هااااي توحشتكم بزااااااااف😍😍😍 عندي عامين أتخيلو عامين محطيتش وزيد تفاعلكم هبطلي لمورال😞😞😞 اتفاعلو هاااربي بليييييييز😆
نبداو على بركة الله
عند محمد
راح ينطريني وهو مقلق مشي من عادتو يتقلق على جال طفلة بحيث لبنات آخر هموووو عندو صال يدرب فييها ليجان لي
دخل للصال طرينا خرج زعافو وبحيث هو كوتش يدرب لي جان تدريب عسكري وصارم بزاف فخدمتو مكاش لعب معاه
حتى ومع صحابو المهم محمد كمل غلق لاصال وخرج وراح لدار يرقد وشمن رقاد جاه بقات فعقلو صورتها غمض عينيه ورقد صباح
أصبحنا وأصبح الملك لله
عند ياسمين
من رقاد لقات رجلها في جيهة ورجل لوخرة في جيهة شعرها في وجها قريب تاكلو ورقدة في سابع نومة
تقول زومبي راقد!! دخلت عليها يماها كيما الارهاب ياسمين ياسمين نووووضي ليوم جاية خالتك ناضت ياسمين كلمرجوفة شادة قلبها😂 وتهدر وحدها كي لمهبولة انا في هذي دار يانموت يا نموت وحدة من زوج المهم غسلت توضات صلات شربت حليبها وبدات فلميناج ليوم متقراش بسك لجمعة المهم فحفحت دنيا شاطرة بلاك تغلطو وعاونت ماماها فلفطور حتى جات خالتها دخلت سلمو عليها وجابت بنتها صغيرة بطبوطة كيما ياسمين😂تهبل😍 رفدتها ياسمين تبوس وتمحش لي يشوف تقول بنتتها سبحان الله تموت على لي بيبي هي اصلا بيبي فطرو وغسلت ياسمين لماعن باينة هاو شكون يغسلهم وقعدو مغسرين خالت ياسمين اسمها دنيا المهم دنيا: وش ياسمين كبرتي وزينتي احنونتي ااا ذك يطيرو بيك انا جبتلك عريس وش نقلك ياسمين : خالتي نحبك ونموت عليك بصح منتزوجش☺ دنيا: شوفي شوفي هذي طفلة كيفاه دير والله وليد عم راجلي شافك فلعرس تع لوسي هبل عليك قبالة حكم راجلي وراجلي قالي والله شباب وقاري ياسمين: خالتي يهديك ربي منتزوجش وقرايتي وحلمي طب كي نديرلو احموودة نو نو تعرفيني منيش دايرة فبالي زواج دنيا: بووه عليك اقعدي اقعدي تهدري هكا نشوفوها رفدت ياسمين حبة تع قاطو وحشاتها في فمها وغزرت فخالتها هكا😒 ياسمين: تهدر وفمها معمر خالتي متخلينيش نخرج زعافي فبنتك نشبعها عض ضحكت خالتها على بنت ختها المهبولة وقتلها نتي والله متكبري
محمد ناض صباح دخل دوش وخرج لقا يماه طيب فطعام كالعادة سلملها على راسها وقعد يشرب فقهوتو وفدار ميتكيفش بحكم ختو صغيرة ويماه وش لحنينة يماه كي صبح سبع تاعي محمد وبرود كبير فعينيه كي عينين صقر حمد لله سكتت مبعد قاتلو انا عييت ياوليدي من شغل دار وكبرت وضاق خاطري تبسمت وكملت وش رايك تجيبلي بنتي لي تعاوني وتعمر عليا دار عينيه ظلامو وقالها هدرت فيه هذا سوجي من قبل وقتلك منتزوجش يماه بحنانة وعلاه ياوليد كرشي تحرقلي فقلبي عليك حابة نشوف ولادك ونشوف نوارة دارك وزينة لي تعمر عليا دار نتا طبعك واعر ولعسكر زاد بدلك بصح علبالي حنين وتجي لي تبدلك تفكر محمد هذي صغيورة وخدودها براءتها محمد ببرود مكاش لي يبدلني وخرج تحسرت يماه بلاحول ولاقوة الابالله روح ياوليدي الله يبعد عليك بنات لحرام ويجيبلك زينة لبنات خرج مبعد راح صلى لجموعة وخرج من لجامع حتى شاف بابات ياسمين بحكم حزمة وحدة يعرفو بعضاهم بصح محمد جامي يهدرو معاه يهابوه عند باب لجامع وواحد من لي كلوشار تع لحومة يتحلف فيه ويقلو متمدليش بنتك نخطفها وتموت متلقهاش وفؤاد بابات ياسمين بطبعو عاقل ويحشم الله يهديك ياوليدي استغفر الله لغاشي ملمومين يتفرجو محمد حس زبل طلعلو لراس دم غلى في عرقو كيفاه هذاك لجرثومة. يهدر على صغرنتو لي عارف غير هو بلي فلوستو ومن باباها لي حسو عاقل بزاف ولاخر حشمو عروق رقبتو تزيرو دخل بين لحشد يمشي بهيبتو وبخطوات رزينة حتى لحق وين صايرة لمعمة حكم هذاك لجرثومة من صدرو جابو عندو كي شليقة عينيه حادين ومظلمين جسمو ضخم طولتو هيبة يديه كباار فيهم عروق بارزين لوخر رجع يرجف بين يديه كي عرف بين يدين شكون راهو لبولة قريب فاتو محمد بصوتو لخشين لي هزهم كامل نقتل ربك ذك بابات ياسمين تخلع عينيه تحلو لالا ياوليدي خليه بلا مدير حاجة كبيرة الله يهديه مزال طايش ضرب محمد هذاك لجرثومة بوحدة على لوجه تغاشا لوخر ودم يسيلو من نيفو مبعد فطن وبدأ يتسحب للور من لخوف قريب مبكا بابات ياسمين وجهو صفار بقا يغزر فيهم ويهدي فمحمد هو لي نورمالمون يتقلق عشا يهدي فمحمد لي معلبلوش اصلا علاه دار كامل هكا يعرفوه برك بلي ميحبش لحقرة غزر محمد في بابات ياسمين ببرود وقالو جاي نخطب بنتك وسمانة مورها نديها
ستوب
زينااااتت تواعي توحشتكم فرحوني بتفاعلات يعيشكم حنوناتي❤️❤️❤️
أنت تقرأ
لي مكتوب فلجبين مايمحوه ليدين❤
Short Storyتعريف شخصيات❤ ياسمين:طفلة في عمرها 17 سنة اسم على مسمى حلوة سكر جاية ماهي بيضة ماهي سمرة عندها ثقبة مزينتلها خدها شعرها كحل وطويل وهي جاية قصيرة مابين صحبتها عندها لاطاي تهبل جاية معمرة وانثوية تقرى فليسي ولعام لجاي تجوز لباك ياسمين طفلة حساسة تبكي...
