كسر المشاعر
بقلمي فاطمه أركان
.............................
⠀
باچر الـ باعوني والـ باگوا ضحكتي
الـ من ضعت مادوروني
الـ چلبوا بذيال غيري وتيهوها
جفوف اديه
باچر يعضون أصابعهم علية
باچر گلوب التحبني گبالي
وأستنگه إعلة كيفي
باچر الـ عافوني يتمنون طيفي
.................................
2020 نهايه شهر التاسع
عيد ميلاد رضاوي رغم هو مر كم يوم على عيد ميلاده ومن اجت سجى سويته اله
مكعدته ع كرسي هو مكعد اخو باقر بحظنه وكل شويه يضربه لان يتحرك
ملاك: ولج سجى يله روحي كعدي يم ابنج وكصوا الكيك حتى اصورج
سجى: اوكفي بس اعدل كعدتهم
ولك رضا لا تضرب اخوك
وهو جاوبها منزعج .. انتبي
حجت سجى بضحكه .. ولله يحترموني
بين ضحكه وسوالف وحجي رضاوي الماينمل منه
عكس باقر دائما يبجي
سجى بين فترة وفترة تجي يمي
كعدت الصبح سويت ريوك وشويه وكعدت سجى
وكعدوا جهالها
حطيت الريوك وسجى شايله باقر ورضا كاعد يمي يباوع بالموبايل
رن الموبايل البيده واليتصل جواد جان حاط صورته
باوعله رضا وكال .. تففف هذا عمو
اخذت سجى منه الموبايل وكالت .. هذا جواد يتصل على الواتساب شعنده
جاوبت بضجر .. عوفي يمعوده
انطت الموبايل لرضا .. وكالت امم يمكن عليج لان هو ما يتصل عليه
حجيت بأنزعاج .. خل يولي هل لزكه واحد مزعج
سجى .. ملاك هو هل فترة يريد يرجعج
ملاك .. ومصدكه اني ارجع اله .. وبعدين شعنده يريد يرجعني مو كتل روحه على حبيبته ويريد جهال
سجى .. يمعوده اصلا هو يعض بأصابيعه من الندم
هسه مرته لو يركع رأسه بالحايط ما عليها بي
تسمع وتغلس وحتى امه متندمه حيل
ملاك .. مشكلتهم هاي
سجى .. وحتى حوبتج طلعت بجهاله هسه ابنه يفتر بي من دكتور لدكتور لان اعصابه تلفانه
ملاك .. خطيه الجهال شنو ذنبهم
سجى .. هاي بعد
لج شهد صار بيها كورونا وصارت زينه
ملاك .. انتي هم سمعتي بيوم العار صار بي شي
سجى .. لا
ملاك .. شهد عار وكل شي ميصير بيها
حجه رضا بصوت عالي .. تاااافي ( كاافي )
جاوبته سجى .. لا تصيح ولك
ضرب على كصته بأنزعاج .. انتي ثون بيج ثاكمتني
ملاد ثيحي بيها ( انتي شلون بيج ساكمتني .. ملاك صيحي بيها )
ضحكت وحضنته .. يروح ملاك
أنت تقرأ
كسر المشاعر
General Fictionقصه من واقعنه المر تتحدث عن فتاه تعيش مدلله ينقلب الزمن ليتحول الدلال الى ظلم الناس يشاء القدر أن يجمع بشخص قاسي القلب فكيف تكون حياتها؟؟
