متنساوليش لفوط ورايكم زينات مكش كامل تفاعل راهو ناقص
نبداو على بركة الله
باباها يااااسمين يااسمين جات ياسمين تجري عندبالها شو وش صرا قاتلو أنعم باباتي قالها اروحي بنتي اقعدي قعدت ياسمين وهي مستغربة وقاتلها لفضول قاتلو كش مستحقيتني قالها ايه حبيت نهدر مع بنتي قتلو ايه قلي قالها شوفي بنتي نتي كبرتي وراكي مراة غزرت فيه مستغربة وعاقدة حواجبها وغزرت فيماها كمل هو قالها وبنتي زينة الله بارك قالها نتي روحي ومنفرطش فيك بصح نتي مكتوبك جا يابنتي وخطبوني فيك ومديتك سكتت ياسمين تشوف فيه وقلبها يخبط وقاتلو بابا شكون قالها احمم محمد قاتلو شكون محمد قالها كاين محمد واحد فلحومة لي عندو صالة ولات ترجف قلبها يخبط يخبط وجها صفار هي اصلا تخافو وتلقات بيه زوج مرات وشافتو كيفاه داير غزرت في يماها لقاتلها تشوف فيها نظرة تع باباك وعارف مصلحتك وخالتها فرحانة وتضحك من عينيها هدرت صوت فيه رجف وقاتلو بابا بصح انا مزلت صغيرة ومديت رأيي مانبا قالها يابنتي معليش هذا نصيبك وهو جا من لباب واسع وهذاك كلمتو كلمة وعبالي مدام هدر يديك بلقباحة ولابلملاحة مالا انا خيرت لملاحة قاتلو بصح خايفة بابا قالها متخافيش بنتي باباك في كتافك وكش ميصرالك برك ندمو راح باباها خرج وهي قعدت فبلاصتها متحركتش ومزالو يديها يرجفو فكرة انو تكون معاه فدار وحدة رجفتها يماها ناضت تخمل فدار بسك غدوة يجو يخطبو وخالتها قاتلها نوضي نوضي نوضتها بش تروح تدوش وتوجدلها وش تلبس وياسمين خايفة ومهيش عارفة حياتها كيفاه راح تكون دوشت ياسمين وخرجت بييضة وخدودها حمر تسخف جوزت ووجدتلها خالتها حوايجها لغدوة وكامل رقدت ياسمين وهي تخمم والف حاجة فراسها
أصبحنا وأصبح لملك لله ناضت ياسمين على صوت زوواش ونسمة تع صيف باردة
سمعت صوت للهدرة تع يماها وخالتها ويماها تجري وتوجد تفكرت بلي ليوم خطبتها ناضت بسيف راحت للكوزينة صبحت عليهم قاتلها خالتها راهي ناضت لعروسة لفلوسة وتضحك ياسمين شافت فيها وقلبها يخبط تفكرت لفرق بينها وبين محمد فكلش فبنية فلجسم ولعقلية خافت بزاف بقات ساكتة شربت قهوتها وراحت لشومبرتها توجد فروحها
عند محمد
ناض صباح جسمو عريان من تحت لابس برك لقا يماه دير فلقهوة قعد يستقهوا ويما فرحانة طايرة وهو يشوف فيها كيفاه فرحانة قالها غير لخير سامية ليوم نشوف فيك فرحانة قاتلو اسكت دنيا مشي واسعتني من فرحتي حابة ذك ذك نروح تبسم نص تبسيمة وهي توجد وفرحانة وجدت يماه كلش بطبع محمد لبس شوميز نواف بينتلو لكور تاعو ضخم وسروال نواغ وساعة كبيرة على حساب يدو ضخم خرج يقتل بزين ورجولة لمهم ويماه لبست ثان وختو صغيورة لبست غوب تهبل وراحو فطنوبيل ملغري قريبة تع مشية برك يلحقو بصح محمد هكا عقليتو ميحبش يخرج معاه حرمتو تمشي
عند ياسمين لبست غوب جوغ قفطان تهبل فلغوز بيبي مع هي خمرية وشعرها طويل جات تهبل بصح كانت خايفة وترجف كيفاه حتقابل محمد وتوقف قدامو دخلت يماها تصلي على نبي وتسمي مشاء الله على بنتي بوبية ربي يحميك من لعين كانو هكك حتى سمعو لاصونات تع لباب راح بابات ياسمين فتح واستقبلوهم هو ويماها خالتها يمات ياسمين تخلعت فمحمد ولكور تاعو ولكاريزما تاعو قدامها ومام خالتها مكانوش حطينو كامل هكا قعدو رجال وحدهم مع عموم ياسمين وخوالها ومن جيهة نسا خالتها وعماتها الخ ربحت يماه ياسمين بيمات محمد زارتنا براكة ختي سامية مرحبا بيك حنونة سامية ترحب لجنة حبيبية ختي ربي ينورك وحنا رانا ضياف ربي جينا قاصدين غير لخير ردت يمات ياسمين مرحبا مرحبا بينتنا لخير نطقت سامية وين راهي زينة لبنات لي خيرها وليدي نشوفها والفرحة تخرج من عينيها غزرت حبيبة في ختها بش تروح تجيب ياسمين دخلت دنيا عند ياسمين لقاتها خايفة وترجف وجها صفر كي حبة لقرص قاتلها هيا حنونة عجوزتك حابة تشوفك وشحال هايلة وحنينة ياسمين قاتلها لا لا منجيش يعيشك خالتي قوليلهم منيش قابلة نخافو نخافو
ستوب
هنا يحبس لبارت تع ليوم متنساوش رايكم ولفوط حنوناتي
أنت تقرأ
لي مكتوب فلجبين مايمحوه ليدين❤
Short Storyتعريف شخصيات❤ ياسمين:طفلة في عمرها 17 سنة اسم على مسمى حلوة سكر جاية ماهي بيضة ماهي سمرة عندها ثقبة مزينتلها خدها شعرها كحل وطويل وهي جاية قصيرة مابين صحبتها عندها لاطاي تهبل جاية معمرة وانثوية تقرى فليسي ولعام لجاي تجوز لباك ياسمين طفلة حساسة تبكي...
