شلونكم حبايب والله مشتاقين ترا 🥺♥️♥️♥️
بسرعة دفعت ايدي منها كتلها راح اطلع انتي بدلي ٣ دقايق و افوت للغرفه اذا لكيتج ممبدله اني ابدلج
شمس-..
فهد-طلعت ورا ٣ دقايق فتت لكيتها دتحط الحزام مال بنطرونها على بنطروني الي لابسته شكلها يضحك ضايعه بهدومي
و شعرها مبلل كله و هو ثخين حيل
كلت هسه تتمرض رحت جبت الفير و اجيتها
و هي بقت على كعدتها عالجرباية ماتحركت
بديت انشف بشعرها بس بالفير بدون فرجة النوب من نشفته صار حيل جبير طبعا هي صابغته ازرك بس الصبغ بادي من نص شعرها للنهاية
شمس - ورا ما كمل شعري و اني استسلمت بعد مالي خلك احاجي شي اول ما عاف شعري بسرعه نمت مثل الجنين
كام هو غطاني بالبطانية
طبعا اني احشائي تتكطع من الجوع و العطش
ورا ما غطاني طلع من الغرفه وره نص ساعه تقريبا اجه و بيده شوربه
اول ما شفته سويت نفسي نايمة
اجه حط ايده جوه راسي رفعه كال كومي اكلي بويه ادري بيج كاعده
شمس- ولي ماريد
فهد-كومي بنيتي يلا هسه توكعين
شمس- اني مو بنيتك و لتحجي ويايه ابد اكرهك ماحب اسمع صوتك
فهد- بنيتي و غصبا عليج يلا يشيخة كومي هاي التصرفات متلوكلج
شمس - دفعته حيل من جتفه و رجعت غطيت راسي و نمت
فهد- لعبت روحي من عنادها كمت شلت الشوربه و شمرتها عالحايط تكسرت الطاسه و ملابسي تدمرن و الغرفه و هي على نومتها ماتحركت ابد كمت بدلت و نزلت لازم اولي للمعارض بعد
صحت زهراء حتى تنظف الغرفه و كتلها ابد لتحاجيها ولا حرف ووصيتها تغسل ملابسها
و طلعت
زهراء- صعدت للغرفه لكيت الغرفة زبالة الشوربة عالملابس وهي نايمة عالجرباية ابد متتحرك بصراحة انكسر كلبي عليها كملت تعزيل و طلعت لكيت فهد جوه
فهد-ها زهورة لسه نايمة؟
زهراء-اي خوية لسه بس اكلك انت ليش هيج سويت وياها
خزرني و صعد
فهد-ماعرفت شنو اجاوب زهراء لان حتى انه مااعرف ليش تصرفت هيج
صعدت لكيتها على نومتها كعدت بقيت امسح على راسها و هي غافيه
تذكرت تلفونها بجيبي
فتحته خابرت على ابوها من جديد
خطيه لكيت حال الضيم حاله كال اني هسه بالطريق وين عنوانك
كتله من توصل للناصرية خابرني و الله كريم
ابوها- انطيني بنتي احجي وياها
فهد-نايمة مو هسه
ابوها-بصياح-شسويتلها ها احجي لا اقتلك وميرفلي جفن والله لاخلي امك تون عليك كو...د
فهد-سديته بوجهه و غلقت تلفونها
مددت بصفها و جريتها لحضني بقيت صافن و افكر شلون اتصرف اذا اجه ابوها
مو خوف بس اعرف بنفسي انه الغلط و ميحقلي اسوي هيج
بعدين تذكرت انه الشيخ فهد اكيد الكه طريقة
غفيت واني اتأملها
ماحسيت غير على شي يضرب ببطني
كعدت لكيتها تضرب بوكسات
فهد-هدي بوية هدي شبيج انجلبتي
شمس-ببكاء-وخر عني ماريد اشوفك اكرهك وين بابا اريده الله يموتك و اخلص منك
فهد-باوعت للساعه لكيتها بالخمسه الصبح
كومتها وسحبتها وياي للحمام غسلت وجهها و رحت جبت ملابسها من المشر
كتلها كومي بدلي ابوج جاي الصبح
شمس-تخليني اروح ويا مو ؟ شوكت يجي ؟
اختنكت منك
فهد-بضحك-متروحين وياه بويه انتي مدام طبيتي لهنا بعد متطلعين انت بس لفهد خليها ببالج هالكلمة
شمس-كعدت ابجي و هو طلع كمت بدلت و اني افكر شلون اشرد منا
كملت وهو اجاني
فهد-ما الله يهديج و تكومين تاكلين
شمس-اكل سم انشالله اموت و اخلص منك
