ها هلو مشتاقين 😂🖤🖤
شمس- كعدت بالليل بقيت احجي ويه اهلي متعوده كل يوم ابقى اخابرهم هواية
وراها راجعت للامتحان مال باجر و نمت
كعدت الصبح لبست اطول بدي عندي و جان شويه فوك الركبه و لبست الشال بدون ما اطلع شعري و بنطرون شوي بي عرض
ورحت للكلية
تلگوني علي و زيد و منار مخبوصين عبالهم بيه شي لان البارحة حركوا التلفون عليه و اني جنت حاطته صامت و نايمة و من كعدت تعاجزت احاجيهم مالي نفس
المهم بقوا يسئلون شصار و شسوه بيج و خوما اذاج و من هذا الحجي كتلهم لا ماسوه شي بس حجينا و راسي يأذيني فدوة عوفوني
هم همين مكالوا شي بقوني وحدي
خلصت الامتحان و خلصت كم محاضرة و طلعت بس ابد ما لمحته
و ما اطول عليكم مر تقريبًا شهر كامل و هو ماكو
واني كلت هذا يجوز نساني اصلا
رجعت علاقاتي و حياتي طبيعية كلش
رجعت نفس الملابس ونفس التصرفات و بقيت مرتاحه كلش
فهد- ورا ما رجعتها للقسم و رجعت للبيت لكيته خبصه و كلها تصيح كتلهم شكو كالوا الشيخه متخربطه و هسه بالمستشفى انه بقيت اصيح ليش ما خبرتوني و ليش انه اخر من يعلم
كالوا شيخ والله نتصل عليك و مترد باوعت لتلفوني لكيتهم صدك داكين و انه ما سامع من ورا هاي الگح..ة
رحت بكل سرعتي للمستشفى شفت جدي حالته حاله لان هو حيل متعلق بيها جانت بنت عمه و عشكها من هي صغيرة و نها عليها و تزوجها
بقينا للصبح بالمستشفى ثاني يوم طلع الدكتور كال البقيه بحياتكم هنا الصدمة
جدي انهار و تخربط شلته و بقيت اصيح بنص المستشفى
اجوي الدكاتره خلوله مغذي و انطو منوم حتى ينام لان كالوا ميتحمل صدمة كلبه تعبان
رحنا للنجف ندفن الشيخه رجعنا رحت لجدي بقيت ابوس بايده وراسه كتله جدي كلنا على هذا الطريق و انت سيد العارفين و من هذا الحجي طلع جدي و رجعنا للبيت صارت الفاتحه و اجوي شيوخ من شمال العراق لجنوبه صارت الفاتحه وحدها شهر و طول هذا الشهر اني باليوم انام ساعه تدمرت
كامت تخف العالم و رجع الوضع طبيعي بس البيت ضوجه و جدي تعب حيل
تقريبا صار شهر و نص جدي كال تعال بوية فهد الحكني للديوان
كتله صار جدي
رحت ورا كال تعال اكعد بوية عندي حچي وياك
شوف جدي انه تعبت و انه ما اكدر اعيش بدون حبيبة عمري و انت تدري
كتله جدي اسم الله عليك من عمري على عمرك
كال وليدي شوف انه بعد مو مال دواوين و مشاكل انه خلص حيلي و بعد ما فكرت زين اختاريتك انت تاخذ المشيحه مني لان محد يستاهلها غيرك
كتله جدي مااكدر اني و دوامي و انت الخير و البركة
كال كافي ماريد اعتراض و هذا الخميس نسوي وليمة نعزم بيها كبارالشيوخ حتى الكل يشهد على تسليم المشيخه الك
اجه الخميس و صارت الوليمة و هسه انه شيخ عشيرة الـ ....
