رواية #إغتصاب_طفلة للكاتبة نادية محمد
و صلنا حطيت إيدي عالباب و تلفتت لقيت وراي صلاح ! شبحت لعبد الرحمن قتله باللهي عليك إنزل معاي
قالي تمام نزلت أني و عبد الرحمن و حاسة بروحي رزينة ...
وصلنا حسيت بِ إيديا يرعشو طقيت عالْباب ... مفتحش حد
جي عبد الرحمن و فتح الباب بالمفتاح ! خشينا و كانت سلمى كيف جاية بتفتح
قتلي سلمى اا مريم
درتلها بإيدي هكي ✋🏻 و كملت طريقي
أشرلها عبد الرحمن بمعنى شن فيه ؟ قتله متخاصمين قاله واضحة إنتِ الغالطة مريم متناشب في حد !
كملت طريقي و لقيت بابا و جنبه خالي عمر ! جاني قالي مريم بنتي قدم بخطوات إتجاهي و حضني .. بعد شويه من عليا و قالي كبرتي يا مريومة
قتله خالي وين كنت !؟ طول السنوات الماضية وين اه
قال واضحة يا بنتي كنت نخدم برا و بين هدا و هضاكا مفضيتش !!
قتله أخر مرة شفتك فاها كانت في عرس أمي تقريباً ! وين كنت لما ماتت حناي وين ؟ وين كنت لما ماتت أمك خالي
شبحلي و إرتبك و هز براسه
قتله طول الفترة هادِي و أني بروحي !! ماتت حناي !! و كانت معاها مريم
إنت و أمي و خالاتي كلكم ! عيشتونِي في وهم ✋🏻 ... كل حد فيكم غلط في حق مريم الطفلة !
و طلعت من المربوعة قابلتني هاجر مريم خخيرركك مم قتلها هاجر تعبانه معنديش نية حالِياً !!
خشيت الدار و سكرتها وراي .. غيرت حوايجي و ظلمتها ...
غميت روحي بالبطانية .. السبب الرئِيسي لوصولي لهادِي المرحلة أمي !! كيف هنقدر نسامحها بعد كل شي يا الله
غميت روحِي ... ضميت كل جرح ينزف ... كل قلب يفتقد ... كل ذكرة مؤلمة
كنت في دوامة تتبع بعض الأسطر ..
و كأنِي بداية شهر و نهاية أسبوع ✋🏻
في بداية سطر و نهاية كلمة
التشتت ... معاناة أما المعاناة الأكبر هي الوحدة ! حادثة إغتصابي سر عشت في وسط عيلة خفت لكن أصعب محافظتي على الكتمان
نضت ببساطة في عالم يعشق الوهم ... يعشق معاناة الأخرين
قعمزت نجمع في نفسي و ما تبقى من مريم طلعت من الدار قابلتني سلمى قتلي يا مريم عادي نتكلمو
قتلها سلمى حاليا وضعي ميسمحليش بِ أيي كلمة والله و نزلت من الدروج لوطا
قابلتني ماما وفاء قتلي مريم بنيتي روحتي
قتلها إلي قتلي نحطلك غداك قتلها من الصبح قاعدة على لحم بطني ياريت 😅
محاولتي الإخفاء ترهقني ... قعمزت جنب جديدة و بابا مسألنيش ولا سؤال
جابتلي ماما وفاء غداي كليت ... دقائِق و خش عبد الرحمن
قعمز جنبي قال بنسألك قتله نعم شن فيه ... قال شن قصته خالك معاك مريم ؟ شبحتله بدون ما نرد
قتله قصة طويلة و منبيش نتدكرها 😅🌸
أنت تقرأ
إغتصاب طفولة
Mistero / Thrillerإغتِصابُكَ لِي ... كَانَتْ سبَبَ معاناة طفلة لم تبلغ ... سَبَبَ جُرْح يَنْزِف وَلا يتوقف هَلْ تَعْلَمْ أَيي الْشّعُورِ أَصْعب ! لَا سَتَكْتَشِف هذا و لكن سيفوت الأوان ... #إغتصاب طفلة ... لن نخرج نحْنُ مِنَ المألوف هو من سيخرج مِنَّ ! حِكَايَتُنَ...
