شلونهم الضلوع😂💙
فهد-تركتها كاعدة و نزلت شفت ابوها متخربط و الي وياه يصحون بيه
فاتوا للديوان
كعدوا
الجد- يابه المرة صارت مرته هسه وانتو حقكم بكلشي بس هو هم شيخ و اكيد يداريها و يحطها بعيونه
ابوها-انت شدتحجي بنتي راح تموت مااطلع منا اذا مو هي وياي
فهد-عين غطه و عين فراش عمي ابقى شكد متريد
بعد ما ايسوا اهلها من سالفة انو ترجع وياهم قنعهم جدي انو يرجعون و يجيبون امها و اهلها الباقين وياهم و يبقون هنا حتى نسوي العرس خلال عطلة نص السنة
ابوها- صيحيلياهه اريد اشوفها
فهد-تعذرني عمي تفرفح وراكم اذا شافتكم تروحون
الجد-فهددد روح جيب البنية خلي يشوفوها اهلها بسرعه
فهد-بس جدي
الجد-فهد بسرعة نفذ يلا بوية
فهد-صعدتلها بسرعه اجتي تركض عليه
شمس-ها ننزل؟ يلا اريد اولي يلا
فهد- شمس تروحين بس تسلمين عليهم و تكليلهم روحوا و انه باقية هنا احسن مما تكبر المشكلة بيننا وبين اهلج و تصير مو حلوة ومثل ما الله واحد مااعوفج اني مستعد اموت و ما اخليج تطلعين منا
هسه ننزل و انتي تنفذين الي اكول عليه مثل الحبابة
شمس- هاهيه يلا
فهد- استغربت تصرفها و عرفتها ناوية تسوي شي
بس شتسوي يعني اني واكف وياهه
لزمت ايدها و نزلنا سوه
وصلت للحديقة باوعت على لبسها
فهد-شمس انتي هسه مرتي و مو مال افوتج للديوان بهذا لبسج
شمس-ميخالف اريد اشوف بابا بس هاي المرة
فهد- وكفتها بالباب و صحت اهلها كتلهم تعالوا حاجوها هنا مااقبل تفوت للديوان
اجوا اهلها لبره
شمس-وخر اريد احاجي اهلي لتبقه لازك بيه
فهد-خزرتها ووكفت بعيد عنهم
حضنت ابوها لو اني تخبلت
بقت تحجي وياهم
شمس- حضنت بابا و كتله لتخاف بابا والله اني قوية و هسه اخلي يعوفني و يتندم عاليوم الي شافني بي
روحوا انتو خاف ياذي واحد بيكم
بابا- راح نروح هسه و اني راح اوسط شيوخ و اجي اخذج غصبا على راسه انتي لتخافين ابد
شمس- بكيفك بابا يلا روحوا هسه
بابا- اكلي بابا لتأذين نفسج و شغلة كم يوم كلشي ينحل
فهد-شفتها باوعتلي رحتلها
فهد- يلا شمس رجعي للبيت
اني احجي ويه الجماعة و اجي
شمس- رحت امشي باتجاه البيت فتت للمطبخ و اسمع وحده تكول معقولة الشيخ هيج يسوي
وحده تكول خطية البنية هيج سوه بيها
والثانيه تجاوبها اكيد هي منطيته مجال ميسوي هيج وحده
فتت اني للهول الي بي الدرج
كلها سكتت
انيهم ما حجيت صعدت بوجهي للطابق الثالث
بقيت كاعده بالصاله وصافنه انتظر شراح يصير بيه
فهد- شوف عمي و الي وياك شاهدين اذا حاولت تجيب مشية او تدز عليه شيوخ او تروح تريد تاخذك حقك بالقانون ترا محد يتأذه غيركم ديربالك من هاي الحركات
اذا صار اي شي بنتك اني حاطها بعيوني
بس اخلي شوفتها حسرة عليكم و هاي اني حذرت و انت بكيفك
وخليها ببالك بس الله اذا راد يموتني يوكف بوجهي خوش؟
بقوا اهلها واحد يجر طول واحد يجر عرض
المهم للعصر راحوا
طلعت وراهم
فهد- عمي انتو جايين بسيارة وحدة
عمها- لا سيارتين
