كسر المشاعر

البارت الثامن والثلاثون

"كسر المشاعر"
بقلمي فاطمه أركان
،،،،،،،،،،،،،،،،،،،،،،،،،،،،،،،،،،

شفت شيب بشبابي من وكت ليش
وشفت حسره و شفت اه وشفت ويل
ما شايف شمس بس غيم دنياي
شوكت يطلع نهاري ويرحل اليل ؟
خلص عمري عذاب بوسط آهات
تعب حيلي وبعد ما بيه كل حيل
،،،،،،،،،،،،،،،،،،،،،،،،،،،،،،،،،،،،،،
ملاك

انطينه للدكتوره التحاليل وكعدنه يمها
منتظرين تكول شطلع بالتحاليل

باوعت الي وحجت

الدكتوره: عندج سرطان بالمبيض

فتحت عيوني على وسعهن   حجه جواد

جواد: شنوو شنو يعني

الدكتوره: يعني لازم تسوي عمليه فوراً

حجيت بصوت راجف
ملاك: ويصير عندي اطفاال لو لو لا

الدكتوره: أغلب اليسونها ما صار عدهن

ملاك: ش شنوو

الدكتوره: انتي عندج اطفال

جواد: قبل صار عدنه اطفال بس ماتو

باوعتلي الدكتوره وحجت بهدوء

الدكتوره: اذا تعالجين يصير عندج اطفال يعني مو مستحيل

جسمي كله يرجف ودموعي تنزل
اريد اكوم ما اكدر
رجليه صارن خيوط  
جواد اجه لزم ايدي وكومني
ضليت اشهك
طلعني بره العياده وحجه

جواد: لا تبجين يجوز كذب

ملاك: لا لا م موو كذب هي احسن دكتوره هنا   

صعدت بالسياره واجه جواد كعد يمي ولزم ايدي

جواد: كافي لا تبجين

ملاك: سمعت الدكتوره كالت بعد ما يصير عندي اطفال
اذا اسوي العمليه

جواد: يجوز ما بيج شي

سكتت واني ابجي منهاره وبالكوه اتنفس

وصلنه للبيت ونزلت ورحت بسرعه لغرفتي
لملجئ وقت حزني

فتحت الباب وضليت اباوع للغرفه
ومكان سرير مريم فارغ واني اتذكر قبل كم يوم

كنت اسبح وطلعت ولكيت السرير ما موجود
تخبلت واني اعرف جواد هو ماخذه
اتصلت بي ما جاوب شويه ودخل للغرفه

ملاك: جواد وين السرير ؟

جواد: اخذته

ملاك: وييين اخذته

جواد: مو شغلج 

ملاك: شنو مو شغلي السرير رررجعه

جواد: ارجعه حتى كل يوم تضلين تبجين حسبالج
ما اشوفج كل يوم تكعدين وتضلين تبجين لم تنتهين