الباب يطق ! نضت بنفتح الباب
قَتْلِي ماما وفاء أني توا نفتح ... مشت فتحت و بدت تنادي مريم ممرريييم تعالي مشيت
كانت أمي ورا الباب
شبحتلي و قالت بنتِي
قتلها بعد هدا كله تقولي بنتي
قتلي هدا وين خالتك قتلي ! و واللهي كله غصب مني
قتلها عفوا لو سمحتِي إنتِ و زوجك مصرين تطلعو في حياتي
إعترفي بغلطك قدام هادِي البنت ! شن هو اللي كان غصب عليك ... إنك تكذبي عليا او لا إنك تجاكري بوي إنتَ جاك الولد ؟ نحرمك من البنت ✋🏻
قتلي إنتِ تكبري و تتزوجي و تديري عيلة لكن اني بنقعد بروحي و عمك صلاح معاي
و هنِي حسيت بحقارة أمي قتلها أني غلطة أطلعي من حياة هادي الغلطة أرجوك اطلعي من حياتِي
حست أمي بالإرتباك قدام ماما وفاء طلعت بدون ولا كلمة !ِ🤷🏻♀️
مشيت لسريري و إستمريت بالبكاء و كإنه الحياة راسمتلي لا مريم متضحكيش متقعديش فرحانه اقعدي فالحياة اللي رسموهالك جميع أفراد عائلتك
خشت عليا ماما وفاء قتلي مريم مش بالتساعديني
قتلها نبي نقعد هني
شبحتلي وجت قعمزت جنبي قتلي يا ماما أني منعرفش شن صار معاك ! ولا كيف كانت حياتك قبل لكن شوفي إنتِ و كإنه جيتي هدية صغيرة لعيلتنا
شبحتلها و سكتت قتلي حني معاك نوضي قبل ما تجي سلمى تشوفك هكي تلبسك 😝 !!
نضت معاها و أني مقعمزة جنبها قتلي مريم حفظتي التشاهد قتله ايي لكن مزلت نغلط قتلي من هني للمغرب بالنسمع عليك راه 🤨 قتلها باه توا نراجع و مشيت جبت الورقة ونحفظ وهيا جنبي
كملت حفظ قتلها نسمع عليك قتلي هي و بديت نسمع
قتلي ااوو برافو مريم حفظتيه فيسع 😲❤ و حسستني إنه اللي درته إنجاز
مشت و جابتلي شكلاطة قتلي هادي مكافأة مني ليك
خديتها و ملامح الصدمة على وجهي 😲
و فرحتني❤ و كإنه رجعتني لأيام جداي ...
طق الباب و قتلي بري أفتحي لخوتك خشت هاجر و بعدها سلمى و خش عبد الرحمن يبكي
قتله خيرك يا بابا
قال الأبلة ضربتني لإنه نسيت الواجب
قتله تستاهل شن وراك ... ناض عبد الرحمن متنرفز خاطري يوم واحد بس يوم واحد توقفي معاي يما
شبحتله و قتله حلوه نوقف معاك عالغلط ؟؟
شفتو 👆🏻 هادي الأم رغم إنه عبد الرحمن ولدها الوحيد اللي حصلاته بعد عناء 🤷🏻♀️ ... لكن الغلط غلط و الصح صح
أما في وقتنا الحالي الغلط و الصح زي بعض 👌🏻 و الغلط نطلعوه ستين ألف عذر
خش بابا بعدهم مباشرة
السلام عليكم رد الكل و عليكم السلام
شبحت ماما لخواتِي هيا هاجر و سلمى و عبد الرحمن غيروا حوايجكم ... شبحتلي مريم نوضي وبري صلي
أنت تقرأ
إغتصاب طفولة
Mystery / Thrillerإغتِصابُكَ لِي ... كَانَتْ سبَبَ معاناة طفلة لم تبلغ ... سَبَبَ جُرْح يَنْزِف وَلا يتوقف هَلْ تَعْلَمْ أَيي الْشّعُورِ أَصْعب ! لَا سَتَكْتَشِف هذا و لكن سيفوت الأوان ... #إغتصاب طفلة ... لن نخرج نحْنُ مِنَ المألوف هو من سيخرج مِنَّ ! حِكَايَتُنَ...