فهد- اذا متكدرون تسوقون ادز وياكم يوصلوكم
عمها- رحم الله والديك فيمالا
فهد-الله وياكم عمي ان شاء الله العرس بعد ١٠ ايام اي واحد يجي هلا بي جيبوا الحلة كلها
عمها - انشالله
راحوا و اني رجعت للديوان
جدي بقه يعتبني لان تصرفي غلط بس يدرون بيه اذا حطيت شي ببالي لو يصير باخر الدنيا اجيبه
استرخصت من جدي و رحت لفوك
لكيتها كاعده و صافنة
اول مافتت كامت
شمس- ها راحوا؟
فهد- اي هسه قبل ساعه طلعوا
شمس- انهاريت من البواجي بقيت اشهك بدون صوت واضرب على رجليناتي
بسرعة ركض فهد لزم ادية و حضنني
بقيت اعض بايده وابجي
فهد- كومتها للحمام غسلت وجهها و هي استسلمت بقت ساكته بس الدموع تدير
فهد-شجاج بوية منين تجيبين هلكد دموع
شو تعالي
كعدت عالجرباية و خليتها بحضني
راسها على صدري بقيت امسح على خدها وعيونها
بقت تقريبا بالساعتين هيج
لحدما حسيت بيها نامت شلتها على كيف و نومتها عالجرباية
ورحت سبحت دشداشتي انترست دموع
طلعت وهي لسه نايمة
خابرت على زهراء تصعدلي غده
جابت صينية اخذتها منها و رحت اكعد شمس
فهد- شمسي يلا كعدي اكلي عمري مو زين عليج هيجي راح تتمرضين والله
شمس-اممم مااا ماريد وخر ماريد اشوفك
فهد- مدتشوفيني مغمضه انتي يلا عيني كومي
شمس -ماريد والله ماريد روح روح خلصني
فهد- شلتها و طلعت بيها للصاله
خليتها بحضني
قربت يمها دجاج
فهد- افتحي حلكج عيني يلا اتجفي شري و لتخليني اعصب
شمس- وخر اني اكل ماريد منك
فهد - يلا وخري عن حضني شثكلج
شمس-خزرته و كعدت بصفة
داخذ خاشوكة
جرها من ايدي
بقيت صافنة بوجهه داكوم
ولزم رجليناتي كال كعدي اني اوكلج
بقيت كاعده
الخاشوكة الي اخذها من ايدي شمرها على جهه المطبخ
و اخذ تمن بخاشوكته قربه من حلكي
فهد- يلا اكلي بويه
شمس- كشولت وابتعدت كتله اني مااكل بنفس الخاشوكة وخر
فهد-يلا عيني لتلعب نفسج مني اتعودي
شمس- وخر ما اني بخاشوكة ماما مااكل تريد اكل وياك
فهد- يلا شمسي فتحي حلكج احسن مما اوكلج بالقوة
شمس- كمت بسرعه ورحت باتجاة الغرفة
فهد- كمت وراهه جريتها و رجعت كعدت بنفس مكاني بس روحي وصلت بخمشي
كعدتها بحضني و اخذت الخاشوكه كتلها فتحي حلكج بسرعه
شمس- بقت دموعي تدير ادري بي صار عصبي فتحت حلكي
وكلني تمن و شال بيده دجاج
فهد- يلا بعد هاي فتحي حلكج
فتحته و اني ابجي
فوت اصابعه هن و الدجاج بحلكي
ورجع هو ياكل
و بقه الاكل كله هيج لكمه الي لكمه اله
كتله شبعت كافي ماريد اكل شبعت والله شبعت
فهد- وليش دتبجين
شمس- شعليك بيه
فهد- كرصتها بخاصرتها حيل
شمس-اااااخخخخخخ وخر وخر بقيت اضرب بصدرة يا حقير بطني شلعتها وخر اريد اكوم اكرهك الله يموتك و يخلصني منك
فهد-شمرتها بعيد بسرعه ركضت للغرفة
بقيت صافن وحدي
ورا شويه لحكتلها لكيتها كاعده عالجرباية و تبجي
سويت نفسي ماشفتها اصلا اخذت ملابس وطلعت بدلت بالصاله قفلت الباب عليها و نزلت
لكيت عمامي موجودين و البيت متروس بشر التهيت اسولف وياهم
