهم حاجه عندي صقر وبس...
الدكتور كان خارج من عند صقر.
عين- دكتور فإق.
الدكتور- انتي عين بقي.
عين - ايوه
الدكتور - سرعني بيكي ادخلي ومتطوليش
بشير- يا دكتور انا ولده عايز اشوفه واطمن عليه
الدكتور- واحد واحد...لان هو تعبان وفي تحاليل لازم تتعمل...عشان نشوف هياثر علي المشي او لا.
بشير - مشي ايه؟
الدكتور - اتفضل معايا وهنتكلم.
.
عين كانت دخلت ل صقر
صقر بيبصلها بتعب وهو مبتسم.
عين بمكر-علي فاكره لسه مش هسامحك دلوقتي بس لما تفوق بس.
صقر ابتسم وبصوت مبحوح- ليه عملتي فيا كده.
عين-عشان احرق دمي يابارد
صقر- عاجبك اللي حصل فيا ده.
عين حضنته وهو نايم ...يارب كنت انا.
صقر بتعب- اخرسي يابت سامحيني يا عين ...سامحيني ياعيني مليش غيرك سامحيني ومتسبنيش.
عين دموعها نازله- بشرط ياغبي.
صقر باس خدها وهيا بتعيط- شرط ايه متعيطيش وحياتي.
عين-تتجوزني انا قربت اخلل عند ابويا
صقر-لو مموتش هتجوز وآلله
عين فضلت تبوس في ايديه ووشه ...
عين مسكت وشه- مش هيحصلك حاجه. وهتقوم وهنتجوز وهنبعد عن حياتنا اي حد ياذينا كفايه بقي هاخدك وتبعد ...
صقر بتعب ابتسم-بحبك
عين بفرحه بباسته وحضنته-بموت فيك يا واد انت تعبتني.
صقر- سلامتك ياقلبي من التعب ...
صقر بتعب- عين!
عين-نعم!
صقر- فين اسلام.
عين-معرفش كان بره بس معرفش راح فين...
صقر- فين علا؟
عين بتكشيره- مين علا دي كمان بدل ما اضربك ادخلك في غيبوبه تاني.
صقر بضحك بوجع-هبله.
عين- بقولك انطق.
صقر- بنت غلبانه كانت عايشه معانا انا واسلام زي اختي واضح اسلام بيحبها
عين- اسلام حب!
صقر- حسيته كده هيا فين؟
عين- مش عارفه والله مشوفتهاش ...بس احب اعرفها.
صقر - لما يجي اسلام ياحبيبتي دخليه ليا.
عين -حاضر ياحبيبي بس نام انت عشان متتعبش اكتر.
صقر بنوم- طب مش هتروحي
عين- لاء.
صقر - وابوك بتقولي ليه ايه.
عين بتنهيده- مش هقول حاجه تاني مش هفكر غير في حياتي وبس زي ما كله بيفكر في نفسه
عين لاقيت صقر نام ...ابتسمت وباسته وحطت راسها علي صدره ...
عين لنفسها- هعوضك ياحبيب عمري.
----
اسلام ماشي يدور عليه في العربيه وهوو مخنوق وبيتفكر هزارهم وكلامهم...بص علي كرسي العربيه شاف هدومها اللي جايبهالها ...ياريت ....!!!!
اسلام لنفسه- انا غبي ليه قولتلها كده انا ليه ليه...كانت اتغيرت انا ليه جرحتها اوي كده وضيعتها من ايدي....
اسلام لنفسه - بس انا مبحبهاش انا بس ارتحتلها...
- معقول انا حبيتها!!!!
اسلام لنفسه بتنهيده طويله بيبص من الناحيه التانيه...
!!!!!!!!
-----
بشير اتصل بي مهااا...فضل يرن مره واتنين بس مها مردتش..
بشير- الووو
مها -خير عايز ايه؟
بشير بتنهيده- عايز اشوفك
مها- ده ليه إن شاء الله
بشير بضيق- ابني في المستشفي ومش لاقي حد معايا ومخنوق اوي.
مها مجاش في بالها غير اسلام وإن لسه مهزءه.
مها لنفسها - انتو عايزين مني ايه يانا يا انتو.
مها- طيب اجيلك فين؟
بشير- بلاش المستشفي اي مكان لان مخنوق ومش لاقيت حد اتصل بيه غيرك.
مها بخبث- تمام يلا سلام ...
مها لنفسهاا انت اللي جنيت علي نفسك
----
توقعات
