شمس- تخبلت وهو ياكل بشفايفي بكل قوته حسيت شفايفي تكطعوا و راحوا بقيت ادفع بي و اضرب و هو ابد ميتحرك بقه تقريبا بالخمس دقايق و هو على نفس الحاله رجع على ركبتي بقى يعض بيها و اني اصيح لك اه كلب اه حقير وخر مني الله ينتقم منك وخر مني
و هو ماكو جن ميسمعني مستمر
بعدين كتله فهد عوفني حباب اذا تحبني عوفني
طبعا كلت هاي الجملة و اني اضحك على روحي ادري بي مستحيل يحبني بس كلت هيجي من حركة كلبي يعني ايست و كلت هاهيه بقيت اخربط بالحجي شايفين من انتو توصلون لمرحلة بعد تكومون متدرون تحجون تجربون كلشي بس حتى توكفون الشي الي ديصير
فهد- من كالت اذا تحبني عوفني بسرعه ابتعدت عنها و بقيت صافن على روحي ليش هيج تصرفت معقوله احب هيج وحده
وخرت منها
كتلها وخرت لان عجبني اوخر وخرت بمزاجي و شوكت ماريد اعيد هالشي اعيده و يمكن اسوي اكثر فاهمه؟
شمس بقيت ساكته و بس ابجي راح عني نزل جوه و قفل الباب عليه
صار الليل و هو ما اجه كمت طلعت من الغرفه بقيت اباوع عالصاله اثاثها يخبل كله اسود و ابيض و اني اموت بهاي الالوان
غرفة النوم نفس الشي هم اسود و ابيض
المطبخ ايضا
فتت للغرفه الي بصف غرفة فهد
لكيتها فارغه كلشي مابيها الحياطين مالتها بيض و الكاع سوده
رحت عالغرف الي عاليمين لكيت وحده بيها اجهزة رياضيه و اثقال و هاي السوالف صايرة مثل قاعه صغيرة
فتت عالغرفه الثانية لكيت بيها بلياردو و ميز عليه شطرنج و الحياطين ملاتها متروسه لوحات رسم
و بيها تماثيل صغار و كبار
هاي هي احلى غرفه بالطابق كله بقيت افكر معقوله هذا الشخص الهمجي نفسه
عاد رجعت للغرفه الي جنت بيها كلت خلي اقهره و ماجنت اعرف شلون بس اول شي اجه ببالي كلت خلي اخربله غرفته
رحت فتحت الكنتور مالته شمرت كل ملابسه بالكاع
فتحت المجرات و شمرت الساعات و المحابس و الدكم
رجعت عالعطور ذبيت اغلبهن بالمغسله
و الباقيات شمرتهن بالكاع طلعت و سديت الباب و رحت كعدت عالتخم بالصاله
ورا شويه صعد و بيده باكيت مال بيتزا
فهد- هاج اتزقنبي
شمس- ....
فهد- كعدت يمها التخم كتلها راح اكلها انه ترا مو بعدين تبقين تبجين عليها و غمزلي
شمس- مره هو شافني اتعارك ويه منار على قطعه مال بيتزا وبقيت اني اتنعوص عليها
باوعتله و رفعتله حاجبي و ماحجيت
فهد- بطلي هي الحركة ديربالج تسويها من جديد و اكلي يلا بسرعه
شمس - ....
فهد- بقيت ادور على تلفونها حطيته بجيبي اخر شي
مالكيته بعدين تذكرت من سبحت حطيته على شباك الحمام رحت للغرفه داجيبه
و هنا الصدمه
اني بطبيعتي عندي اهم شي الترتيب تخبلت من شفت الغرفه هيج بس كلت خلي اصبر عليها صحت شمسسسس
شمس-شكو
فهد-تعالي بسرعه
شمس-...
فهد- وين صرتي ادبسز مو احجي وياج
شمس-.....