محد بيهم تدخل لان يعرفون بيه مااقبل احد يحجي على تصرفاتي
حطوا العشة و خلصنا و كلمن اخذ اهله و راح لبيته
انه اندمجت وياهم و اصلا نسيت هي موجودة فوك
كمت داصعد لفوك و تذكرتها امي صاحتلي
امه- فهد يمه تعال انه و ابوك عدنا حجاية وياك
فهد- امري يمه كولي
امه-تعال للغرفة
فهد- رحت وراها لكيت ابوي كاعد
انطوني محاضرة شطولها شعرضها
كتلهم انه مدللها و حاطها بعيوني شمسوي و هي صارت مرتي بعد ميحتاج واحد يوصيني عليها
امه- فهيّد لتبقى حابسها فوك نزلها خلي تتعلم علينا و هم تنسى اهلها شويه
فهد-صار يمه
صعدت فوك
فتحت الباب رحت بوجهي للغرفة
لكيتها نايمة و الدموع على خدها
مسحت دموعها بيدي و بست خدودها نمت بصفها و سحبتها لحظني
حست عليه بس سوت نفسها نايمة
فزيت الصبح و هي بحظني على نومتها
وخرت راسها عن ايدي حتى اكوم اسبح
فزت
شمس-فزيت لكيته بوجهي شلون صباح اكشر و يلعب النفس
فهد- صباح العسل
شمس- صباح الخير و غطيت راسي بالبطانية
راح هو يسبح اني بقيت نايمة
طلع من الحمام بدل طبعا هو يطلع بس بالمنشفه
و تعالي شمس غطي راسج كلما يجي شكد ميستحي
كمل تبديل ديرش عطر
صحت فهد
فهد-عيونه
شمس-حباب انطيني تلفوني حباب عليك الله مليت عالاقل اشوف صور اهلي
فهد-ماكو تلفون متتامنين انتي
شمس-حباب والله ماسوي شي حرام عليك فوك ما حابسني هنا
والله هسه ماما تتمرض من تسمع و خطيتها بركبتك
فهد- يبو شكد تحجين هسه انطيجياه
شمس- منك من الشيطان
فهد- بخزرة - هاا ابطل؟
شمس- لا عفية ماعيدها
فهد- انطيتها تلفونها و نزلت صبحت على جدي و ابوي و امي
تريكت و كتلهم عندي طلعه للمعارض يمه فدوة اذا كعدت زهراء خلي تصعد شي لشمس تاكله ترا على غده امس
امه-صار يمه لو انه اكدر اصعد جان صعدت بس رجليه ميعينني
فهد-متقصرين بعد كلبي الغالية وباسها براسها
شمس- اول ما انطاني تلفوني ركض ركض خابرت ماما حاجاني مهبوطه
ماما- شلونج يمه خما اذاج احجي كليلي
شمس-هلو ماما مشتاقتلج والله كلشي مابيه لتخافين ماكو شي
ماما-ضربج؟اذاج؟ احجي ماما
شمس-لا والله ماما ما سوه شي لتخافين
ماما- هو وين لكاج شعده وياج ليش هيج سوه
شمس- سولفتلها القصه من البداية
ماما- يمه ليش هيجي ولو هسه فوك همج اكعد الومج اني
بس كليلي ليش ما سولفتي جان اجه ابوج يمج اخوج واحد من ولد عمامج ليش بقيتي ساكته ليش
شمس- ماما والله ماردت اقلقكم ماعبالي هيجي يصير
ماما-وين كاعده انتي منو يمج اهله خوما واحد حاجاج اذاج
شمس- لا ماما فوك وحدي البومه مسوي طابق بس اله ومانع اي واحد يفوتله
ماما- حاجي اختج تريد تحاجيج
ميار- ها ولج
شمس-صخونة اكو وحده تحاجي اختها المخطوفه هيجي
ميار- انجبي لتخليني ابجي
شمس- بقيت احجي ويه اهلي كلهم فوك ال٣ ساعات بالاخير ماما حاجتني كالت ابقي اتصلي بيه شوكت ماجان اربعه و عشرين ساعه خاف يجي يمج بس خابريني حتى ميكدر ياذيج
شمس- صار ماما هاهيه بيباي
