🌻عشق الزين للعذراء 🌻
❄البارت الخامس❄
#بقلم_فاطمه_خالد
**********
حسنا فلنبدأ في هذا الجحيم يا قلبي
ولكن لا تبكي في النهايه سأدخل
نعم سادخل الي هذه الحرب
لا يفرق الان ان هزمت أو
انتصرت يكفي ان اكون
معم ونحارب سويا
******
كانت تلك العذراء تنظر للجميع بزهول وهي لا تعلم ماذا تفعل فاذا اختارت عائلتها ستعود الي جحيم زوجه عمها
ولكن ايضا اذا اختارت زين ستواجه الكثير من الصعاب والمشاكل ولا تدري ان كانت تستطيع ان تكمل فيها هل سيقوم زين في يوم ما بضرب هذا في وجهها انها لم تعد لديها عائلها ولكن لحظه هي لم يكن لديها عائله من قبل علي اي حال ولكن الان اذا فعلت شئ خطأ في حق زين سيقوم بضرب جميع ماضيها في وجهها وانها اختارته هو حسنا نعلم جميعا ان ذلك الزين يعشقها ولكنه يا ساده انه معشر الرجال عندما يغضب يفعل كل شئ حتي يكسر من امامه حتي ان لم يفعل هو ذلك هل تستطيع هي العيش في هذا المجتمع الذي دائما يهتم بالمظاهر .
كان ينظر لها ذلك الزين نظرات مليئه بالترجي وايضا كان بعذه النظرات اطمئنان
فهو كان يعلم في اي شئ هي انها امام اختيار لا يستطيع احد ان يقوم به فهي لا تسطيع ان تختار بين عشقها او عائلتها ولكن كان يجب عليها فعل هذا الاختيار .
كانت تنظر عذراء لزين بعيون مليئه بالدموع ثم نظرت ال عمها قائله: انت بتقول ايه يعمي كنت فين طول السنين دي كنت فين وانت شايف مرات عمي بتزلني وبتوريني العذاب ومشغلاني خدامه عندها واكملت وهي تبكي بشده كنت فين ها قولي كنت فين وهي عايزه تجوزني اسامه ال هو السبب ان احنا هنا دلوقت كنت فين والله اعلم لولا زين كنت متجوزاه دلوقت وكنت ممكن اكون ميته دلوقت مش وسطيكوا كنت فين وزين بيدفع فلوس ويشتريني من مرات عمي كنت فين وهي بتبعني بالفلوس وال يدفع اكتر يكسبني كأني كيس شبسي او اي حاجه ملهاش لازمه كنت فين وانا ببكي ليل نهار عشان مش عارفه احقق امنيه ابويا وهي ان اكمل تعليمي وهي دي ممكن الحاجه الوحيده ال عملتها ليا دا دي حته لولا ان علي حطكوا في الامر الواقع كان زماني دلوقت مش متعلمه بعد كل دا جاي تقولي بيتي مفتوح؟يا ريته ما كان مفتوح دا الغريب كان رحيم عليا اكتر منكوا علي الاقل لما زين عرف حكايتي تعب نفسوا وساب شغلوا ومرضاش يرجع غير لما اكون مراته ويحميني من كره مراتك ليا بس للاسف معرفناش نرجع انت جاي بعد كل دا تقولي ارجعي عيشي معانا لا يا عمي انا اسفه عندي ابقي في الشارع ولا ارجع البيت ده
كانت تنهي حديثها وهي في حاله هستيريه من البكاء وزين يحاول تهدئتها
حسين: انا اسف يا بنتي حقك عليا والله انا ما كنت اعرف ان انتي بتتعذبي كدا وخلاص مستحيل يحصل حاجه كدا تاني.