اجه سحلني و اخذني للغرفه شمرني عالجرباية و راح للحمام
و اجه بيده التلفون مالتي
هاي اني شكد غبيه شلون ماشفته
المهم
كعد عالجربايه
فهد- جيبي ايدج
شمس-باعتله بنظره استفهام
فهد - كتلج جيبي خراج
شمس- بقيت صافنه عليه
فهد- سحبت ايدها و فتحت تلفونها عالبصمه
و كتلها بأمر كومي اوكفي كبالي
شمس -ماكوم و جيب تلفوني احسن الك
فهد-صحت بصوت خرستها هي هم ماجذبت خبر كامت وكفت كبالي
شمس- وكفت كباله كتله ها شكو خير
فهد -روحي فتحي الكنتور و رجعي مثل ماجان بين ما اشوف تلفونج شبي يلا
شمس - اوكي هسه اعزله كله بس جيب تلفوني
فهد- ولي عن وجهي بسرعه سوي الي كتلج عليه
شمس- حاولت اخذ تلفوني منه اخر شي دفعتي وكعت بالكاع عالملابس
بقيت ابجي
فهد- فتحت تلفونها و ما شاء الله مامبقيه برنامج يعتب عليها
اول شي فتت للانستا مالتها
و رحت عالدايركت و ما شاء الله تلت ارباعه ولد
هنا النار صعدت براسي
صحت بيها كوميييييييييي
شمس -كمت اشيل بملابسه و اشمر بالكنتور
بقه هو مدري شيسوي بتلفوني
فهد- فتت على كل المحادثات الي عدها
يعني شفت قسم منهم مبين علاقتها قويه بيهم و قسم لا رسميات
تخبلت دين مابقه براسي و اني اشوفها بين رساله و رساله تكل لعلي احبك و احبك
صعدت بعد لفوك اشوفها تكول خيي و خويه مافهمت هسه تحبه لو مثل اخوهه
باوعتلها و لكيتها تشمر بملابسي و هن اغلبهن جايبهن من الامارات و محمحم عليهن
كمت جريتها حيل من شالها كعدتها يمي و رحت طشرت كل الملابس بالكاع
و اجيت كعدت يمها
كتلها يلا احجي هذا منو و هذا منو و هذا و هذا و هذا و بعد وبعد كلهم بسرعه تجين كلشي من الالف للياء
شمس- انت منو حتى ابررلك تصرفاتي و علاقاتي
فهد- شوفي شمس وحق السماج شمس
مستعد اخلي هذا اخر يوم بحياتج فَـ اتجفي شري و احجي احسن الج و الي يلا عيني
بقت تحجيلي عليهم و هذا صديقي و مثل اخويه و مدري شنو
فهد- لعد شنو هاي الاحبك و احبك و حياتي و عمري
شمس- اي عادي اني حره استخدم الكلمات الي تعجبني
فهد-شمس كلت تجفي شري و هسه هم راح اكول عدلي اسلوبج احسن
شمس - شتريد هسه ؟
فهد - مارديت عليها رحت فتحت التلي و هنا اكو قسم نفسهم الي بالانستا و اكو جديدين بعد
كتلها يلا غردي هذول منو بعد
شمس- اصدقائي وبقيت احجيله على كل واحد بيهم
فهد - عفت التلي شفت الفيس مالتها فارغ مابي احد و الواتس هم مابي و باقي البرامج كلها مابيها شي
طلعت الخط مالتها داكسره
شمس-لاعفيه حباب لتكسره بس خلي اعطل حساب التلي عالاقل عفيه وخر جيبه والله تكسره بس احذف الحساب
فهد -ماشي تعالي يمي اريد اشوف
شمس-حذفت الحساب و هو يباوع عليه
فهد-بعد الانستا هم حذفي
شمس -مالي خلك اجادله كتله اوكي و رحت حذفته
فهد - عفيه بنيتي بعد هالبرنامجين يحرمن على هذا التلفون
شمس-ضحكت ضحكة استهزاء
فهد- اخذت التلفون من ايدها و فتت للصور بقيت شفتهن هواي حيل كلت هاي مو مال كعده
نمت و سحبتها على حضني
خليت راسها على ايدي و ايدي حول ركبتها حتى متكوم
بقيت اباوع اغلبهن صورها هي و صديقاتها وراها لكيت كم صورة لكم ولد تخبلت كتلها هذول منو
شمس-اصدقائي نفسهم
فهد -شنو اني مكرن كبالج شو تحجين بكل صلافه
شمس - اي اوكي بعد ماصير صلفه هذول مو اصدقائي هذول اخواني
فهد- بس اني شايف اخوانج و هذول مو اخوانج
شمس- اول شي ماشايف اخواني بلا نعثلة لعبت نفسي منك و ثاني شي كتلك اصدقائي انت ما اقتنعت شسوي بعد
فهد - حذفت الصور ملاتهم و بقيت ادور يا صوره متعجبني احذفها
كملت دخت حيل و هي شلعت بطني شلع بس تكرص بيها و تدفر برجليه
كتلها كومي اكلي يلا
شمس-ماريد حباب يلا اطلع اريد انام
فهد -ماكو نوم بدون اكل وتعزيل الهوسه الي سويتيها
شمس-مااكل و لا اعزل يلا ولي عني
فهد-لتاكلين يطبج مرض كومي عزلي ملابسي يلا بسرعه
شمس-....
فهد - كمت و سحبتها من ايدها خليتها تعزل كل شويه تعزل من ورا خشمها و اطشرهن
اخر شي كعدت بالكاع بقت تبجي بكل قوتها انقهرت عليها كلت هاهيه بعد ماحاجيها
نمت و هي كاعده فوك الملابس و تبجي
محسيت على نفسي بعد الا لمن سمعت صوت تلفونها
كعدت لكيتها نايمة فوك الملابس باوعت عالتلفون لكيت الساعه بالـ ٢ و الي ديتصل علي
فتحت خط