مشت ايام و صار لازم ارجع لدوامي لان خلص هواي عفته
طبعا طول هاي الشهرين ماراحت بالي و اني استغربت الوضع
لان انه ماكو وحده هيج اخذت تفكيري گبل
المهم كلت باجر احد و لازم اداوم
صار الصبح بدلت و رحت و انه الطريق كله متلهف اشوفها
اريد اشوف مشت بكلامي صح انه خليت واحد يراقبها بس ماجان الي خلك احير بهيج سالفه جان اكو هواي شغلات اهم
وصلت للكلية و اني عيوني تدور بين الطلاب بلكت المحها
شمس- مر شهر ثاني و هو ماكو اني هنا اطمئنيت ميه بالميه انو هو بعد خلص مموجود حتى نسيته
لحد ما اجه يوم و جان امتحان مد تيرم
اول امتحان
رحت و بوجهي للكافتريا لان ممتريكة تريكت و من داطلع لكيته بوجهي
بقيت صافنه و مصدومة و نشف الدم بجسمي دنكت راسي و ردت امشي
فهد-صباح الخير شمس
شمس- و اني ارفع راسي صباح النور فهد
فهد- ها الظاهر نسيتي كلامي و اشوفج نفس وضعج
جان عندي اشياء اهم منج بس هسه فرغتلج
شمس- رفعت عيني بعينه و كتله عندي امتحان ممكن اروح
فهد- ابتسمت بوجها و كتله ماشي روحي
شمس- رحت ركض بس اريد اشرد منه كلش خفت
فهد- ورا ما كتلها روحي بقيت متفاجئ من نفسي شلون ما عصبت عليها و انه جنت ناوي اذا شفتها مملتزمة بالي كلته اكفر بيها
بس يلا خليها على راحتها
شمس- طلعت من الامتحان و رجعت للقسم و همين كعدت اقرا
و رحت ثاني يوم شفت فهد وبقيت وين ما اروح اشوفه كبالي بس ابد ميحاجيني بس يخزر بيه
طبعا اني بهاي الفتره الي اشوف بيها فهد اتجنب احجي ويه علي و زيد
مرت الايام و صار اخر امتحان
كلت لزيد و علي و منار يابه اليوم اخر امتحان امشوا اليوم اني عازمتكم فَـ كالوا ماشي نروح بسيارة زيد كلنا
خلص الامتحان و رحنا دنصعد بالسيارة
فهد- بقيت يوميه اشوفها و صرت كل يوم اجي متلهف على شوفتها اليوم اخر امتحان كلت اكيد راح ترجع لاهلها حيل ضجت ماادري حسيتها شي خاص بيه و ماريد يروح مني
بعدين كلت لا فهد كافي مو انت الي تمشي كلبك وحده كح..ة
شفتها طلعت من اخر امتحان كلت خلي امشي وراها ماادري شنو الدفعني اسوي هاي الحركة مال المراهقين
شفتها تمشي وياهم كلت ميخالف خلي ما احاجيها اشو هاي راحت صعدت بسيارة واحد منهم اني هنا دين مابقى براسي
رحت ركض فتحت باب السيارة و نزلتها شحط
نزلوا الكو..د ملاتها كالوا بأي حق انت هيج تسوي لزمتهم و دگ اجتي الكلية كلهه ياله خلصوهم من ايدي و هي واكفه و تبجي
وخروني عنهم وراحوا جابوا امن الجامعه من شافوني كالوا ها شيخ خير كتلهم روحوا من وجهي بسرعه هم هم مجذبوا خبر راحوا سحلتها و اخذتها شمرتها بالسيارة
كتلها ها يالگح..ة وين موليه وياهم تريدين واحد ين..ج هاا؟ بصياح
شمس - بانهيار و بجي و صياح - الله يموتك الله ياخذك شعليك بيه ليش هيج تحجي عليه لك اني اشرف منك و من عشيرتك كلب حيوان همجي
فهد- سهله شمس سهله اني اعلمج منو الحيوان و الهمجي
شمس- بقيت ابجي طول الطريق لحد ما وصلنا لطريق تبليط بس منا و منا بساتين
و بنهاية الطريق اكو بيت بس مو بيت بكد عشر بيوت كدما جبير
بقيت ابجي مهتميت لان قريت على روحي الفاتحه
نزل من السيارة و اجه يمي نزلني و گال
