صار الليل ...
والبيت عبارة عن عالم ثاني.
عالم مستقل ...ولعنة اللحم الرخيص صايبة الكل....
موسيقى واغاني ورقص
وزلم الوان اشكال....اني افتر بيناتهم متعجبة ومستغربة
فجاة اندفع باب الشقة
دخلوا اثنين بودكاردات وراهم رجال نظرته تخوف وهيبته تسطر...
ووواو المكان انكلب الكل اتشل عبالك وعينها ع الي دخل محد اقترب غير صافي هزت طولها وراحت تسلم عليه باسته مرة من خده وخلص ...هاي شنو ؟؟؟؟..
المهم هو السيجار بأيده ظل يتلفت حوالي وكانما يريد يعرف كلشي تمام...
وصعد فوك ورجعت الحياة عادية بالصالة والكل استأنف شغله
هو من صعد صافي طبعا وراه واشوفها تحاجيه وتشرحله مااعرف شنو بالباية الاخيرة للدرج اندارت صافي عليا اشرتلي اصعدلهم...اي هم زين واني الفضول جان راح يكتلني
ركض رحت وراهم هم دخلوا لغرفة بس مو غرفة شغل مثل البقية لا هاي بيها ميز وكراسي المهم اني كالولولي ابقي بالباب لحد مانصيحج...
انتظرت دقايق وصاحوني...دخلت عادي كانما اعرفه لا مرتبكة ولا خايفة مثل صافي الي وجهها جان مصفر
شسمج ؟؟سالني بس صوته صدك يسطر ويخوف بيه رهبة
اني ليلى...جان تأشرلي صافي بعيونها واتذكرت...العفو اني ليال....
امممم وشكد عمرج انتي
١٨ سنة وجنت..
انتي بنت لو مشتغلة قبل.....اني...
قاطعتني صافي ..معالجيها قبل لا تجي اهنا
هو ظل يباوعلي من فوك ليجوا اني مليت من الوكفة كمت اتأفأف..وهو بس ساكت ويباوع طكت روحي
كلتلهم...ادري ليشوكت نظل ناس تباوع لناس...وصافي تاشرلي اسكت...
هو لاول مرة ابتسم كال شنو الظاهر ضجتي حضرتج
كتله اي صار ساعة واكفة انكسرت رجلي ...
ماشال عينه مني وكال لصافي حضريلنا كعدة خلي الخانم ترتاح ورجعوا يباوعون لبعض ويبتسمون بس ابتسامة غريبة ماارتاحيتلها.....
وع وكفتنا ..دك الباب كالوا الغرفة جاهز...
رجعت صافي كالت جاهزة غرفتك هو كام طلع للغرفة الي بصفنا بس محد لحكه ويا ما طلع صافي اجتني ....
ولج انتي مبخته روحي وراه اشكد مابيج رضيه ولج هذا هو الي راح يرفعج فووووك...ليال رضيه هو اشوية مرضاته صعب بس لازم ترضيه...
المهم طلعت رحتله للغرفة..اييييييه الغرفة مالته عالم ثاني ..غرفة عباك قصر....
غير الصدك نسيت شلون ابدي هههه جنت محتاجة احد يذكرني....ظليت صافنة بوجهه عبالك طالبة كسلانة ناسية الدرس...
جان يكول راح تظلين واكفه اهناك ..
كلت ها اني لا اي مااعرف
كام يضحك عليا...اشرلي تعالي تعالي ...
اني ظليت واكفة ...جان يشيل راسه بنظرة وحدة رحتله اركض خب حظي صدك يخوف ...
ابد ولا لمسني ولا اتقرب بالبداية كال ابرة لو عطر تستخدمين
كلت اخاف من الابر بس عطور احب .عطر انفنتي يخبل احلى .......
جان نفس النظرة تقاطعني وتسكتني
اني ماقاصد عطرج انفنتي...وبأيده شوية مثل الطحين كال تعالي شميه رحت اشمه طلع ريحته تخبل
بس ماخلاني هواي اشم سحبها كبل..وظل يباوعلي بأشمازاز
كال اي وبعد...
