إنجذاب الروح

البارت التاسع عشر

بعد مرور أسبوع ..
فى المشفى

جلس يزن على المقعد فى مكتبه بعدما مر على بعض من الحالات التي يشرف عليها .. مر أسبوع سريعاً ولم يحدث فيه الكثير حتى أنه لم يبادر بمصالحة مالك ولم يتصل حازم ليخبره بقرار رهف ربما سترفض ولا يلومها أبدأ لا أحد سيتحمل عمله ولا حياته .. زفر بقوة مرهق بشدة ويريد أن ياخذ راحة .. سمع طرقات الباب يليه دخول الممرضة وقفت أمامه ثم هتفت بعملية :
دكتور التحاليل جهزت والأشعة المطلوبة ودلوقتي العمليات بتجهز والمريض ساعة ويدخل

هز رأسه قائلا بهدوء :
روحى أنت وأنا جاى وراكى

هزت رأسها بموافقة ثم غادرت الغرفة .. دقق يزن بالنظر على جميع الاوراق وسير الامور بشكل جيد وبعد أنتهائها خرج متجه للعمليات ..

_______________________

فى الشركة

مكتب رهف

تركت القلم ثم وضعت رأسها بين راحة يديها ورفعت شعرها .. ظلت تنظر للأرض بلا هدف منذ أسبوع وعقلها يعمل لا تعلم ما تفعله .. نفخت وجنتيها بضيق ثم رفعت رأسها مرة أخرى .. تحدثت إيناس محاولة استكشاف حالتها حيث قالت بإهتمام :
أى يا بنتى .. مالك فيكى أى .. شغالة من الصبح تنفخى ده لو بتنفخى فى شاى كان زمانه برد

أبتسمت بخفة وأجابت عليها :
ده أنت مركزة معايا من الصبح

أجابت عليها إيناس :
مركزة أى بس .. ده الشركة كلها عارفة أنك مش طايقة نفسك

ضحكت رهف بشدة بينما أبتسمت إيناس حيث قالت بإهتمام :
هاا يلا قولى .. مالك بقي .. يمكن أعرف أحللك مشكلتك .. ولا مش معتبرانى صحبتك ، لا ده أنا أعيط وأبهدلك الدنيا

أجابت رهف بمشاكسة :
لا لا .. أحنا مش ناقصين عياطك

هتفت إيناس بإنتصار :
يبقى تتكلمى على طول .. يلا يا حبيبتي عشان متزعليش

قررت أن تتحدث معها ربما أن تجد لها حل أو توجها لطريق واضح تستطيع أن تسير عليه .. قصت عليها رهف أنهت رهف حديثها قائلة :
بس وبقالى أسبوع والمفروض أقول قرارى

فكرت إيناس قليلا ثم أردفت مستفسرة :
طب هو رافض أنه يحب يعنى مثلا حب قبل كدة ومش حابب التجربة .. ولا هو أصلا رافض فكرة الجواز عامة زى ما شباب كتير بترفض لأسباب معينة أنه مش مُقدر مثلا أو عشان ظروف شغله وخايف يتجوز تتبهدل معاه .. عادى زى ما ناس كتيرة بتفكر كدة .. هو أى نظامه

شعرت بشعور غريب لمجرد ذكر أسمه لأول مرة يداهمها هذا الشعور لا تعرفه بالتحديد لكن تريد أن تبتسم تلقائيا لكن حاولت منع ذلك .. أجابت رهف عليها وملامح وجها المشرقة التى لم تغفل عنها إيناس :
لا .. هو رافض فكرة الجواز كا فكرة نفسها بعدين مش مشكلة فلوس .. ماشاءالله معاه مستشفى كبيرة ده غير شركات الأدوية ، هى فكرة بس الجواز وأن بيقضى يومه كله فى شغل بيرجع البيت متأخر وينزل تانى يوم بدرى .. أنا مش بحبه بس أى مش عارفه أوصف اللى حاسه بيه بالظبط .. أنا فعلا منجذبة بيه بحب كلامه معايا وهزاره مجرد ما أسمه ما بيتقال تلقائيا ببقى عايزة أبتسم وإحساس حلو بحسه من مجرد ذكر أسمه .. مش عارفه مش عارفه