الباب طق ناضت سلمي قالت ماما جت
شبحت هاجر لبابا و شبحتلهم الزوز
خشت وفاء السلام عليك و شبحتلي
قتلي أهلاً بنتِي أكيد صاحبة هاجر
رديت مديت أيدي بإبتسامة مصطنعة 😬
شبحلها بابا و قالها وفاء
قتله نعم قالها تعالي دقيقة
مشِي هو و هيا
تلفتتلي هاجر و حطت إيدها على ايدي متخافيش 😅 !!!
كله هيكون تمام
قتلها هاجر
قتلي نعم
قتلها عادِي تمشي توصلني لدار كان نلقا نرقد
قتلي هدا هو هيا
نضت و صلتني و قتلي ارقدي منبيش نضايقك هزيت براسي مشت هاجر
قعمزت عالسرير
و فكرة ترفع و فكرة تجيب
و كإنه حياتِي كانت كل يوم بشكل ! كإنه أمي و صلاح ريموت حياتِي بالنمط اللي يبوه
أمي رسمت إنه مكتوبلي نعيش يتيمة الأب جكارة في بوي ! و رسمت إنه تتخلى على طفلتها على خاطر راجل ...
أما بالنسبة لصلاح فعيش طفلة في عقدة نفسية عقدة نفسية هتلحقك مهما كبرتِي ✋🏻 هيقعد الشخص اللي سلب شرفك منك أقذر شخص في نظرك
و مهما فات من وقت و مهما طالت المدة هيكون نفس الغليل في قلبك 👌🏻
صلاح عيشني في رعب و في رعب من صغري ! حادثة إغتصابِي و إنه سلب شرفي مزلت منعرفهاش
لكن الشيء الوحيد المتأكدة منه إنه هتكون نهاية صلاح قذرة ✋🏻 ...
( و كإنه هما عطوهم القلم إنتو ليكم حرية إختيار حياة أطفالكم )
الأفكار كانت تراودُنِي
و ذكريات ترفعك و بوضعي أنذاك كنت حصيرة شيء واحد اللي هو " الماضي "
حطيت راسي بين رجليا و نفكر كنت خايفه خايفه يجي صلاح هني خايفه يلحقنِي
طق الباب و خشت هاجر
قتلي مرقدتيش
لا والله مقدرش نرقد
قعمزت جنبي قتلي مريم
قتلها نعم قتلي نعرف إنك أختي و كان بابا ديما يقول هيجي يوم و تتلاقو مع اختكم لكن إنْتِ وين كنتي
قتلها كنت نسحاب بابا متوفي تصدقي
قتلي ك كيف !
قتلها لإنه كنت عايشة في وهم اليوم بس كيف عرفت إنه بابا حي
شدت إيدي قتلي من هنضغط عليك مريم لكن صدقِنِي لكل شي حل
" و هل لشرفي أن يرجع ؟ "
قتلها إنشاء الله
دقائِق و كنت نسمع في مرت بابا ... تعالو هيا
قتلي هاجر هيا نوضي ماما مدايرة محاشي 😋
قعمزنا و كنت متحشمة نقيم عيونِي
قتلي وفاء مدي إيدك مريم خيرك ! بعدين شبحتلي و لا ما تطلعِي متحشمة مني 😕
شبحتلها و سكتت
قتلي يا ماما حني في هدا الحوش كلنا عيلة وحدة نعيشو بالموضوع و عندنا الحاضر يقسام ❤ و إنتِ أخت صغاري يعني بنتِي
ضحكتها و بديت ناكل ...
كانت نضرات بابا لزوجته توصف حب سنين و كإنه أمنتك و مخنتيش الأمانة و فاء و كنتي قد ثقتي و أكثر 🌸
أنت تقرأ
إغتصاب طفولة
Mystery / Thrillerإغتِصابُكَ لِي ... كَانَتْ سبَبَ معاناة طفلة لم تبلغ ... سَبَبَ جُرْح يَنْزِف وَلا يتوقف هَلْ تَعْلَمْ أَيي الْشّعُورِ أَصْعب ! لَا سَتَكْتَشِف هذا و لكن سيفوت الأوان ... #إغتصاب طفلة ... لن نخرج نحْنُ مِنَ المألوف هو من سيخرج مِنَّ ! حِكَايَتُنَ...