اني الفهيمة افتهمتها مثل ماجان زهير يريد..كبل صرت داحاول انزع الفستان وهو ضيق وخابصة روحي
جان يكلي هاي شتسوين
كتله استاذ بس دقيقة الفستان ضيق عليا مااعرف شلون لبسته....و.
اشو مااسمع الا هو خربان ضحك....ههههههه بس مستحيل الي يشوفه يكول بحياته ماضاحك.....
اني بقيت بمكاني متسمرة ...
وهو شال سترته وفتح الباب وفارط ضحك ومستمر ...جان تجي صافي ع الصوت
هاي شكو ..تباوع عليه هو مايحجي وترجع تسالني اهز براسي اكللها مااعرف شبيه
مشى ديريد ينزل التفت والضحكه نفسها كال الصافي
كوميدية هاي اريد اشوفها كل مااجي وكمل ضحكته ونزل
لزمتني صافي من ذراعي ولج مكصوفة الركبة شكو احجيلي
كتلها ماكو شي انتي مو كلتي رضيه واسمعي كلامه
اي اي دحجي
اي اشو ردت انزع وابلش بالشغل هذا لزمته هالضحكة وماا......
جان تباوعلي صافي وفاتحة عيونها ....
شنووووو شردتي تسوين.....
.ابلش شغل....مااحجيلكم نفس الضحكة لزمتها...
بگلبی كلت ادري هسه قابل داادغدغكم..
كالت ولج كل عقلج ولج هذا الكبير الحوت تريديدين ترضيه بنزعة فستان هههههههههه
هذا احمدي ربج اصلا باوع بوجهج من اول مرة
بعد وينج ووين النزع هذا شايف وعايف هذا صاحب مزاج وكيف
وكملت هي الاخرى ضحكتها ونزلت
بقيت اني الليل كله اتكلب بمكاني ليش هو شكو غير الي جان يريدها زهير يريح نفسه وخلص
من اليوم الثاني بديت افهم الشغل ع اصوله بس بدون ماااقترب تعلمت اهز وصرت احسن من عدهن....دخلوني غرف التدليك والزبائن جانوا راضيين عليا
وضليت اراقب قصصهم وسوالفهم الي بعضها جانت تبجي الحجر
مثل قصة فطوم الي جانت منهزمة من اهلها حتى لايزوجوها واحد بكد جدها وواكعة بيد ذولي باقية سنتين بهالمكان لحد ما يوم متعرف عليها واحد من المنطقة مالتهم مستشرف رايح مخبر اهلها وسوولها كمين جماعة طلبوها تبياته راحت لكت اخوتها اهناك كتلوها
وفاتن الي عمرهاال ١٧ سنة اجيت لكيتها تخدم وتنظف الغرف وتشيل قذارتهم وتلملم الملابس المشمرة بزوايا الغرف
فاتن كل الوقت جانت تحاول تضم وجهها ومن سالت كالوا
هاي اختطفوها بعمر ال ١٢ سنة من اهلها وشوفوها الوان العذاب واشكال الوحوش اغتصبوها ويوم قررت تنهزم لكفوها وغسلوا وجهها بتيزاب حتى لاتعيد المحاولة لان الي يفوت اهنا مايطلع
عرفت قصة رنا الي جان زوج امها يعتدي عليها وبعلم امها الي جان مخرسها زوجها من كثرة الجوي وكل الي كدرت عليه هي ان تساعد بنتها فهزمتها منه ووصلوها ولد الحلال لهالمكان جانت تكول اني انطي وامارس شغلي بكل راحة ..واستمتع اعذب الرجال بطريقتي وماأخليه يرتاح بالاخير...وجانت تضحك وتكول دائما بالنهاية يسحسلوني من شعري يمسحون بيا الكاع وماينطون حسابي بس عادي
عرفت هواي قصص للبنات ...وقصص اكثر عن الي يصير ورا البيبان بالغرف..
.الفترة جانت كلش كافية حتى افتهم واكتسب خبرة....
ورااها ابدي الشغل...
يتبع....
