"كسر المشاعر"
بقلمي فاطمه أركان
،،،،،،،،،،،،،،،،،،،،،،،،،،،،،،،،،
شبيها عيونج تريدين تبجين
سواد بعينج وبالكوه تحجين
شبيج احجي لتخافين
ليش هواي ذبلانه
شنو متعب معانيج
اول مره اشوفج حيل كبرانه
اول مره احس مكسوره تمشين
واني الي اعرفج اقوى انسانه !
🍂🖤
،،،،،،،،،،،،،،،،،،،،،،،،،،،،،،،،،،،،،،،
ملاك
احس بهوسه يمي
والصوت مو واضح
الألم قوي حيل
وجسمي احس صار ثلج
اريد احجي لو افتح عيوني ما اكدر
ما اعرف شكد مر الوقت
فتحت عيوني الغرفه هادئه حيل
عضيت شفتي بألم وضليت اباوع على الغرفه فارغه
بجيت كلت هسه همه عافوني وراحو
اريد احجي ما اكدر
حتى ايدي ما اكدر اشيلها
جسمي تعبان ويوجعني حيل
على صدري الاجهزه وحتى بأديه
ضليت افر بعيوني على الغرفه
اريد شخص يمي
الألم راح يموتني وريقي ناشف
شويه ودخل جواد اجه يمي ومسح دموعي
جواد: ها بشريني شلون صرتي
هزيت راسي بأي
جواد: همزين كعدتي حتى تجي الدكتوره
تحطلج أنبوب تغذيه
كعدني على كيف وباسني بكصتي ولزم ايدي
ودخلت الدكتوره
الدكتوره: شلون صرتي ؟
حجيت وبالكوه ينسمع صوتي
ملاك: اكو الألم قوي بطني
الدكتوره: أي هذا الشي طبيعي بسبب فراغ المبيض يصير الألم
ضلت تحجي ويه جواد واني بالكوه كاعده
شربني جواد شويه مي
وهي اجت يمي لزمت الأنبوب دخلته بخشمي
رجعت راسي متألمه
جواد ثبت راسي بأيده
دخلته مره ثانيه غمضت عيوني بقوه ونزلت دموع خلصت وراحت لزم جواد وجهي بأثنين اديه
جواد: متألمه ؟
هزيت راسي بأي
باس راسي ومسح على ظهري
جواد: إن شاء الله ما بقى شي وصيرين زينه
ضليت ساكته حط راسي على صدره
بجيت مهضوم ومتألمه
شال راسي جواد وضل يحجي بهدوء
جواد: عليمن هاي الدموع الحلوه تنزل
يلا كافي اسكتي
سجى صار لها شكد تخابر عليج وانتي نايمه
ملاك: لعد وين عمه ؟
أنت تقرأ
كسر المشاعر
General Fictionقصه من واقعنه المر تتحدث عن فتاه تعيش مدلله ينقلب الزمن ليتحول الدلال الى ظلم الناس يشاء القدر أن يجمع بشخص قاسي القلب فكيف تكون حياتها؟؟
