قررت اشيل مالك من بالي وامسح ذيج الليلة من ذاكرتي تماما
وانتبه لشغلي ولطاولات القمار والدك والركص ماجان عندي زبون دائمي ومستمر عدا ابو عدنان الحقير الي جنت انجبر اله لان يذب فلوس بلا حساب بس شغلته جانت صعبة واشوف الموت ع ايده واكول مستحيل بعد .....يرجع يطلبني بالاسم واضعف كدام فلوسه
ابو عدنان ماجان يرتاح الا اذا يتخيلني مرته ولازم احجيله شلون اخونه بغيابه مع ابن عمه رشيد جان يلزم الحزام اي شي مايعجبه يضرب
وهو يحاول ان يريح نفسه لازم افركله واحجي
((رشيد يباوعلي بوجودك ونظراته سكسيه رشيد يريدني أله يجييني ينزعلي الدشداشة ويبوسني من شفتي وينزل لركبتي
ويكمل بصدري اووووف مااتحمل رشيد ع كيفك ويضل ينزل لحد مايريحني ويرتاح..))
طبعا كل مرة شكل لازم اشرح واثناء مااحجي هو مرة يضرب بالحزام ومرة يشتغل مثل مااشرحله عن رشيد
مجنون اختل عقله من كشف علاقة زوجته الي جان يموت عليها بابن عمه بعد سنة من زواجهم لكاهم ع فراشه سوه بالوضع الي مابيه مجال يتراجع او يسامح...قتلهم اثنينهم وانسجن وعقله صار بيه نقص ...
وعدا ابو عدنان جان يومية اشكال ناس تجينا حتى ايام الدورة ماجنت ارتاح جنت اكضيها ركص الهم لوويا زبون مهم ع طاولة القمار ومن يربح الي نسبة بسيطة..
وظل مالك يتردد بفترات صارت متقاربة بس اني افتهمت طبعه هو انسان رومانسي لدرجة يمارس رومانسيته حتى لو فقط ليلة
من جان يجي مباشرة يطلبني.. احضرله ليلة تشبه ليالي السلاطين بس طبعا يكمل شغله يطلع مايبات
اني هم اتعودت اعيش ويا حلم واول مايطلع اخذلي كاس ارجع ليال
مرت شهور وشهور. السنة والسنتين واني ع نفس الرنة... صرت تقريبا مثل درجة صافي بالاهمية
ماأطلع الا لبيوت الناس المهمة والحفلات الخاصة...
صرت الامر الناهي بالمكان طبعا ويبقى مقام صافي محفوظ
حيل دارتني صافي ابد ماانسى فضلها وهواي حمتني من الذيابة الموجودة بالمكان
وارجع اكول الوكت الي جنت احس نفسي بعالم ثاني من اكعد ويا اسراء...
صافي من جانت تشوفني وياها جانت ماتقبل احد يزعجنا من البنات واصلا هي ماجانت تسمح لاي بنت مناك ان تتقرب لاسو
شغل صافي جان حصرا للحوت...
مرة من المرات جانت كلش ضايجة ومقهورة سالتها ليش كالت اكو ذكريات تفرض نفسها احيانا علينا وتعكر مزاجنا...
وظلت تشرب وتشرب مارحمت نفسها وذاك اليوم جان المكان ازدحام فضيع وصخب دك وركص والحوت موجود كلنا مثل الزنابير نشتغل انواع الخدمات للموجودين
فجاة صافي بوسط الصالة والحوت كدامها كاعد رجل ع رجل وديراقبها من جوا جنت منتبهة أله
صارت تضحك وتضحك بصوتها الحاد خلت الكل يسكت وعينه عليها وبدت
ها يالحوت ها سلمان. ماناوي تحن ع السمج الحواليك.. ماناوي تحن عليا.... وتكمل ضحك... والحوت محافظ ع هدوئه... ما مليت ماتعبت ماشتاقيت لبنتك..
اهنا هو عدل كعدته.. وهي تحجي وتبجي وتضحك
ماناوي تاخذ اسو بحضنك.. اني والبنات نريد نسكتها بلا فايدة
ادخلوا زلم الحوت اشرلهم يبتعدون
ضلت تكمل اسراء اتعفنت بهذا المكان القذر مو كافي ضيعتني تريد تضيع بنتك..
