سلام لبنات شوية تفاعل بليز 🥺
نبداو على بركة الله
نخافو نخافو 🥺 دنيا بووووه بوه عليك ياطفلة من وش تخافي هي فالحقيقة صح يخوف وقف قدمنا حسيت قلبي قريب حبس شافت فيها ياسمين زييدي كملي عليا نتي ثان ناضت تضحك عليها خالتها قاتلها هيا حنونة راهو يستناو فيك خرجت ياسمين بسيف ترجف وخايفة وجها صفر دخلت لقهوة ودخلت شافتها سامية مشاء الله تبارك الرحمن قل أعوذ برب الفلق منين كنت مخبيتها ياحبيبة عندك بوبية فدار مشاء الله عينيها عينين لغزالة سلمت عليها ياسمين وتهدر صوتها يرجف قاتلها اي حنونتي اقعدي قدامي قعدت ياسمين نطقت يمات ياسمين ياختي سامية راكي تشوفي حالتها طفلة راهي خايفة من وليدك ناضت تضحك عليها سامية وحضنتها حست ياسمين بدفى تع حضنها هدات شوية قاتلها بووه خايفة من محمد وليدي؟ يابنتي راجل لي برا مشي كيما راجل لي لداخل مع عائلتو محمد وليدي واعر وصعيب ومكاش لي يقدرلو بصح تروحي لدارو وتعرفيه مليح تغرغرو عينين ياسمين كي قاتلها تروحي لدارو حضنتها يمات محمد ومتبسمة ابتسامة حنينة وقاتلها ذك تهدري معاه وتعرفيه بروحك هزت ياسمين راسها ب لا لا بزربة فهمتها يمات محمد وهي غير مبتسمة على هذي لبيببة لي حتجيبها لوليدها مقارنة بوليدها كيفاه داير بصح عرفتها غير هي لمناسبة
عند رجال تفاهموا ومحمد كانت طاغية رجولتو وكاريزما تاعو فصالون هذاك وعمومها وخوالها ورجال تع لافامي تاعها غير يشوفو فيه هيبة كاريزما رجولة كور تفاهم مع بابات ياسمين على كلش وقالو سمانة تكون عندو دخل بابات ياسمين وعيط ليماها اسمعي قلها توجد روحها بش يدير شوفة شرعية قاتلو ايه اصبر ذك نجيبها صابت ديجا يمات محمد جايبتها وتحنحن عليها كشما تنحيلها لخوف كان محمد واقف يستنا بش يدخلو هو وياها لشومبرة ويشوفها وبهدر معها حتى شاف يماه جايبتها غزر مطلع حواجبو شاف فيها لاصقة فيماه بوبية بمعنى لكلمة شعر طويل عينين لغزال لحم بيض لاغوب هذي لي مبينة كتافها زادت فيها نص سلسلة تع فراشة فرقبتها بصح شاف فوجها لقاه صفر تقول حطيح من دوخة ويديها يرجفو ورتلهم يماها وين يدخلو لشومبرةة ياسمين دخل هو مبعد هي دخلت تمشي بسيف شادة قفطنها بحكم هي قصيرة شاف فيها وفيديها صغيورين يرجفو شواربها ثان عينيها مرفدتهمش تسرط في ريقها قالت بصوت مرجوف يادوب تسمعو سلام عليكم قالها بصوت رجولي مبحوح عليكم سلام حست قشعريرة سرات فجسمها ملخوف طلعت راسها شافت فيه طولة عرض جسم لباب ميدخلوش تقول حيط الله يبارك يديه كبار متبانش كامل قدامو بانت بنتو شاف هو فعينيها لي خلاوه غير يخمم فيها كبار مدورين مارون شفارتين طوال ومكياج زاد حلالها قالها بصوت رجولي اروحي شافت فيه وسرطت ريقها قربت بخطوات صغار لحقت عندو وقفت مقبلاتو تلحقو قريب عند كرشو بانت كلفلوسة قدامو شاف فيديها يرجفو حكم يدها هي قريب ما داخت حسبتلها كش محيديرلها شاف فيها وطلع حاجبو قالها هذو علاه راهم يرجفو محمد من نوع تع كي يكون يعشق فيك بصح مشاعرو مشي باينة سيريو بزاف مجات حتخرج كلامها وهي ترجف قالها خايفة بقات تشوف فيه كيفاه حاكم يدها لي بانت صغيوورة قدام يدو ضخمة قرب يدها لي ترجف باسها تخلعت نطق بصوت رجولي على سمانة نديك مدلها دراهم وقالها لخرجة مكاش كي تحبي قوليلي ليا وديرها مليح فبالك نعرف كل صغيرة وكبيرة وخرج خالها قريب حدوخ من صوتو لخشين ولا من لكاريزما تاعو لي خلات شومبرتها تبان صغيرة في حضورو ولا ملبوسة لي مكانتش متوقعتها منو ولا من هدؤتو تخلطت عليها كامل قعدت فوق بونكها ومزال جسمها يرجف وحاس بحمى باردة فجسمها هذا غير خمس دقايق حالتها رجعت هكا كي تولي فدارو كيفاه راح محمد ودا يماه وياسمين هجموا عليها يسقسو فبها وهي ساكتة برك.
ستووووب
أنت تقرأ
لي مكتوب فلجبين مايمحوه ليدين❤
Cerita Pendekتعريف شخصيات❤ ياسمين:طفلة في عمرها 17 سنة اسم على مسمى حلوة سكر جاية ماهي بيضة ماهي سمرة عندها ثقبة مزينتلها خدها شعرها كحل وطويل وهي جاية قصيرة مابين صحبتها عندها لاطاي تهبل جاية معمرة وانثوية تقرى فليسي ولعام لجاي تجوز لباك ياسمين طفلة حساسة تبكي...