(ولكن يالله كيف ستثق به مره اخري بعد كل ما حدث هي لم تعد تثق باحد بعد كل ما حدث لها)
زين: خلاص يا عمي امشوا انتوا وهي لما تهدأ انا هقولك
حسبن بيأس: ماشي يبني
فارس: انا هخرج اقعد بره شويه وانتوا خدوا راحتكوا
زين: ماشي يا فارس
بعد خروجهم جميعا جلس زين بجوار عذراء: خلاص اهدي اوعدك ان مفيش حاجه هتحصلك وانتي معايا انا بوعدك لحد اخر يوم في عمري هفضل احميك
عذراء وهي تشدد من احتضانه وكأنه مخبأها الوحيد من الحياه: متسبنيش يا زين انا عايزه انام
زين: عمري ما هسيبك يا عذراء نامي يا حبيبتي انتي لسه تعبانه وانا هقعد بره تمام
عذراء: لا خليك معايا لو سمحت انت كمان منمتش خليك معايا انا خايفه
زين:حاضر يا عيون زين هفضل معاك ممكن تنامي بقا
في نلك الاثناءفي الخارج كانت تتوجه الي غرفه عذراء
فارس: هب هب رايحه فين يا بنتي
...:انت مالك يا عم اروح في الحته ال عيزاها و بعدين انا داخله لصحبتي
فارس:هو انا مقلتلكيش ان وقت الزياره خلص يا قمر انت يلا يا حبيبتي هوينا
....:حبك برص يا اخي وبعدين انت مالك انت مالك دا انت واحد متخلف صحيح
فارس: تب لمي لسانك يا شاطره عشان مقطعهوش وبعدين دلوقتي هي نايمه وجوزها معاها وكمان هي تعبانه وبعدين بما انك صحبتها مشفناش وشك الجميل ده من ساعت لما فاقت ليه
....:اولا انا مكنتش اعرف لان انا مش من هنا وكل ال اعرفه انها كانت هتكتب هتكتب الكتاب بس انا معرفتش اروح عشان احضر انا المحاضرات واديها ليها بس ولسه عارفه امبارح ال حصل من صحبتي
فارس:انتي بقالك اكتر من ساعه في المستشفي مش انتي القمر برده ايوه انتي طالعه دلوقت ليه
....:عشان كنت جايه لصحبتنا التالته هي خالتها عامله عمليه روحتلها وبعدين جيت وهي زمانها ورايا دلوقت علي العموم ابقي اجيلها كمان شويه تكون فاقت
كانت تهم بالمشي الي انه اوقفها قائلا: مقلتيش اسمك ايه
...:زفت اسمي زفت عجبك وتركته وذهب
فارس: ايه القمر ده يا جدعان
امل:في ايه يا ساره رجعتي ليه
ساره: عذراء نايمه وفي واحد متخلف مرضاش يدخني
امل:تمام تعالي نروح عند خالتي وشويه ونرجع لها
***
كانت عذراء نائمه في حضن زين وهو ينظر لها لا يصدق انها في حضنه الان كان يتاملها حتي هي بدات تتلملم وتفتح عيناها ببطئ:زين
زين:عيونه
عذراء:انا عايزه امشي من هنا لو سمحت
زين: هتيجي معايا
عذراء: مش عارفه يا زين انا خايفه مش عارفه اعمل ايه اختارك بس ممكن تسبني لوحدي وتبعد عني في الاخر
زين: لا يا عذراء انا مستحيل ابعد عنك انتي بقيتي حياتي ممكن الاول كنت بعمل كدا عشان احميك بس لما كنتي هتروحي متي عرفت قيمتك عرفت اني بحبك ايوه زين المنياوي وقع زي ما فارس بيقولي هو كلامه صح انا مستحيل اسيبك ابدا ولا اخلي حد يازيكي طول منا معاك
عذراء: بجد يا زين
زين: بجد يا روح زين ولو عايزه دلوقت ممكن اقوم اعمل إجراء للخروج ونمشي
عذراء: ماشي يا زين عايزه امشي مش عايزه افضل هنا
زين:تمام استريحي انتي لحد اما اخلص الإجراءات
خرج زين وسابها تستريح لقا فارس عمال يزعق معي بنتين
فارس: يا بنتي قولت نايمه ما انتي مش هتخشي
ساره: لا هخش يا عم انت مالك دا انت بارد
زين: فيه ايه يا فارس بتزعق ليه ومين دول
فارس : بيقولوا صحاب عذراء
زين: تمام خليهم بخشوا ليها عما نخلص الاجراءات وانت خش بدل ما انت واقف كدا
امل: عذراء حبيبتي الف سلامه عليك
ساره: الف سلامه يا روحي
عذراء: ايه يا واطين لسه قايمين تفتكروني
ساره:والله يا بنتي لسه عارفه النهارده من امل وهي برده عرفت صدفه لان خالتها هنا في نفس المستشفي
امل: اسفه والله بس مردتش اجي لوحدي قولت اما استني ساره عما تيجي
