فهد- الو تفضل
علي-منو حضرتك
فهد- اسمعني لك عار اول شي مالك علاقه انه منو و ثاني شي بالك و اياك احس الك علاقة بشمس لا من بعيد و لا من قريب انه حذرتك هسه ترا بعدين تصير مو حلوة قسما بالله رجليك اكسرهن اذا لكيتك يوم تحاول تمشي من كدامها
علي- اول شي لتتجاوز و شمس اختي اتدخل بيها غصبا عليك
فهد- كافي اش دخت مالي خلك اسمع حثالات اني حذرتك و قد اعذر من انذر
وسديت التلفون
باوعت عليها لكيتها نايمة على الملابس و الدموع على خدها كسرت خاطري
كمت على كيفي حطيت ايدي جوه راسها و الايد الثانية جوع رجليها حتى اشيلها
اول ما رفعتها فزت بقت تبجي و تضرب بصدري
نومتها عالجربايه و غطيتها و اجيت من الجهة الثانية نمت
هي تدنت على طرف الجرباية و بسرعه نامت
ورا شويه حسيت بشي ضرب بطني باوعت لكيت ايدها على بطني سحبتها الي اكثر حضنتها بقيت اباوع عليها
و احجي بكلبي
شوكت حبيتج شوكت عشكتج شنو الحلو بيج حتى هيج سويتي بيه
لج انه الشيخ فهد ولا وحده هزتني تجين انتي تالي عمري تحرميني ليلي و نهاري
بقيت هواي افكر الا ان نمت بدون ما احس على نفسي كعدت بالسته لكيتها على نومتها كمت بستها من راسها و غطيتها زين و رحت سبحت و بدلت و نزلت طبعا عفت الباب مفتوحه
لكيت الكل كاعدين جوه صبحت عليهم
الكل -صباح النور
اسد- اجه حظني و بقيت ابوس بي
جدي-صباح الخير يشيخ تعال تريك و الحكني للديوان
فهد-صار شيخ تؤمر
ام فهد-هلا بشيخ الشباب هلا يمه تعال اكعد
زهراء-هلا خوية تعال اصبلك جاي
فهد - اي والله خوية استعجلي جوعان
كعدت تريكت
وراها كلت لزهورة
يبعد اخوج اصعدي نظفي الفوك عفت الباب مفتوحه
زهراء-شيخ و البنية الي اجت البارحة
فهد-بعد اخوج اذا لكيتيها نايمة لا تكعديها و اذا كعدت قنعيها تاكل ترا من البارحة الصبح لسه ما ماكله شي و لتسأليها زايد خوش خيتي
زهراء-خوش خوية تتدلل
فهد-امي ماحجت شي رحت للديوان ورا جدي و انه ادري يريد يحاجيني علمود شمس لان بصراحة هذا التصرف مو مني
دخلت للديوان رحت على جدي بست راسه و ايده و كعدت
و كتله كول شيخنا
الجد- تعال وليدي البارحة سمعت الي صاير بس كلت اسمعه منك
فهد- جدي انه عاشكها و هي تسوي تصرفات ماتعجبنا و مو من ثوبنا و انه لازم اربيها
الجد- زين بويه وين اخلاقنا و احنا شيوخ شنهي تروح تنهب البت
فهد- جدي والله اليوم راح اخابر اهلها و اعقد عليها لان حطيتها ببالي و انت تعرفني بعد
الجد-بويه انه مااكدر امنعك بس خليها ببالك الي دتسوي غلط دتظلم البت وياك و انه ما اساندك ابد على هيج تصرف
فهد - لتخاف جدي ميصير شي انه اعرف اتصرف
الجد- اليوم عدنا كعدة صايرة مشكله بين عشيرة الـ ....و عشيرة الـ .... و اجه واحد منهم نخانا نفوت بينهم و نوكف الدم
فهد- صار بويه اليوم نشوف شنو نسوي
اودعناكم جدي لازم اروح للمعارض كالوا صايرة مشكله هناك
الجد - مودع بالله بويه
زهراء - صعدت لفوك اريد انظف لان الشيخ كلي فتت للصاله لكيت حذاء و جواريب
نظفت الصاله و المطبخ و الغرف
فتت لغرفه النوم
لكيتها متغطية بالبطانية حتى راسها و الكاع متروسه ملابس الشيخ كلت الله يستر هاي شمسوين
بديت ارتب بالملابس على كيفي حتى لا تكعد
ورا شويه وكع عطر من ايدي هي كعدت
كامت تفرك بعيونها
