ظلت ابالي حجاية مالك وياي اخر مرة ووضعه الي ماينفهم... بس حاولت قدر الامكان اتجنبه كافي افتهمت قبلها هو مستحيل يلين گلبه آلی واني شمااسوي ابقى ليال الي ساعات الليل عندي كل ساعة بثمن....
مرن شهور ع الحادثة والشهور صارت سنة... .
من يوم الي صار واحنا يومية لو اكو سلام بينا لو لا... يطلع هو الصبح يرجع نص الليل....
اليوم اول مرة عيني اجت بعينه كلش وجنت متقصده حتى اوكفه يحاجيني..
بخصوص وضعي ومصيري قررت احاجيه...
صباح الخير مالك...
صباح النور ليال شو مغبشة شعندج كاعدة هالوكت محتاجة شي؟؟
اريد احجي وياك
خير ليال اتفضلي ولو مستعجل بس يلا الوكت الج
مالك اني رغم مااعرف لحد هسه انت ليش جبتني لهنا وليش اني دون البنات بس مع هذا اشكرك عشت اقلها كم شهر نظيف وهدوء...
بس هسه اطلب ترجعني لهناك واتمنى ماترفض واصلا مااشوف داعي للرفض اني...
بين مدأحجي مالك اتغير لونه وماخلاني اكمل قاطعني...
ليال هذا الشي طلعيه من راسج... واسألتج ماألها جواب عندي غير ان اني دافع ثمنج اني مشتريج تعرفين شنو يعني
انت بكل عقلك تحجي مالك انت انسان مو سيء ليش تريد تلبس ثوث مو ثوبك
نظرات مالك بهالوقت جانت كلش غريبة لمعة حيرة بيها و...
لزمني من ذراعي حيل عصر وجان حاد سنونه لدرجة صدك خوفني
ليال انهي هالموضوع انهيه انتي اهنا تبقين لحد ماتموتين وخلص الكلام
اتعصب كلش وطلع ضرب الباب قوي...
بقيت بمكاني اكل بروحي وافكر ومتنرفزة... اخر شي اجا ابالي.. اني ليش داخذ رايه الباب اكدر افتحه واشرد وين مااريد.. خلص راح اطلع...
كمت شلت روحي بكل ثقة فتحت الباب وطلعت بدون تفكير ونزلت 3 طوابق واباب العمارة اجاني احساس يخوف
من شفت الشارع ازدحام سيارات وهورنات تسطر وناس جاية ورايحة.. اني وين رايحة ليش اني شأندل من مكانات... زين ذولي الناس بلكي اذوني
ليال رجعي لمكانج انتي مو كد هالعالم...
وبسرعة رجعت للشقة جنت اركض ع الدرج مثل المجنونة خايفة ومتوترة وصلت للباب اذكرت الباب سديته والمفتاح جوا بقى شسوي مااعرف احتاريت حتى موبايلي باقي جوا كعدت بالباب مااعرف شسوي ساعتين واني بالباب وجان توكف كدامي ام صباح..
صباح الخير ست ليال ليش اهنا كاعدة حبيبتي بيج شي
فرحت طرت من الفرحة بشوفتها حضنتها وابجي
واي ام صباح الله دزج الي طلعت ونسيت المفتاح والموبايل جوا ومااعرف شسوي
يااااه عيني ميخالف بنتي سهلة هسه اخابر استاذ مالك الا اكو يمه نسخته من المفتاح
ها لا لا الله يخليج اخاف يحجي لو يتعصب عليا
لا حبيبتي لاتخافين لعد خوما نظل اهنا لحد الليل وهو نص الليل يلا يرجع
ام صباح خابرته وحجتله السالفة... ماصار ربع ساعة بينت جتوف مالك ع الدرايج وهو يصعد شوية شوية.. شفته انرعبت كلت اكيد هسه يسحلني ويمسح بيا الكاع لان طالعة واريد انهزم.. مبينه هي
السلام عليكم... ها ليال شكو ياعيني غير تنتبهين من تطلعين ع المفتاح والموبايل... يلا ماصار شي دخلوا روحي ارتاحي اكيد تعبتي ساعتين بالباب كاعدة
