متنساوش لفوط وتمدولي رايكم زينات❤️
نبداو على بركة الله
بابات ياسمين تشوكا عينيه قريب خرجو من راسو وجهو صفار شكون لي جا خطبو في بنتو وبهذي طريقة محمد لي كامل يخافوه كبير صغير ضعيف ولقوي ومكاش لي يتنفس قدامو وزاد نقطع فيه نفس كي قالو سمانة نديها بقا محمد يشوف فيه ببرود كيفاه مخلوع هدر بابات ياسمين بصوت مهزوز شوية بصح تشجع وقالو ياوليدي وش راك تقول بنتي مزلت صغيرة وتقرا وراهي متعرف والو فزواج ولمسؤولية وزيد انا بنتي منقدرش نبعدها عليا راهي عينيا وزيد.. وغزر فمحمد ولبنية تاعو وقال فقلبو رجال يخافو منك بنتي وش يصرالها معاك محمد فهمو من نظرة تاعو وش يخمم حمحم محمد بصوت رجولي وقالو عمي احترما ليه ملغري محمد معلبالو بحتى واحد غدوة نجيب دار ونجي وعلى سمانة نديها وراح خلى بابات ياسمين متسمر فبلاصتو ملقا ميهدر محمد ناس يرفضوه؟ ومنكذبوش هو إنسان راجل رجال بشلاغمهم يهابوه فيه كاريزما مكاين فحتى راجل ولباس بيه وكان فلجيش برتبة طالعة ومدرب للقوات الخاصة بصح هذي ياسمين بنتو صغرنتو لي كي تشوف ختها تاكل فلحلوة وهي لا لا تبكي راح لدار فشلان زيخمم كيفاه يقول لبنتو ومرتو
عند محمد
رايح لدار يمشي بهيبتو بش مبعد يروح لصالة ويهدر مع روحو يخطبو فيك يا ربع ميترا تفكر كيفاه كان لوخر يقول لباباها حس حب يروح يطرطقو نجيبك لداري ونشوفوها دخل لدار لقا يماه حطت لفطور وختو قاعدة فلرض تلعب ببوياتها وتهدر معاهم تبسم على جنب رفدها وباسها وهي تضحك مدلها شيكولا باس يدين يماه قاتلو الله يرضى عليك اقعد تفطر قعد يفطر وهي توجدلو بش تحطلو وتشوف فيه تنهدت جات تهدر قالها غدوة تروحي تخطبيلي تخلعت حطت وش في يدها دارت ليه عينيها ضحكو قبل كلش وجات حتزغرت حبسها قالها غير مكلاه تمسخير هذا راحت ليه تبوس فيه في خدودو وتمحش فيه وهو مديرونجي قتلو شكون هذي سعيدة لحظ وزينة لبنات لي طاحت عندك قالها وين تسكن وشمن بلوك قتلو متقليش بنت حبيبة وبنت فؤاد هز راسو عينيها ضحكو قتلو هذيك طفلة عسل عسل ياوليدي تدخل للقلب وشابة بوبية وعاقلة فرحتني فرحتني الله يفرحك احنوني ختو ناضت تضحك وتسوطي قتلو يا ياسمين موالفة تلعب معايا انا وصحباتي لاماغين وبلبويات1د غزر فيها وطلع حاجبو يماه بدات تضحك قتلو اااه محمد طحت فصغيرة وبوبية سكت محمد وراح خرج لصالة
عند ياسمين
كانت قاعدة مع خالتها ويماها فصالون بعد ما فطرو وياسمين تلعب مع بنت خالتها وختها بلبوبيات تاوعها ويقصرو حتى دخل باباها لدار سمعو لباب كي تحل ودخل قال سلام عليكم وسلم على خالت ياسمين بالكلام وباس بنتها وكان يبان بلي مهوش نورمال ووجهو صفر ياسمين باباتي نحطلك تفطر قالها لا لا مكلاه يماها غزرت فيه وشفت بلي حالتو راهي متعجبش قاتلو يارجل غير لخير علاه حالتك راهي هكا غزر فيها وغزر فالبنات يماها ياسمين ادي لبنات يلعبو فشومبرتك داتهم ياسمين وهي تشوف فيهم ما فاهمة والو بعد مراحت نطقت يماها اهدر ياراجل وش كاين خرجتلي قلبي شاف فيها وقالها محمد خطبني فبنتك غدوة يجو وسمانة لجاية يديها يماها شكون محمد فتحت عينيها قاتلو متقليش محمد محمد وليد سامية قالها ايه قالتلو ياوخذتي اويلي ياراجل شفتو كيفاه داير كي يدخل للحومة رعب يولي نطقت خالت ياسمين قاتلها وش خصو راجل ونص هذا ك يتمناوه ناس نسيب راجلي حكالي عليه قالي يجيبها من فم سبع وواعر وراجل مكاش لي يقدرلو غير لي خلقو نطقت يامات ياسمين يا دنيا الله يهديك شفتي لفرق بينو وبين بنتي وين حتقدرلو هذاك ويابالله صغيرة بنتي راهي 18 سنة نطقت خالت ياسمين قاتلها هذا تحسقيه ساهل مدام خطبها هي بذات راهو عارف وش راهو يدير نطق بابات ياسمين قالها انا اني قابل وذك نهدر معها نطقت يماها منيتك يافؤاد منيتك تمد بنتك صغيرة عيطلها باباها ياااسمين ياااسمين
ستوب
مدولي رايكم فلبارت فشخصياات
وزينات متنساوليش لفوط ❤️❤️
أنت تقرأ
لي مكتوب فلجبين مايمحوه ليدين❤
Historia Cortaتعريف شخصيات❤ ياسمين:طفلة في عمرها 17 سنة اسم على مسمى حلوة سكر جاية ماهي بيضة ماهي سمرة عندها ثقبة مزينتلها خدها شعرها كحل وطويل وهي جاية قصيرة مابين صحبتها عندها لاطاي تهبل جاية معمرة وانثوية تقرى فليسي ولعام لجاي تجوز لباك ياسمين طفلة حساسة تبكي...