عذراء: خلاص يا بنتي انا مستحيل ازعل منك اصلا انتي خالتك عامله ايه كنت هجيلك والله بس انتي شايفه ال فيها
امل: هي بقت كويسه الحمد الله الدكتور طمنا عليها بس انتي ايه ال جابك هنا يعني اول لما اتصبتي ليه مودوكيش مستشفي جنب بيتك انا استغربت لما عرفت ان انتي هنا
زين: مش عارفه والله يا امل هو زين ال كان معايا تقريبا ماكنش يعرف المستشفي ال في بلدنا او مقبلوش يخدوا حاله طوارئ انتي عارفه
ساره: ومين الاخ ال واقف من اول الحديث مستمع ده
عذراء: اه دا فارس صاحب زين
ساره: دا صاحب زين تب تيجي ازاي
فارس: ليه يا حبيبتى مش عاجبك ولا ايه
زين وهو يدخل الغرفه:في ايه يا فارس انت بتردح ليه😹😹
فارس:يعني مش سامع بتقول ايه دي واحده متربتش
ساره:مين ال متربتش يالا متلم نفسك كدا احنا هنهزر
فارس يالا متتكلمي عدل يا بت
زين:بسسس انتوا جاين تتخنقوا هنا كفايه
قاطع حديثهما او بالاحري خناقهما دخول علي
علي:عذراء عامل.....ولم يكمل حديثه عندما رائها
علي:انتي
امل:انت
علي: انتي ورايا ورايا حرام عليك والله هتجبيلي جلطه
امل: احنا هنهزر دا انت لو بتراقبني مكنش هيحصل كدا
عذراء: انتوا تعرفوا بعض
ساره:تعرفيه منين يا به
امل: دا المتخلف ال قولتلك عنه انه طردني من المحاضره
علي: متخلف مين يا بت انتي ما تظبطي كدا بدل ما افصلك من الكليه
امل: ليه يا بابا حد قالك ان دي جامعه ابوك
علي: يا به والله هزعلك
عذراء:بسس خلاص دا علي يا امل ابن عمي كنت حكيت ليكم عنه قبل كدا
ودي امل صحبتي وساره
علي: وعرفاهم منين بقا ان شاء الله انا اول مره اعرف ان ليك صحاب غير ساره
عذراء: علي ميصحش كدا دي صحبتي هيا صاحبت ساره وانا اتعرفت عليها منها
علي:علي العموم انا كنت جاي اشوفك هتعملي ايه مع ان انا متأكد ان انتي اختارتي تروحي مع زين
زين وهو يتحكم باعصابه بصعوبة فهو يغير منه كثيرا: حتي لو ما كانتش اختارتني مكنتش هتيجي معاك اصلا
عذراء: خلاص خلاص بجد صدعتوني كله خناق خناق علي فكره انا تعبانه والمفروض تهتموا بيا مش تيجوا تتخنقوا قصادي
زين: خلاص يا عذراء انا خلصت الإجراءات يلا نمشي
عذراء:تمام يلا ختفضلوا هنا ولا هتروحوا يا بنات
امل :لا انا هفضل مع خالتي قولي بس لابن عمك ميطردنيش بكره
علي: ابقي احترمي معادك وانا مطردكيش
امل:حد قالك قبل كدا انك بارد
عذراء وهي تكتم ضحكتها: كتير
علي: ماشي ياعذراء
عذراء: خلاص يا علي عشان خاطري متطردهاش
علي:لما تيجي في معادها مش هتردها
ساره: خلاص يا كباتن هدوا اعضائكم هروح انا بقي عشان متأخرش
عذراء:لا استني يا ساره احنا هوصلك في طريقنا مش كدا يا زين
زين:اه طبعا انتي من القاهره ولا من هنا
ساره:لا انا من قاهره بس جيت لما عرفت ان امل وعذراء هنا
زين:خلاص نفس الطريق تعالي معانا
ساره:ده اكيد مش هيركب معانا
فارس:ليه يا حبيبتي برغوت هكلك ولا ايه
ساره:امر وحياتك
زين:بس خلاص الموضوع اتقفل لا عشان نوصل بدري قبل اما الوقت يتاخر اكتر
فارس:تمام يلا
يتبع******
يا ترا كل حاجه هتمشي زي ما زين خطط ليها ولا في عقبات لسه قدامهم وهل عذراء هتسامح عمها وهل ممكن يحصل حاجه ببن امل وعلي♡وساره وفارس
وزي ما الكل بيقول ما محبه ما بعد عداوه
هنعرف كل ده في الفصل الجاي تفاعل كتير بقا
أنت تقرأ
🌻عشق الزين للعذراء🌻
Romanceهل تعلم هذا الشعور عندما تكون علي وشك الضياع ويأتي هذا الشخص وينقذك ولكن يأخذ منك شئ مهما فعلت لا تستطيع ان ترجعه مره اخره لان مهما فعلت وتجاهلت لم تستطيع نسيانه مهما حاول العقل علي فعل ذلك لان القلب يكون له راي اخر فهذا الشخص يسرق قلبك كما انت تسر...