اهنا انتفض الحوت من مكانه بكل هدوووء اتقرب من صافي وفرها براشديين الدم بدا يطافر مانعرف حلكها او خشمها..
وكعت ع وجهها خله رجله ع راسها وبدا يدوس حيل
تريدين تلوين ذراعي ولج مثل ماردتي تسوين قبل سنوات... الظاهر نسيتي الكرصة مال ذاك الوكت.. وحنيتي للوجع والالم الي سهرج ليالي لحد ما غفرتلج.. وصافي جوا رجله تتاوه وتون من الالم
اني جنت ابجي واخاف ع صافي واخاف ادخل لان اعرف الحوت مايرحم..
اهنا دخل مالك فجاة.. صاح شكوو... سلماااااان شدتسوي.. واجا يشيل صافي دفعه الحوت وزلمه اتحضروا باسلحتهم.. وزلم مالك من جه شالوا السلاح
المنظر جان مرعب بالنسبة الي والناس صم بكم من الخوف
الحوت دفر صافي ع بطنها وكال تعالوا شيلوها من كدامي.... ركضت اني والبنات شلناها للغرفة غسلت وجهها والدم من خشمها وشفايفها امسحه
وبالصالة كابة وصياحهم للضالين..
صافي كالت للبنات اطلعوا برة ردت اكوم لزمت ايدي.. ابقي انتي
كعدت.. اامريني يا روحي
جانت تبجي وصوتها يرجف
ليلى.. اسراء امانة عندج.. اني ماراح اعيش اكثر....الحوت اكيد الليلة بعد ما يصلخ جلدي يموتني
لا فدوة صافي لاتحجين هيج...
اششش ليلى ماراح يعديها الي ابد اسمعيني ماعندي وكت اني مأمنة حياة اسو بمبلغ بالبنك و فاتحتلج حساب باسمج.. الموجود بالنص يتقسم بينكم... ليلى ثقتي بيج اكثر من نفسي متأكدة ماراح تغدريها.. جنت اشوف شكد ارتاحتلج جنت افرح اشوفكم سوا...
ليلى انتي تكدرين تاخذين اسو وتطلعين منا لحياة انظف تستحقوها اكثر... تكدرين اني متاكدة..
فجاة دخلوا البنات للغرفة بصياح وعياط
لج صافي اسراء انتحرت... اني وهي ضلينا نباوع ع بعض مصدومين ومشلولين وحوالينا صياح وعياط بين مانريد نستوعب الي سمعناه...
دخل الحوت سلمان شايل اسراء....
اسراء الحلوة الرقيقة البيضة مزرك لونها..
اثاريها شافت وسمعت الي صار بالصالة بين صافي والحوت وعرفت وانصدمت بابوها
رايحة ماخذه كمية جبيرة من باودر الهيروين المخدر وهي اصلا بحياتها ماشامه.. وماراحمه روحها.. من دخلوا عليها جانت منتهيه
مااوصفلكم صافي شصار بيها..
هجمت ع سلمان(الحوت) ملخته وهو لاول مرة اشوفه منهار بس للاسف بعد فوات الاوان يلا حس بالندم....
حاولت اهديها حاولت اسكتها حاولت اصبرها وهي بركان وهايج ماجان يوكفها اي شي وحقها طبعا.. جانت تكلي ولج ليلى هاي جانت كل أهلي وناسي
طبعا بالصالة مشكلة مالك وسلمان هم انفضت وبدوا يحضرون للدفنه طبعا باجراءات مزورة ماتوصل للشرطة
بهالأثناء عفنا صافي بالغرفة من شوية هدأت
لكن للاسف جانت اكبر غلطة...
ماطول دقايق حتى سمعنا صوت ضرب جاي من غرفتها
ركضت لكيتها غاركة بدمها منتحرة بمسدس سلمان الشخصي الي التهى ونساها بالغرفة
الي يموت بهالمكان يروح من جيسه محد اباله لو مهما كان مهم ومسيطر.....
يتبع....
