كسر المشاعر

البارت الواحد والاربعون

"كسر المشاعر"
بقلمي فاطمه أركان
،،،،،،،،،،،،،،،،،،،،،،،،،،،،،،،،،
لتكول الزمن غدار ويخون
زمانك ما غدر وانت اغدرتني
لجلك حاربت كل أهلي والكون
كلت ما اريد غيرك يل عفتني
ولا يحتاج اكلك طبعك اتخون
تعرف نفسك انت شكد خنتني
حبيتك صدك حب طفل مجنون
وانطيتك حياتي وموتتني 💔
،،،،،،،،،،،،،،،،،،،،،،،،،،،،،،،،،،،

ملاك

حطيت الجاي على النار وضليت ارتب بالمطبخ
سمعت صوت قريب مني حيل
الصوت يشبه صوت الانفجار
حطيت اديه على راسي
اجه جواد وسجى يركضون

سجى: عززه شصاار

ملاك: ما اعرف شنو انفجر

جواد: ولج هاي الجداحه حاطتها يم النار يالنادره
وانفجرت من الحراره

ملاك: عززه حسبالي صار انفجار

سجى: ههههههه انفجار ابو الجداحه

ملاك: ههههه بس ولله خفت صوتها كلش عالي

جواد: هي اكو وحده تخلي الجداحه يم النااار

ملاك: ما منتبهة

سجى: يلا ما صار شي المهم ما اتأذيتي
ولو السالفه تموت من الضحك انفجار ابو الجداحه هههه
 
جواد: يله اطلعي من الطبخ لا تفجرين الطباخ هم

ملاك: والجاي

سجى: اني اصبه الجاي يمعووده

طلعت من المطبخ ورحت كعدت بالصاله وشلت رضا
كعد يمي جواد  
اخذ رضا وهو ضل يبجي اخذته منه

جواد: شنو عمو شبيك كلما تشوفني ضل تبجي

ملاك: يخاف تعذبه

جواد: افااا اني اعذب

ملاك: لا اني !

اجه احمد جايب الجاي حطه وكعد

احمد: جواد مانأخذ الحبايب لبغداد

جواد: قصدك زياره لو سياحه

احمد: ثنيناتهن

سجى: حبابين اخذونه ولله ضايجات    

جواد: خوش نتفق على يوم ونروح

احمد: بعد باجر نروح شدكول

جواد: خوش اني ما عندي شي

صعد جواد لفوك واني صعدت وراه

جواد: سندس ان شاء الله من نروح لبغداد اخذج لدكتوره سئلت عنها قبل كم يوم

ملاك: جواد مو دا أعالج عد دكتوره شنو كل يوم
اغير العلاج

جواد: الي بغداد يكولون عنها احسن

ملاك: خوش وبعد لا دكول سندس كم مره اعيدها

قربت يمه وكتلها

ملاك: بعد لا دكولها خووش    

 ما احس اله شالني  وحجه