شمس- صباح الخير
زهراء - صباح النور اسفه كعدتج والله بالغلط
شمس- لا عادي بس انتي منو
زهراء - انه زهراء اخت الشيخ فهد
شمس - و اني شمس تشرفت بمعرفتج
زهراء - الي الشرف
شمس- اكلج فهد وين
زهراء - ااا قصدج الشيخ طالع عنده شغل ووصاني عليج انطيج اكل
شمس - لاعفيه ماريد بس طلعيني منا الله يوفقج
زهراء - اسفه خيه والله يصير كتلي حلال
الشيخ محد يكدر يعترض على كلمته لو بيدي بعيني والله
شمس - زين شوفي اني راح اطلع منا و انتي بس اسكتي و لتخلين واحد يعرف
زهراء - حبيبه اذا تريدين تحافظين على حياتج ابقي هنا و انتي ساكته ترا انتي يمكن لسه متعرفين الشيخ اذا خله شي براسه شيسوي
شمس- يطبه مرض شعليه بي وخري عني راح اطلع و انتي لتحجين شي واذا سألج كليله صعدت نظفت و عفتها نايمه و طلعت
زهراء -اسفه خيه والله مااكدر
شمس- ايع كلكم نفس الحقاره انطيني تلفوني وين
بقيت ادور على تلفوني مالكيته
كتلها زين انطيني تلفونج بس اريد اخابر على اهلي
زهراء - ماعندي تلفون انه الشيخ ميقبل
شمس - ياربي شكد متخلف و حقير
زهراء- كافي عيني ميصير هيج تحجين عالشيخ انه ما راح انقل الكلام بس ديربالج لا يسمعج و انتي تحجين هيج
شمس-خلي ياكل خرا شيسوي خلي يسوي
زهراء- الحجي وياج ضايع كومي غسلي خلي اصعدلج ريوك
شمس- اذا كملتي روحي نزلي ماريد سم منكم الله يموتكم
زهراء - احترمي نفسج و خليني محترمج لا تدعين علينا ترا انه لخاطر الشيخ ساكته
شمس-روحي عني روحي و بقيت ابجي هنا صعد فهد
فات للغرفه
فهد- صباح الخير
شمس-بقيت ابجي ما حجيت
زهراء - هلا شيخ خلصت تنظيف و البنية متريد اكل انت قنعها
فهد- شمس كومي اكلي يلا حتى اوديج لاهلج
شمس- بس وديني ماريد زقنبوت
فهد- ماكو روحه بدون اكل يلا ابوج صارله ساعه يتصل عليج و انه انطي رفض
شمس- حقير كلب هسه بابا يبقى قلق بسببك اكرهك اكرهك
زهراء-حطيت ايدي على حلكي من صلافتها
فهد- رحت جريتها من شعرها كتلها انه اعلمج الحقير شيسوي
فتحت تلفونها و خابرت على ابوها
كلت الو
بابا-الو منو حضرتك وين بنتي احجي شصاير عليها احجي
فهد-مابيها شي اهده بس انه هسه تكدر تكول خاطفها و اذا تريدها تعال للناصرية و اخذها مع السلامه
و سديت الاتصال ما انطيته مجال يحجي
شمس- بقيت ابجي بهستريا كمت يمه بقيت اضرب بي حيل على بطنه و على صدرة و اغلط و ادعي عليه
زهراء صافنه
فهد- بقت تخربط بالحجي و تضرب و حقها خطيه السويته بيها مو هين لزمتها من اديها كل قوتي و جريتها للحمام فتحت الدوش على راسها
شمس- وخر وخر المي بارد كلب اكرهك وخر
فهد- سديت الماي و تركت ايدها راحت للمغسله تريد تغسل وجهها بماي دافي
شمس- اول ما فتحت المي شهكت على ركبتي صايرة زركة على بنفسجي و بيها اثر سنون
كمت اصيح بكل صوتي بكلمات مو مفهومة و طلعت رحت اخذت البطانية و غطيت كل جسمي و راسي لان متت برد
زهراء- خوية اجيبلها ملابس من عندي لا تتمرض هيج
فهد- لا خيتي نزلي انتي ماقصرتي و الي صار هنا ميطلع
زهراء نزلت
و كمت طلعت من ملابسي فانيله و بنطرون و جاكيت
و رحت شلت الغطه منها لكيتها ساكته و صافنه
توقعتها ترجع تصيح ماحجت شي
شلتها كعدتها و هي مطلعت اي ردة فعل
لزمت البدي الي لابسته ردت انزعهياه حتى البسها جاكيتي
