لما تنوي الزواج اختار بنت يكون سمتها الإلتزام سواء مُنتقبة أو مُحجّبة أو مُختمرة، إنتَ فعلاً مش مُتخيل قلق الأهل علىٰ بنتهم في ظِل الانفتاح المجتمعي اللي إحنّا فيه.
تخيّل أخ يشتكيلك بنته المُلتزمة اللي وصلت ٣٠سنة وللاسف لسه متزوجتش ! علشان كل اللي بيتقدملها إمّا شباب بتشرب سجاير أو مش بيصلّي = فالبنت ترفض أملاً في إنه يتقدملها واحد عنده خُلق ودين.
أعتقد ياشباب إنه من الواجب علينا في ظل الحرب المعهودة عليهم إنّنا نُعينهم بالزواج، وهم أهلٌ لها واللّه.🖤✨
____________________
من ساعة ماعرفت إن سيدنا النبي كان لما يعجبه حاجة في الدنيا يقول "لبيك إن العيشَ عيشُ الآخرة"
وانا بحاول أقولها كل ما أشوف حاجة تعجبني ، من باب تطبيق السُنة وإني أعمل زي ماكان حبيبي بيعمل مش أكتر
لكن إكتشفت إن الجُملة دي بتحرّك في القلب حاجة.. لما بتقولها بينصرف تفكيرك عن جمال الدنيا اللي قدام عينك ، ويتحوّل كل إعجابك بيها لتأمل في جمال الجنة اللي أكيد هيبقى أضعاف مُضاعفة
الجُملة فعلياً بتخليك تزهد في الدنيا وتتعشم في الآخرة
في ثواني يتحوّل كل اللي في قلبك لخليط من إحتساب أجر السُنة والصبر على الحرمان في الدنيا والزهد فيها والعشم في نعيم الجنة وتمنّيها 💙