فهد -بعدني ممجاوبها خابر عليه الحرس الي بالباب
كال شيخ اكو ٤ زلم اجوي طلبوك بالاسم و ميقبلون يحجون شيريدون
فهد-فوتهم للديوان و انه هسه جاي
شمس-هذولي اهلي مو
فهد-لا ميعرفون العنوان بس انشالله اليوم قبل الليل اكيد يجون
نامي انتي بوية ارتاحي
شمس-اخذ ملابسه و نزل
واني كعدت افكر بدون جدوى
فهد-نزلت لكيت جدي ديتريك سلمت عليه و بست ايده و كتله اكو كم واحد بالديوان تروح نشوف شبيهم
الجد-يلا بوية امشي شعدنا بس ماتتريك جدي لا تروح للطلايب على لحم بطنك
فهد -تسلم بوية مو هسه خلي نشوف هذول بالاول
فهد-طلعنا اني وجدي للديوان لكينا اربعه
واحد ابوها اني اعرفه يطلع عمره يجوز ٤٠ وواحد اخوها هم اعرفه عمره ١٦ او ١٧
وواحد ماعرفته عمره اربعينات وواحد هم ماعرفته يطلع نهاية العشرين عمره
تفاجئت منين عرفوا هي هنا
سلمنا عليهم وهم بس يصيحون و جدي يهدي بيهم يكلهم حقكم بوية حقكم نرضيكم احنا و انه ماراضي على تصرف ابني
هم من شافوا موقف ابني هيج هدءوا شويه
بس اخوها يشيل بنفسه و يركع كل شويه يهد يريد يجيني و ابوه يلزمه
فهد-انتو منين عرفتوني و اجيتوا
ابوها-رحنا للاتصالات و طلعنا الموقع و اجينا
وهسه كوم جيب بنتي اريد اشوفها احسن مما اتصرف غير تصرف
فهد-ماشي عمي ميكون الا خاطرك طيب بنتك بالحفظ والصون و انه الصراحة عيني عليها و كلت بس ترجع للبيت اجي و اطلبها منك بس هي فعلتني بتصرفاتها و سويت الي سويته و انه اعرف بي غلط و احنا شيوخ و متطلع من عدنا العيبه
عمها - يعني انت ترضاهه واحد يحط عينه على وحده من اهلك ويسوي سوايتك
فهد-لا عمي طبعا مااقبل بس انه غير مستحيل ااذيها
وهسه رخصوني اروح اصيحها
طلعت و خليت جدي يقنع بيهم
لكيت بوجهي عمامي وولدهم سلموا عليه و فاتوا للديوان
صعدت لفوك لكيتها كاعده وصافنه
كتلها اهلج جوه كومي نزلي يريدون يشوفوج
كمزت عليه
شمس-صدك؟ عليك الله؟ يعني راح اخلص منك يلا امشي خلي اشوفهم
فهد اوكفي عدلي حجابج
شمس-عدلت الشال مابيه حيل اناقشه و اصلا اهلي هنا يعني امنت
نزلت وياه واني فرحانه
لكيت كومه ناس كاعدين بالهول
هو يمشي كدامي
اني بقيت صافنه عليهم منين طلعوا هذول مو جان البيت فارغ اول ما اجيت
فهد-شفتها صافنه جريتها من ايدها وكملت طريقي و هي وراي
فتنا للديوان ماكو غريب
اول ما فاتت راحت ركض على ابوها حضنته و بقت تبجي
الجد-يابه انه اعرف تصرف حفيدي غلط بس هو عاشكها و انه هسه اطلبها منك
ابوها-مالكم مرة يمي و حتى دوام بعد مااخليها تداوم هنا لو اعرف ابطلها
فهد-ليش عمي شنو القصور البيه اشو شيوخ و ينحلف باسمنا
ابوها-ها بابا خوما سوالج شي احجي كليلي لمسج؟
شمس-لا كلشي ماسوه حباب خلي نروح منا
فهد-ماجاوبني بقه يحجي ويه شمس عصبت حيل وكلت
جدي خابر على شيخ يعقدلي
ابوها-شنو الخرابيط هاي كومي بابا يلا خوية امشوا بعد ما عدنا شغل هنا
فهد-عمي ماكو هيج حجي و جريت شمس من ايدها حيل وكع شالها
همزين شعرها منثور على ركبتها لان لو شايفيهه اهلها جان كبرت المشكلة اكثر
اني بسرعة جريت الغترة الي على راسي و لبستهياه
وكلت لجدي استعجل خلي نفضها
بقيت لازم ايد شمس و هي تحاول تفلت ايدها مني
