متنساوليش لفوط بليز
نبداو على بركة الله
ياسمين بدات مع تحضيرات وتوجد فروحها وهي مهيش متقبلة وخايفة خطرة قاتلها يماها اي نروحو نشرو ونكملو جهازك ياسمين خافت وتفكرت محمد منع عليها تخرج الا معاه دارت لكوراج وقالت يخي راهو غير خطبني مزال معقدش عليا راحت مع يماها وركبت فطنوبيل وصلت وين يبيعو لحوايج ولي كوسميتيك لقات كشغل مول كبير دخلت ياسمين راهي تشري ودور نسات كامل خوفها ونسات محمد حتى صونا تليفونها رفدت قالت الو حتى سمعت صوت خشين قالها عندك زوج دقايق فيدك نصيبك.برا ماتت حست بيدون ما بارد تكب عليها رجعت ترجف وتفكرت كيما قالها ديريها مليح فبالك نعرف كل صغيرة وكبيرة شافت فيماها وسحبتها بس يخرحو ويماه تسقسي فيها وشبيك ياطفلة ووجهك علاه راهو صفر حتى وصلو لبرا لقاو محمد متكي على طنوبيل ويتكيف بغش يماها ثم عرفت وش كاين هدرت معاه وسقساتو على حوالو جوابها خفيف كان مقلق وياسمين غير تشوف وميتة بلخوف تعض في شاربها تحتني وتشوف فيه بنظرة تع لجرو🥺 يماها راحت تكمل قضياتها محمد:اطلعي طلعت فطنوبيل طنزبيلتو شابة تهبل كحلة ركب هو وخبط لباب قفزت فبلاصتها وغلقت عينيها قرب عندها بش يديرلها سانتور خافت حسبتلها كش محيديرلها شاف فيها هو وعينيه حمر ومقلق خبط لفلون هي حكمت في حجابها بيدها لزوج وعينيها تغرغرو بدموع غمض عينيه وهدر وش قلت انا متخرجيش من غير اذني ومن غيري وش قتلك ياسمين نعرف صغيرة ولكبيرة اول مرة تسمع اسمها من فمو سكتت وقاعدة غير تبكي قلع طنوبيل مخلي لغبار موراه وطنوبيلتو دير صوت يهبل بقات طريق كامل ساكتة وهو يشوف مع طريق شافت فيديه فلفلون شحال كبار وفيهم لعروق هذا وين انتبهتلهم مليح وضخامت جسمو تأكدت بلي لوكان يضربها تموت فدقيقتها مع هي فلوسة وصلها وين لحومة جات تهبط بزربة مع لخوف لقات طنوبيل مغلوقة هدرت بصوت يرجف افت ...حلي خل.. يني نه.. بط شاف فيها محمد وفي عينيها كيفاه تعمرو بدموع ويديها يرجفو استغرب من كامل لخوف لي راهي فيه صح شاف رجال طول وعرض وخافو منو بصح هي طفلة كيفاه راح يمسها ولا ياذيها ومشي اي طفلة محمد علاه راكي خايف كامل هكا غول انا دارت ليه وسرطت ريقها وهزت راسها طلع حاجبو انا غول حركت راسها بلا لا بزربة قرب يدو سقملها حجابها عند صدرها كان يبان لحمها ودخللها شعرها فلخيمار لي كان خارج شوية هي حبست فبلاصتها كشغل بدات تهدأ شوية وبدات تشوف فيه حس فيها وحد لبراءة مع خدودها خارجين هكك وعينيها واسعين ومدورين وشفارتيها طوال وزدلهم لغسيل منزيدش نلقا زبل هذا في وجهك حركت راسها بلعقل واش لي خوفك فيا تخلعت من سؤالو مكانتش متوقعاتو نطقت بصوت انثوي ورقيق غزرة تاعك ويديك وجسمك حس بوحد لبىاءة فيها طلع حاجبو وقالها وشبيهم سرطت ريقها قاتلو عينيك يخوفو ويديك وجسمك.كبار وانا جسمي صغير محمد وعلاه انا نحقر طفلة ونمسها ولا نرفد يدي عليها شافت فيه وقاتلو علاه متضربش لبنات نتا؟ قالها راجل ميضربش حاجة ضعيفة عليه وسيغتو فلوسة كيما نتي شافت فيه مخلوعة مبعد.بوزت شفافها وعقدت حواجبها منيش فلوسة انا محمد فلوسة ونص هبطت ياسمين من طنزبيل مع محمد ووصلها حتى لدارهم للفوق وراح
ستوب
أنت تقرأ
لي مكتوب فلجبين مايمحوه ليدين❤
Short Storyتعريف شخصيات❤ ياسمين:طفلة في عمرها 17 سنة اسم على مسمى حلوة سكر جاية ماهي بيضة ماهي سمرة عندها ثقبة مزينتلها خدها شعرها كحل وطويل وهي جاية قصيرة مابين صحبتها عندها لاطاي تهبل جاية معمرة وانثوية تقرى فليسي ولعام لجاي تجوز لباك ياسمين طفلة حساسة تبكي...
