لي مكتوب فلجبين مايمحوه ليدين❤

البارت 5❤

سلام لبنات نشالله تكونو ملاح اسمحولي على تأخير  إن شاء الله تدعموني شابات تاعي😚😍😍😍😍
نبداو على بركة الله

مور ماخرجت ياسمين تمشي وقلبها مقبوض مزيرة على حجابها بيديها صغار ومهبطة راسها حست عبد يتبع فيها
هي تمشي وهو مورها تسمع في خطواتو حتى نطق وقالها واش متحلبيناش  ولا زين راهو خايف  مقيمتوش وكملت تمشي وتزرب  في مشيتها مي بخطوتها صغار مشكيتش تقدر تهرب منو تزرب وتهدر في قلبها وتدعي باش توصل بلخف حتى حست روحها دخلت في حيط  من لخبطة حست  بدوخة من هذا صدر ليابس قبل ماطلع راسها جبدها جان لي كان يتبع فيها  وقال اسمحلي خو انا لقيتها لول ومنفرفطش في هذا زين ويغزر فيها ويضحك في ضحكتو  لخبيثة معلبالوش عندمن طاح ولا معامن راهو يهدر معرفتش إذ كان زاطل ولا ميعرفوش من غير هذو امبوسيبل يهدر واش هدر طلعت عينيها وغزرت في محمد عينيها مغرغرين بدموع وشواربها يرجفو ماحست غير بهذاك جان طايح فلرض ومحمد فوقو يضرب ويضرب ولا تقول حبس محبش يحبس حتى شاف دم شحن عليه ولا قال نطلقو ياسمين ولات ترجف اول مرة تشوف واحد ينضرب قدامها بهذي طريقة مقدرتش حتى تهبط ولا تهدر غير دموعها يهبطو مافهمت ولو ولا وش راهو صاري ولا شكون هذا لعبد لي راهو يضرب هكا على جالها كي فاقت على روحها راحت تلاحت على محمد تجبد فيه من يدو لي دير 5 من يدها بيديها صغرونين مي وش راهي تدييير  كشغل ماراهي تدير ولو ولا راهي تدغدغ فيه عيات تجبد مقدرتش جات رايجة تجري تعيط لليجان يسلكوه لا ليوم يموت على يدو وعلى جالمن على جالها هي حكمها من يدها  وجبدها كشغل ريشة وقالها ربك تتحركي  من بلاصتك نقطعلك رجليك
عند محمد***
خرج من دار مور ماصلى لعيشا خرج يمشي بهيبتو ورجولتو يتكيف فدخان  يمشي فلحومة  حتى  رمى عينو شاف طفلة صغيرونة تفكر طفلة لي شافها وداتلو عفلو تفكر لطفتها وكي تهدر بيديها بطفولية تبسم على جنب حتى لمح واحد مورها يمشي ويهدر معها وهي تبان خايفة وتزرب في مشيتها ثبت فيها مليح حتى عرفها من ملمحها لي خلاص ترسخو في راسو ماحس غير دمو يغلي وعرقو تكبسو  معرفش كامل كيفاه  رمى دخان ولقا روحو عندها دخلت في صدرو حس بوحد الإحساس كون لقى يدخلهافي ضلوعو ويخبيها هبط راسو تلقاو عينيه مع عينيها مغرغرين بدموع وشواربها لغوز يرجفو دم غلى في عرقو طلعلو زبل لرس حسها ملكو  وحاجة تخصو وهو مكاش لي يمسو ملكو يكره حاجة يسموها يقربلو من حاجة تخصو مين ماكان يكون حس بدمعتها حرقتو اول مرة يحس مع طفلة هكا مفهمش علاه حتى هجم عليه محبسش محس غير بحاجة ضعيفة تجبد فيه كشغل دغدغ فيه حتى حسها حبست ونحات يدها وجات رايحة تعيط لوحد ليجان غلى ،دمو تنطر عليها
وجبدها من يدها كشغل ريشة هي حست يدها طارت وزاد خوفها من صوتو  لخشين ولي كان مبينو مغشش للخر كي قالها ربك تتحركي رجليك نقطعهملك في هذي دقيقة جاو جماعة تع ليجان يرفدو هذاك جان ويعاونوه جبدها خبها بجهانتو وبعدها من ثم وقفها مقابلتو ويسغملها في شعرها ويدخلهولها داخل لخيمار بعد مخرج من لقدام  بطبيعتو رطب وهي تغزر فيه ودموعها تهبط حتى عيطو قلها حبسي رب لبكا.

           ستوووب نهاية لبارت
نتمنى يكون عجبكم لبارت رأيكم ثم رأيكم ودعموني  لا بغيتو زعمو نحبكمممممم  زيناتي😍
ايه بلا ماننسا لفوط😚😚😚😚😚