و اهلها يصيحون و يهدهدون بس ولد عمي و عمامي بوجهم ابد ما كدروا يوصلون
ورا نص ساعه تقريبا اجه الكهوجي كال شيخ اجه السيد يعقد
حطيت حلكي يم اذانها كتلها شوفي مثل ما اخذتج بالقوة و هذول اهلج ميكدرن يسوون شي
اذا ما وافقتي عالزواج تعرفين شسوي
اكتل اخوج و اطلع منها ومحد يكدر يحاجيني
صيري عاقله و نفذي كلشي و اني اعيشج ملكة
شمس-بقيت ابجي و اني اسمع كلامه و مااعرف شسوي و ادري بي مخبل و صدك يسويها و يكتل اخوية
بقيت ابجي بهستريا حتى اهلي سكتوا و اهله سكتوا بقه الكل يباع عليه
فات السيد
كال اني مااكدر اعقد اذا البنية ما راضيه حرام هالشي
فهد- سيد تعقدلنا لو نجيب غيرك لتأخرنا
بده الشيخ يحجي و من سالني بقيت بس ابجي ابد ما حجيت
اهلي يصيحون رادوا يتخبلون و هو اهله واكفين سد بيناتنا غمز لواحد منهم راح خله مسدس يم بطن اخوية
و غمزلي فهد بمعنى يلا
شمس -ابجي بكل قوتي و كلت " نعم انت وكيلي "
اهلي بقوا صافنين ميدرون ليش وافقت
قبل منعقد السيد سأله عالحاضر و الغايب خله رقم خيالي
اجاني بابا كال ليش قبلتي؟
ما حاجيته بقيت بس ابجي و اشهك مثل الطفل
فهد-انه وصيت ابن عمي اذا ماوافقت يكتل اخوها
ابوها - بقه صافن ماعرف شيحجي بعد وهو يعرف ميكدر يسويلي شي لا بالقانون و لا بغيره
فهد- سحبت شمس و طلعتها من الديوان اجوي اهلها يركضون وراها
شمس- وخر خلحجي ويه بابا
فهد- عفتها يم اهلها و رحت ليغاد عنهم
شمس- روحوا هاهيه عوفوني هنا و ابد لتجون لهنا
اني اعرف ارتب وضعي و اجي يمكم اخلي يطلكني والله
لتخلوا يلزمني بيكم روحوا
والله مخبل و كلشي يسوي حبابين كافي والقران اذا صار شي بعد اكتل نفسي و اخلص روحوا
ابوها- شنو هالخرابيط منطلع منا اذا مو انتي ويانه
شمس- ميخليني اروح والله
ابوها- مو هي بكيفه تايهه انتي و ميخليج
فهد- رحت يمهم
كتله عمي ترا بنتك صار ٣ ايام و لا قطرة اكل و لا قطرة مي انه اكول لو تقنعها تاكل احسن من هذا الحجي الي مابي فايده
ابوها- تعاي بابا ليش مماكله يلا امشي هسه نروح لمطعم و مناك للبيت يلا مسحي دموعج و امشي
فهد- وين خير تروح انت الله وياك مرتي مكانها يمي
ابوها- اكل خرا لا اطيح حظك مرتك منين اجتي انعل ابوك لابو حتى مرتك وياك
فهد - تخبلت سحبت شمس بكل قوتي و كتله اني الك والله اخلي شوفتها حسرة عليكم
بقيت اجر بشمس و هاي بالكوة تمشي خارطة
دامشي وحسيتها وكعت
مغمي عليها
شلتها وركض لفوك
نومتها عالجرباية و بقيت اذب مي عليها
فزت تبجي
شمس- حباب اريد اهلي والله ماحبك
فهد - انقهرت عليها هواي بس شسوي مو بيدي و القرار مابي رجعة
رحت جبت البيتزا الي اشتريها البارحة
اخذت منها قطعه و كتلها يلا فتحي حلكج اذا اكلتيها اخليج تروحين
اسبوع و تجين
شمس- جذاب ماريد ولي عني اريد اروح
فهد-بكيفج بعد انه العليه سويته و انطيتج فرصة بس انتي عاجبتج الكعده يمي
شمس- كرصته بايده حيل - شكد حقير و جلب اكرهك واخذت البيتزا منه
بقيت اكل خلصت القطعه
انطاني قطعه ثانية
فهد- يلا هاي هم تخلص بسرعه
شمس- مااكدر اكل بعد وخر جيبلي مي
فهد- طلعت جبت بطل من الثلاجة
شمس-افتحه مااكدر
فتحلياه و شربت كتله يلا خلصت كوم خلي ننزل اريد اروح ويه اهلي يلا
فهد- ابقي هنا اني اتفق وياهم و اجي
