مرحبا
اني شمس(مستعار لان الشيخ ميقبل اكتب اسمي الحقيقي🤦🏻♀️)
تبدي قصتي من جان عمري ١٩
بيتنا بالحلة و كاعدة ويه عائلتي بهدوء و ماعندي لا هم و لاغم
طبعًا عائلتي تتكون من
ابوية عمره ٤٠
امي٣٨
اخوية (محمد) ١٧
اختي (ميار)١٤
اخوية (امير) ٩
اني الجبيرة بأخواني و ثمرة حب بابا و ماما
جنت المدلله و الي محد يكول الها لا
طبعًا اني مو طويلة طولي ١٥٨ و جسمي كلش حلو رشيقه من مناطق و متروسه من مناطق فَـ صاير حلو و متناسق و كل انواع اللبس تطلع حلوة عليه
عيوني مو كلش كبار وسط و لونهن بني
خشمي خلوها سكته 😂😂😂😂
لا جذب بس هو مو كلش حلو
اني بيضه على حنطي
و شعري كيرلي و كلش ثخين و طوله وسط يعني يوصل لنص ظهري فوك الورك
اني محجبة بس يعني شعري يطلع من الحجاب و لبسي كله بنطرونات وتشيرتات و فوكاهن ستره قصيرة
طبعًا اني شاطرة بالدراسة خلصت السادس وجان حلمي انقبل طب بغداد بس شاءت الاقدار و انقبلت بكلية الطب بجامعة ذي قار
اني كلش احب اهل الجنوب و جنت كلش احب انو اكعد وحدي و استقر و اعتمد على نفسي
بس هسه لمن صارت لام الصدك بقيت خايفه شلون راح اعوف اهلي و شلون اكدر ادبر اموري يم ناس ثقافتهم تختلف عن ثقافتنا
المهم اكو هواية امور جنت خايفه منها بس بنفس الوقت فرحانة
جان عندي صديق من الناصرية بگدي فكلت هو الي راح يساعدني بالغربة اسمه علي
بعدين نرجع عليه عوفوه هسه
المهم راح بابا ويايه ببداية الدوام و سجلي بالقسم الداخلي جهزت نفسي من ملابس و غيرها و بده الدوام و جان كلش صعب عليه لان شي جديد و مواد جديدة و تعب و فوكاها اهلي مو يمي جنت اخابرهم من اول ما ارجع من الكلية لحد ما انام و اني احجي وياهم و جنت بأول ٣ اسابيع ارجع للحلة بالخميس ورا الدوام و ارجع للناصرية بالسبت العصر
بس لمن صار عندي امتحانات شهرية بطلت و صرت اروح بين اسبوع و اسبوع و مرات هم يجوني
اوكي حجيت هواية خلي انطي القلم لفهد
هلا يابه شلونكم
انه فهد عمري ٢٩ انه الحفيد الثاني بالعائلة عندي بس اخوية اكبر مني انه انطي شبه لجدي هواية بالتصرفات و الاطباع عصبي حيل و حجايتي متصير اثنين
طولي ١٩٠ و جسمي عضلات شعري مو طويل
انه ضابط و اداوم بالجامعة
جدي شيخ عشيره معروف و انه بعده الي استلم الشيخة لان كلمتي مسموعة بكل الدواوين و الجبير و الصغير يهابني و يحترمني من صغري و انه رجلي على رجل جدي تعلمت هواي من عنده
طبعًا انه عايش ويه اهلي ببيت جدي لان ابوية الجبير و هو الي بقه بالبيت و عمامي الباقيين طلعوا وحدهم بس كلهم بيوتهم قريبة
امي هواي تلح عليه تزوج ما تزوج بس اني شايل هاي الفكرة من راسي لان مالي خلك اتحمل مسؤوليه و اكعد اقنع بوحده واراضيها خليني هيج حر بحياتي
اخوي الجبير متزوج و مرته حبابه و هي تصير بت عمي احنا ماناخذ من الغربة
اول ما تزوجت صار عدها ولد انه سميته اسد و هذا اكثر طفل احبه و اتعلق بي و هو هم ميسكت الا عندي يخبل
ابوي جبير و شويه تعبان و يحب المزارع من الصبح للصبح هناك و امي هي ايد بيبيتي الشيخه اليمنى
عندي اخ اصغر مني اسمه احمد عمره ١٩
و اخت وحده و هي زهراء و تصير تؤم احمد
و امي تعب رحمها و ماكدرت تجيب بعد
طبعا كل خميس ينجمعون كل العمام و العمات ببيتنا و تصير هوسه
و انه احب الهدوء فَـ انه اخذت الطابق الثالث بس الي و مااقبل اي احد يصعدله مسويله باب من الدرج و قافلها ما اخلي اي احد يفوت عدا زهورة تنظفليا كل اسبوع مرة لان اني مرتب و ما اخلي يتهوس
و هاهيه هواي حجيت روحوا اقروا البارت الثاني
💘
